Fashion Jewellery Caring Tips: സ്വർണം തൊട്ടാൽ പൊള്ളും! എങ്കിൽ ഫാൻസി ആഭരണങ്ങൾ സൂക്ഷിക്കാം ഇങ്ങനെ
How To Take Care Fashion Jewellery:അശ്രദ്ധമായി കൈകാര്യം ചെയ്താൽ അവ നാശമായി പോകാനും നിറം മങ്ങാനുമുള്ള സാധ്യത ഏറെയാണ്. ഇത്തരം ആഭരണങ്ങൾ നിറം മങ്ങാതെ സൂക്ഷിക്കാൻ ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് നമുക്ക് നോക്കാം.
സ്വർണവില ദിവസേന കുതിച്ചുയരുകയാണ്. ഇനിയുള്ള കാലം ഒരു തരി പൊന്ന് വാങ്ങണമെങ്കിൽ അല്പം വിയർക്കും. ഇന്ന് ഒരു പവൻ സ്വർണത്തിന് 81440 രൂപയാണ് നൽകേണ്ടത്. ഗ്രാമിനാകട്ടെ 10180 രൂപയും. പണികൂലിയും ജിഎസ്ടിയും എല്ലാം ചേർത്താൽ ഒരു പവന് ഏകദേശം 85000ത്തിനടുത്ത് നൽകേണ്ടി വരും. അതുകൊണ്ട് പലരും ഇന്ന് ആശ്രയിക്കുന്നത് ഫാൻസി ആഭരണങ്ങളാണ്. (Image Credits: Gettyimages)
വിലക്കുറവിൽ ഏറ്റവും ഭംഗിയുള്ള ഫാൻസി ആഭരണങ്ങൾ കിട്ടുമ്പോൾ എന്തിനാണ് സ്വർണം വാങ്ങാൻ കഷ്ടപ്പെടുന്നതെന്നാണ് പലരും ചിന്തിക്കുന്നത്. എന്നാൽ പല ആഘോഷങ്ങളും കഴിഞ്ഞ് തിരികെയെത്തിയാൽ ഇത്തരം ഫാൻസി മാലകളും കമ്മലുകളും എവിടെയെങ്കിലും അശ്രദ്ധമായി ഊരിയെറിയുകയാണ് പതിവ്. (Image Credits: Gettyimages)
വിലക്കുറവായതിനാൽ സൂക്ഷിച്ചു വയ്ക്കുന്ന കാര്യത്തിൽ പലരും പിന്നിലാണ്. എങ്കിലും അടുത്ത ആഘോഷത്തിന് വീണ്ടും ഉപയോഗിക്കാൻ ഇവ സൂക്ഷിച്ച് വച്ചേ മതിയാകു. ഇങ്ങനെ അശ്രദ്ധമായി കൈകാര്യം ചെയ്താൽ അവ നാശമായി പോകാനും നിറം മങ്ങാനുമുള്ള സാധ്യത ഏറെയാണ്. ഇത്തരം ആഭരണങ്ങൾ നിറം മങ്ങാതെ സൂക്ഷിക്കാൻ ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് നമുക്ക് നോക്കാം. (Image Credits: Gettyimages)
ഓരോ ആഭാരണവും ഉപയോഗം കഴിഞ്ഞാൽ ട്രാൻസ്പരന്റായിട്ടുള്ള പായ്ക്കുകളിലാക്കി തരം തിരിച്ച് സൂക്ഷിക്കണം. യാത്ര പോകുമ്പോൾ ആഭരണങ്ങൾ കട്ടി കൂടിയ പാഡഡ് ബോക്സുകളിലോ കുപ്പികളിലോ ഇട്ടുവയ്ക്കുക. ആഭരണങ്ങളിൽ വിയർപ്പുപറ്റിയ ഭാഗങ്ങളിൽ കോട്ടൺ തുണിയോ പഞ്ഞിയോ ഉപയോഗിച്ച് തുടയ്ക്കുക. പിന്നീട് കുറച്ച് നേരം ഉണക്കുക. ഇങ്ങനെ ഇടയ്ക്ക് തുടക്കുന്നത് പുതുമ നിലനിർത്തും.(Image Credits: Gettyimages)
വെള്ളി ആഭരണങ്ങൾ മറ്റുള്ളവയ്ക്കൊപ്പം ഇട്ടാൽ വേഗം കറുത്തുപോകും. അവ വെൽവെറ്റ് കവറുകളിലാക്കി സൂക്ഷിക്കുക. കമ്മലുകളിൽ ടാൽകം പൗഡർ പുരട്ടി ടിഷ്യൂ പേപ്പറിൽ പൊതിഞ്ഞു വച്ചാൽ നിറം മങ്ങാതെ ഒരുപാട് കാലം നിൽക്കും. കട്ടിയുള്ളതും വലിയ കല്ലുകളോടും കൂടിയ ആഭരണങ്ങൾ വേനൽക്കാലത്ത് ഉപയോഗിക്കാതിരിക്കുന്നതാണ് നല്ലത്. (Image Credits: Gettyimages)
ടെറാക്കോട്ടാ ആഭരണങ്ങളാണ് നിങ്ങൾ ഉപയോഗിക്കുന്നതെങ്കിൽ വെള്ളവും സോപ്പും ഉപയോഗിച്ച് കഴുകി ഉണക്കി സൂക്ഷിക്കുക. ആക്സസറീസ് എപ്പോഴും വാർഡ്രോബിനുള്ളിൽ അടച്ച് സൂക്ഷിക്കുന്നതാണ് ഏറ്റവും ഉചിതം. ഹെയർ സ്പ്രേ, പെർഫ്യൂം, എന്നിവ ആഭരണങ്ങളിൽ നേരിട്ട് ഏൽക്കാതിരിക്കാൻ പ്രത്യേകം ശ്രദ്ധിക്കണം. (Image Credits: Gettyimages)
