Namma Metro: ഗ്രീന് ലൈന് സൂപ്പറല്ലേ…പുതിയ ട്രെയിനുണ്ട്, പര്പ്പിള് ലൈനിലും മാറ്റം
Bengaluru Namma Metro New Trains in Green Lines: 17 ട്രെയിനുകള് നഷ്ടപ്പെടുന്ന ഗ്രീന് ലൈനിന് ലഭിക്കാന് പോകുന്നത് 21 പുതിയ ട്രെയിനുകളാണ്. എത്രയും പെട്ടെന്ന് ട്രെയിനുകള് സര്വീസ് നടത്താനാണ് ബിഎംആര്സിഎല് ലക്ഷ്യമിട്ടിരിക്കുന്നത്.
ഇടവിട്ടുള്ള ട്രെയിന് സര്വീസുകളില്ലാത്തത് പലപ്പോഴും നമ്മ മെട്രോ യാത്രക്കാര്ക്ക് തലവേദനയാകാറുണ്ട്. എന്നാല് ആ പ്രശ്നത്തിന് ഉടന് പരിഹാരമാകും. ബെംഗളൂരു മെട്രോ റെയില് കോര്പ്പറേഷന് ലിമിറ്റഡ് (ബിഎംആര്സിഎല്) പുതിയ മാറ്റങ്ങള് കൊണ്ടുവരാനൊരുങ്ങുകയാണ്. നിലവില് ഗ്രീന് ലൈനില് സര്വീസ് നടത്തുന്ന 17 ട്രെയിനുകളെ പര്പ്പിള് ലൈനിലേക്ക് മാറ്റും. (Image Credits: Social Media)
17 ട്രെയിനുകള് നഷ്ടപ്പെടുന്ന ഗ്രീന് ലൈനിന് ലഭിക്കാന് പോകുന്നത് 21 പുതിയ ട്രെയിനുകളാണ്. എത്രയും പെട്ടെന്ന് ട്രെയിനുകള് സര്വീസ് നടത്താനാണ് ബിഎംആര്സിഎല് ലക്ഷ്യമിട്ടിരിക്കുന്നത്.
മഡവറയെ സില്ക്ക് ഇന്സ്റ്റിറ്റ്യൂട്ടുമായി ബന്ധിപ്പിക്കുന്ന 33.5 കിലോമീറ്റര് ദൂരമുള്ള ലൈനാണ് ഗ്രീന് ലൈന്. ഇവിടെ നിലവിലുള്ള 17 ട്രെയിനുകള് വൈറ്റ്ഫീല്ഡ് മെട്രോ സ്റ്റേഷന് മുതല് ചല്ലഘട്ട ടെര്മിനല് വരെ നീളുന്ന 43.49 കിലോമീറ്റര് പര്പ്പിള് ലൈനില് ഉടന് സര്വീസ് ആരംഭിക്കും.
2019-20 ലെ കരാര് പ്രകാരം ചൈനീസ് കമ്പനിയായ സിആര്ആര്സിക്ക് കീഴിലുള്ള കൊല്ക്കത്തയിലെ ടിറ്റാഗഡ് റെയില് സിസ്റ്റംസ് ലിമിറ്റഡാണ് ട്രെയിനുകള് നിര്മിച്ച് നല്കുന്നത്. ഡിടിജി സാങ്കേതികവിദ്യയിലുള്ള 21 മെട്രോ ട്രെയിനുകളാണ് വിതരണം ചെയ്യുക. ചൈനയില് നിര്മിച്ച ഒരു പ്രോട്ടോടൈപ്പ് ട്രെയിന് ഇതിനോടകം എത്തിച്ചേര്ന്നിട്ടുണ്ട്.
പര്പ്പിള് ലൈനിനായി പ്രോട്ടോടൈപ്പ് ഡിടിജി സാങ്കേതികവിദ്യയിലുള്ള ട്രെയിന് കഴിഞ്ഞ വര്ഷം ജനുവരിയില് ബെംഗളൂരുവില് എത്തിയെങ്കിലും ഇതുവരെ യാത്രക്കാര്ക്കായി നല്കിയിട്ടില്ല. ബിഎംആര്സിഎല് ഇപ്പോള് ഈ ട്രെയിന് ഗ്രീന് ലൈനില് വിന്യസിക്കാന് തീരുമാനിച്ചിരിക്കുകയാണ്.
