രണ്ട് 200MP ARRI ക്യാമറകൾ 8800mAh ബാറ്ററി; ഹോണർ മാജിക് 9 പ്രോ മാക്സ് ലോഞ്ച് ചെയ്തു
Honor Magic 9 Pro Max launched: ഹോണർ തങ്ങളുടെ മാജിക് സീരീസിലേക്ക് പുതിയ ഹോണർ മാജിക് 9 പ്രോ മാക്സ് സ്മാർട്ട്ഫോൺ ചൈനയിൽ ലോഞ്ച് ചെയ്തു. സ്നാപ്ഡ്രാഗൺ 8 എലൈറ്റ് എക്സ്ട്രീം ജെൻ 6 പ്രോസസർ കരുത്തിലാണ് ഈ ഹോണർ ഫോൺ എത്തിയിരിക്കുന്നത്. ഡ്യുവൽ 200MP ARRI കോ-ബ്രാൻഡഡ് ക്യാമറ സിസ്റ്റം ഇതിലുണ്ട്. ഇതിന്റെ 12GB + 256GB അടിസ്ഥാന വേരിയന്റിന് 6,499 യുവാൻ (ഏകദേശം 92,920 രൂപ) ആണ് വില.
ഹോണർ തങ്ങളുടെ മാജിക് സീരീസിലേക്ക് പുതിയ ഹോണർ മാജിക് 9 പ്രോ മാക്സ് (HONOR Magic9 Pro Max) സ്മാർട്ട്ഫോൺ ചൈനയിൽ ലോഞ്ച് ചെയ്തു. ഹോണർ മാജിക് 9, മാജിക് 9 സൂപ്പർ എഡിഷൻ എന്നീ മോഡലുകളും ഇതോടൊപ്പം അവതരിപ്പിച്ചിട്ടുണ്ട്. ഇതിൽ മാജിക് 9, മാജിക് 9 പ്രോ മാക്സ് എന്നിവയിൽ ARRI കോ-ബ്രാൻഡഡ് ക്യാമറ സജ്ജീകരണങ്ങളുണ്ട്. അതേസമയം Magic9 സൂപ്പർ എഡിഷനിൽ പ്രത്യേക ക്യാമറ സംവിധാനമാണ് നൽകിയിരിക്കുന്നത്. (Image credit: Honor).
ഹോണർ മാജിക് 9 പ്രോ മാക്സ് ക്യാമറ: ഡ്യുവൽ 200MP ARRI കോ-ബ്രാൻഡഡ് ക്യാമറ സിസ്റ്റം ഇതിലുണ്ട്. അതിൽ 200MP മെയിൻ ക്യാമറ 1/1.28-ഇഞ്ച് സെൻസർ, f/1.57, 3° ഗിംബൽ-ലെവൽ സ്റ്റെബിലൈസേഷനോടുകൂടിയ CIPA 8.0 സ്റ്റെബിലൈസേഷൻ സഹിതം എത്തുന്നു. ഒപ്പം 200MP ടെലിഫോട്ടോ ക്യാമറ 1/1.4-ഇഞ്ച് സെൻസർ, f/2.6, CIPA 8.0 സ്റ്റെബിലൈസേഷൻ, AiMAGE ക്ലാരിറ്റി എഞ്ചിൻ എന്നിവയോടെയും. ഇവയ്ക്ക് ഒപ്പം ഒരു 50MP അൾട്രാ-വൈഡ്, f/2.0 ക്യാമറയും ഉണ്ട്.
55MP ഫ്രണ്ട്, 1/2.74 ഇഞ്ച് സെൻസർ, f/2.0, 1:1 സ്ക്വയർ ഫുൾ-ഫ്രെയിം, 3D ഡെപ്ത്-സെൻസിംഗ് ക്യാമറ എന്നിവയും ഹോണർ മാജിക് 9 പ്രോ മാക്സ് മോഡലിൽ ഉണ്ട്. 6nm യുഗുവാങ് H1 ചിപ്പ് ഈ സ്മാർട്ട്ഫോണിലെ ക്യാമറ മികവിന്റെ ശക്തികേന്ദ്രമായി പ്രവർത്തിക്കുന്നു.
സ്നാപ്ഡ്രാഗൺ 8 എലൈറ്റ് എക്സ്ട്രീം ജെൻ 6 പ്രോസസർ കരുത്തിലാണ് ഈ ഹോണർ ഫോൺ എത്തിയിരിക്കുന്നത്. 6.8 ഇഞ്ച് LTPO OLED ഡിസ്പ്ലേ, 1320 × 2868 റെസല്യൂഷൻ, 1.07 ബില്യൺ കളേഴ്സ്, DCI-P3, 95.33% സ്ക്രീൻ ആസ്പക്ട് റേഷ്യോ, 464ppi, 1–120Hz അഡാപ്റ്റീവ് റിഫ്രഷ് റേറ്റ് എന്നിവയും ഇതിലുണ്ട്.
ഡയമണ്ട് ജയന്റ് റൈനോസെറോസ് ഗ്ലാസ് ഡ്രോപ്പ് റെസിസ്റ്റൻസ്, IP68/IP69/IP69K റേറ്റിങ്, 3D ഫേസ് റെക്കഗ്നിഷൻ, 3D അൾട്രാസോണിക് ഫിംഗർപ്രിന്റ് റെക്കഗ്നിഷൻ, 8,800mAh ബാറ്ററി, 100W വയർഡ്, 80W വയർലെസ് ചാർജിങ്, 50W വയർലെസ് ചാർജിങ് എന്നിവയാണ് ഹോണർ മാജിക് 9 പ്രോ മാക്സിലെ മറ്റ് പ്രധാന ഫീച്ചറുകൾ.
വില: ഹോണർ മാജിക് 9 പ്രോ മാക്സ് 12GB + 256GB: 6,499 യുവാൻ (ഏകദേശം 92,920 രൂപ), 12GB + 512GB: 6,999 യുവാൻ (ഏകദേശം 1,00,070 രൂപ), 16GB + 512GB: 7,499 യുവാൻ (ഏകദേശം 1,07,220 രൂപ), 16GB + 1TB: 8,499 യുവാൻ (ഏകദേശം 1,21,520 രൂപ) എന്നീ വിലകളിൽ ആണ് അവതരിപ്പിച്ചിരിക്കുന്നത്.
