പൊടിയുണ്ട് വാതിലും ജനാലകളും അടച്ചിടണം; നിര്ദേശം നല്കി യുഎഇ
UAE Weather Alert: പൊടിക്കാറ്റില് നിന്ന് രക്ഷനേടുന്നതിനായി യുഎഇ നിവാസികള് സ്വയം സംരക്ഷണമൊരുക്കണമെന്ന് കാലാവസ്ഥ കേന്ദ്രം ആവശ്യപ്പെട്ടു. പൊടിയില് നിന്ന് രക്ഷപ്പെടാനായി എന്തെല്ലാം ചെയ്യണമെന്ന മാര്ഗനിര്ദേശങ്ങളും കേന്ദ്രം പുറപ്പെടുവിച്ചിട്ടുണ്ട്.
യുഎഇ താമസക്കാര്ക്ക് പ്രത്യേക ജാഗ്രത നിര്ദേശം പുറപ്പെടുവിച്ച് ദേശീയ കാലാവസ്ഥ കേന്ദ്രം. രാജ്യത്തെ കാലാവസ്ഥ മാറിയതിനെ തുടര്ന്നാണ് പുതിയ നിര്ദേശം. പൊടിപടലം നിറഞ്ഞ കാലാവസ്ഥയാണ് നിലവില് യുഎഇയില് അനുഭവപ്പെടുന്നത്. (Image Credits: Getty Images)
പൊടിക്കാറ്റില് നിന്ന് രക്ഷനേടുന്നതിനായി യുഎഇ നിവാസികള് സ്വയം സംരക്ഷണമൊരുക്കണമെന്ന് കാലാവസ്ഥ കേന്ദ്രം ആവശ്യപ്പെട്ടു. പൊടിയില് നിന്ന് രക്ഷപ്പെടാനായി എന്തെല്ലാം ചെയ്യണമെന്ന മാര്ഗനിര്ദേശങ്ങളും കേന്ദ്രം പുറപ്പെടുവിച്ചിട്ടുണ്ട്.
പൊടിയുമായി നേരിട്ടുള്ള സമ്പര്ക്കം ഒഴിവാക്കണമെന്ന് നിര്ദേശമുണ്ട്. വാഹനമോടിക്കുന്ന സമയത്ത് പൊടിയില് നിന്ന് രക്ഷനേടാന് മുന്കരുതല് സ്വീകരിക്കുക. ഗതാഗത നിയമങ്ങള് കര്ശനമായി പാലിക്കുകയും വേണം.
വീടിനും മറ്റ് കെട്ടിടങ്ങളുടെയും ഉള്ളിലേക്ക് പൊടി കടക്കാതിരിക്കാന് വാതിലുകളും ജനാലുകളും എപ്പോഴും അടച്ചിടുക. സര്ക്കാര് പുറപ്പെടുവിക്കുന്ന ഔദ്യോഗിക നിര്ദേശങ്ങളും അറിയിപ്പുകളും ശ്രദ്ധിക്കുക.
പൊടിപടലങ്ങള് നിറഞ്ഞ അന്തരീക്ഷമാണെങ്കിലും യുഎഇയില് മഴയ്ക്ക് സാധ്യതയുണ്ടെന്ന് അധികൃതര് അറിയിക്കുന്നു.
