Nivetha Thomas: ‘അങ്ങേയറ്റം അസ്വസ്ഥതയുണ്ടാക്കുന്നു, ഇത് വേദനാജനകം’; മുന്നറിയിപ്പുമായി നിവേദ തോമസ്
Nivetha Thomas Against AI Images: ഇത്തരം ചിത്രങ്ങൾ തന്നെ അസ്വസ്ഥതപ്പെടുത്തുന്നുവെന്നും തന്റെ സ്വകാര്യതയിലേക്കുള്ള ഗുരുതരമായ കടന്നുകയറ്റവുമാണെന്നും നടി പോസ്റ്റിൽ പറയുന്നു.
മലയാളികൾക്ക് സുപരിചിതയാണ് നടി നിവേദ തോമസ്. സോഷ്യൽ മീഡിയയിൽ സജീവമായ താരം പങ്കുവയ്ക്കുന്ന പങ്കുവയ്ക്കുന്ന പോസ്റ്റുകൾ ഏറെ ശ്രദ്ധനേടാറുണ്ട്. ഇപ്പോഴിതാ എഐയിലൂടെ സൃഷ്ടിച്ച തന്റെ വ്യാജ ചിത്രങ്ങൾ പ്രചരിപ്പിക്കുന്നവർക്കെതിരെ ശക്തമായ മുന്നറിയിപ്പ് നൽകി രംഗത്ത് എത്തിയിരിക്കുകയാണ് നടി. (Image Credits: Instagram)
എഐ ഉപയോഗിച്ച് തന്റെ ചിത്രങ്ങൾ ദുരുപയോഗം ചെയ്യുന്നുവെന്ന് പറഞ്ഞുകൊണ്ടാണ് നടിയുടെ പോസ്റ്റ്. ഇത്തരം കാര്യങ്ങൾ നിയമവിരുദ്ധവും സ്വകാര്യതയുടെ ഗുരുതരമായ ലംഘനവുമാണെന്ന് നടി ഇൻസ്റ്റാഗ്രാം സ്റ്റോറിയിൽ കുറിച്ചു.
സോഷ്യൽ മീഡിയയിൽ താൻ സമീപകാലത്ത് പങ്കുവച്ച ചിത്രങ്ങൾ എഐ ഉപയോഗിച്ച് ദുരുപയോഗം ചെയ്ത് പ്രചരിപ്പിക്കുന്നത് ചന്റെ ശ്രദ്ധയിൽപെട്ടു. ഇത്തരം ചിത്രങ്ങൾ നിർമിക്കുന്നതും പ്രചരിപ്പിക്കുന്നതും നിയമവിരുദ്ധവും അംഗീകരിക്കാനാവത്തതുമാണ്.
ഇത്തരം ചിത്രങ്ങൾ തന്നെ അസ്വസ്ഥതപ്പെടുത്തുന്നുവെന്നും തന്റെ സ്വകാര്യതയിലേക്കുള്ള ഗുരുതരമായ കടന്നുകയറ്റവുമാണെന്നും നടി പോസ്റ്റിൽ പറയുന്നു.
ഇത്തരം ചിത്രങ്ങൾ പ്രചരിപ്പിച്ചവർ ഉടനടി നീക്കം ചെയ്യാനും നടി ഇൻസ്റ്റഗ്രാം പോസ്റ്റിൽ പറഞ്ഞു. ചിത്രം നിർമിക്കുന്നതും പ്രചരിപ്പിക്കുന്നതും തന്റെ വ്യക്തിത്വത്തെ ദുരുപയോഗം ചെയ്യുന്നതായി കണക്കാക്കി നിയമ നടപടി സ്വീകരിക്കുമെന്നും നടി മുന്നറിയിപ്പ് നൽകി.
