Using Mouthwash: ദിവസേന മൗത്ത് വാഷ് ഉപയോഗിക്കുന്നത് നല്ലതാണോ ചീത്തയാണോ?
Mouthwash Side Effects: ദിവസവും രണ്ടു തവണയോ അതിൽ കൂടുതലോ തവണ മൗത്ത് വാഷ് ഉപയോഗിക്കുന്നതിലൂടെ പ്രമേഹത്തിനോ പ്രീ-ഡയബറ്റിസ് അവസ്ഥയോ ഉണ്ടാകാനുള്ള സാധ്യത 49 ശതമാനം മുതൽ 55 ശതമാനം വരെ കൂടുതലാണെന്നാണ് പഠനത്തിൽ കണ്ടെത്തിയത്. പ്രായം, പുകവലി, വ്യായാമം, ഭക്ഷണക്രമം തുടങ്ങിയ മറ്റ് ഘടകങ്ങൾ പരിഗണിച്ച ശേഷവും ഈ അപകടസാധ്യത നിലനിൽക്കുന്നതായി ഗവേഷകർ ചൂണ്ടികാണിക്കുന്നു.
വായ്നാറ്റത്തെ അകറ്റി നിർത്തുന്നതിന് മാത്ത് വാഷ് നല്ലതാണ്. ഇത് സ്ഥിരമായി ഉപയോഗിക്കുന്നവർ ധാരാളമാണ്. യഥാർത്ഥത്തിൽ ദിവസേന മൗത്ത് വാഷ് ഉപയോഗിക്കുന്നത് നല്ലതാണോ ചീത്തയാണോ? നിങ്ങൾ എപ്പോഴെങ്കിലും ഇതേക്കുറിച്ച് ചിന്തിച്ചിട്ടുണ്ടോ. എങ്കിൽ ഇനി ഇതിൻ്റെ ദോഷഫലങ്ങളും അറിഞ്ഞിരിക്കണം. (Image Credits: Getty Images)
ദിവസത്തിൽ രണ്ട് തവണയിൽ കൂടുതൽ ആന്റി-ബാക്ടീരിയൽ മൗത്ത് വാഷ് ഉപയോഗിക്കുന്നത് പ്രമേഹ സാധ്യത വർധിപ്പിക്കുമെന്നാണ് പുതിയ പഠനം ചൂണ്ടികാണിക്കുന്നത്. 40 മുതൽ 65 വയസുവരെ പ്രായമായ 945 പേരിലാണ് സാൻ ജുവാൻ ഓവർവെയ്റ്റ് അഡൽറ്റ്സ് ലോഞ്ചിറ്റ്യൂഡിനൽ നടത്തിയ പഠനം നടത്തിയത്.
ദിവസവും രണ്ടു തവണയോ അതിൽ കൂടുതലോ തവണ മൗത്ത് വാഷ് ഉപയോഗിക്കുന്നതിലൂടെ പ്രമേഹത്തിനോ പ്രീ-ഡയബറ്റിസ് അവസ്ഥയോ ഉണ്ടാകാനുള്ള സാധ്യത 49 ശതമാനം മുതൽ 55 ശതമാനം വരെ കൂടുതലാണെന്നാണ് പഠനത്തിൽ കണ്ടെത്തിയത്. പ്രായം, പുകവലി, വ്യായാമം, ഭക്ഷണക്രമം തുടങ്ങിയ മറ്റ് ഘടകങ്ങൾ പരിഗണിച്ച ശേഷവും ഈ അപകടസാധ്യത നിലനിൽക്കുന്നതായി ഗവേഷകർ ചൂണ്ടികാണിക്കുന്നു.
ദിവസത്തിൽ ഒരിക്കൽ മാത്രം മൗത്ത് വാഷ് ഉപയോഗിക്കുന്നവരിൽ താരതമ്യേന ആരോഗ്യപ്രശ്നങ്ങൾ കുറവാണെന്നും പഠനം വ്യക്തമാക്കുന്നു. വായയിൽ കാണപ്പെടുന്ന നല്ല ബാക്ടീരിയകൾ ഭക്ഷണത്തിലെ നൈട്രേറ്റുകളെ നൈട്രൈറ്റുകളായി മാറ്റുന്നു. ഈ നൈട്രൈറ്റുകൾ പിന്നീട് നൈട്രിക് ഓക്സൈഡ് ആയി മാറുകയും രക്തസമ്മർദം നിയന്ത്രിക്കാനും ശരീരത്തിലെ മെറ്റബോളിസം മെച്ചപ്പെടുത്താനും സഹായിക്കുന്നവയാണ്.
എന്നാൽ നിങ്ങൾ അമിതമായി ആന്റിബാക്ടീരിയൽ മൗത്ത് വാഷുകൾ ഉപയോഗിക്കുമ്പോൾ അവ ദോഷകരമായ ബാക്ടീരിയകൾക്കൊപ്പം ഈ നല്ല ബാക്ടീരിയകളെയും നശിപ്പിക്കുന്നു. ഇതിലൂടെ ഇൻസുലിൻ പ്രതിരോധത്തിനും ടൈപ്പ് 2 പ്രമേഹത്തിനും കാരണമായേക്കാമെന്നും ഗവേഷകർ പറയുന്നു. മിക്ക മൗത്ത് വാഷ് ഉൽപ്പന്നങ്ങളിലും ഇത്തരം ബാക്ടീരിയകളെ നശിപ്പിക്കാൻ ശേഷിയുള്ള സംയുക്തങ്ങളാണ് അടിങ്ങിയിരിക്കുന്നത്.
