Plastic Crockery: പ്ലാസ്റ്റിക് പാത്രങ്ങൾ ദൈനംദിന ഉപയോഗത്തിന് സുരക്ഷിതമോ? ആശങ്കകൾ ഉയർത്തി വിദഗ്ധർ
Plastic Crockery Side Effects: ബിപിഎ എന്നാൽ പ്ലാസ്റ്റിക്കിന്റെ ആകൃതിയും വഴക്കവും നിലനിർത്താൻ സഹായിക്കുന്ന ഒരു സിന്തറ്റിക് കെമിക്കലായ ബിസ്ഫെനോൾ എയെ സൂചിപ്പിക്കുന്നു. എന്നാൽ ഇത് ഏറ്റവും അപകടകാരിയായ എൻഡോക്രൈൻ ഡിസ്റപ്റ്ററുകളിൽ ഒന്നാണ്. അതായത് ശരീരത്തിന്റെ ഹോർമോൺ സിസ്റ്റങ്ങളെ തടസ്സപ്പെടുത്തുന്ന രാസവസ്തുക്കൾ.
മിക്ക വീടുകളിലും പ്ലാസ്റ്റിക് പാത്രങ്ങൾ സുലഭമാണ്. പല കാരണങ്ങൾകൊണ്ട് അവയുടെ ഉപയോഗം നമ്മൾ ഇഷ്ടപ്പെടുന്നു. എന്നാൽ ഇവ എത്രത്തോളം നമ്മുടെ ആരോഗ്യത്തെ ബാധിക്കുന്നുണ്ടെന്ന് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ. വീട്ടുകളിൽ പ്ലാസ്റ്റിക് പാത്രങ്ങൾ ഉപയോഗിക്കുന്നതിന്റെ മറഞ്ഞിരിക്കുന്ന അപകടങ്ങളെക്കുറിച്ചാണ് വിദഗ്ധർ ഇപ്പോൾ മുന്നറിയിപ്പ് നൽകുന്നത്. (Image Credits: Gettyimages)
പ്ലാസ്റ്റിക് പ്ലേറ്റുകൾ, കപ്പുകൾ, പാത്രങ്ങൾ, ലഞ്ച് ബോക്സുകൾ എന്നിവ ബിപിഎ പോലുള്ള രാസവസ്തുക്കൾ ഉപയോഗിച്ചാണ് നിർമ്മിക്കുന്നത്. ബിപിഎ എന്നാൽ പ്ലാസ്റ്റിക്കിന്റെ ആകൃതിയും വഴക്കവും നിലനിർത്താൻ സഹായിക്കുന്ന ഒരു സിന്തറ്റിക് കെമിക്കലായ ബിസ്ഫെനോൾ എയെ സൂചിപ്പിക്കുന്നു. എന്നാൽ ഇത് ഏറ്റവും അപകടകാരിയായ എൻഡോക്രൈൻ ഡിസ്റപ്റ്ററുകളിൽ ഒന്നാണ്. അതായത് ശരീരത്തിന്റെ ഹോർമോൺ സിസ്റ്റങ്ങളെ തടസ്സപ്പെടുത്തുന്ന രാസവസ്തുക്കൾ. (Image Credits: Gettyimages)
ക്ലിനിക്കൽ ന്യൂട്രീഷ്യനിസ്റ്റ് രൂപാലി ദത്തയുടെ അഭിപ്രായത്തിൽ, ബിപിഎയും മറ്റൊരു സാധാരണ സംയുക്തമായ ഫ്താലേറ്റുകളും ഈസ്ട്രജൻ, ടെസ്റ്റോസ്റ്റിറോൺ തുടങ്ങിയ ഹോർമോണുകളെ ബാധിക്കുന്ന എൻഡോക്രൈൻ ഡിസ്റപ്റ്ററുകളാണ്. പ്രത്യേകിച്ച് ഇത് കുട്ടികൾക്ക് ആശങ്കാജനകമാണ്, കാരണം ഈ ഹോർമോണുകൾ ശാരീരിക വികസനത്തിനും പ്രത്യുൽപാദന ആരോഗ്യത്തിനും മൊത്തത്തിലുള്ള വളർച്ചയ്ക്കും നിർണായകമാണ്. (Image Credits: Gettyimages)
ബിപിഎ, ഫ്താലേറ്റുകൾ, പിഎഫ്എഎസ് (പ്ലാസ്റ്റിക്കുകളിൽ സാധാരണയായി ഉപയോഗിക്കുന്ന മറ്റൊരു സിന്തറ്റിക് സംയുക്തം) തുടങ്ങിയ രാസവസ്തുക്കൾക്ക് മനുഷ്യ ഹോർമോണുകളെ നശിപ്പിക്കാൻ കഴിയുമെന്ന് യുസി സാൻ ഫ്രാൻസിസ്കോയിലെ പ്രൊഫസറും പ്രശസ്ത വിദഗ്ദ്ധനുമായ ഡോ. ട്രേസി വുഡ്രഫ് ചൂണ്ടികാണിക്കുന്നു. പ്രത്യുൽപാദന പ്രശ്നങ്ങൾ, വന്ധ്യത, ഗര്ഭപിണ്ഡത്തിന്റെ വികസനം മോശമാകുന്നത്, ചിലതരം കാൻസറുകൾ തുടങ്ങി ഗുരുതരമായ ആരോഗ്യപ്രശ്നങ്ങൾ ഇവ മൂലം ഉണ്ടായേക്കാം. (Image Credits: Gettyimages)
ഗവേഷണം അപകടസാധ്യതകളെക്കുറിച്ച് വിരൽ ചൂണ്ടുമ്പോഴും, ശരിയായി ഉപയോഗിച്ചാൽ പ്ലാസ്റ്റിക് രാസവസ്തുക്കൾ ഭക്ഷണത്തിലേക്ക് എത്താനുള്ള സാധ്യത കുറവാണെന്ന് യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ (എഫ്ഡിഎ) പറയുന്നു. പ്ലാസ്റ്റിക് പാത്രങ്ങൾ ചൂടാക്കാതിരിക്കുക, അസിഡിറ്റി ഉള്ള ഭക്ഷണങ്ങൾക്കൊപ്പം പ്ലാസ്റ്റിക് ഉപയോഗിക്കുന്നത് ഒഴിവാക്കുക എന്നിങ്ങനെയുള്ള സുരക്ഷിതമായ നടപടികൾ സ്വീകരിക്കുക. (Image Credits: Gettyimages)
