Haunted Places Kerala: സുമതി വളവ് മാത്രമല്ല, കേരളത്തിൽ ഗതികിട്ടാതെ അലയുന്ന ആത്മാക്കളുടെ കേന്ദ്രങ്ങൾ ഇനിയുമുണ്ട്
Places in Kerala that are believed to be haunted: മനുഷ്യന് ഏറ്റവും അധികം കൗതുകമുള്ള വിഷയമാണ് പ്രേതവും ഭൂതവും, കേരളത്തിൽ ഉള്ള പ്രേതവിഹാര കേന്ദ്രങ്ങൾ ഏതൊക്കെ എന്നു നോക്കാം.
കേരളത്തിൽ ആത്മാക്കൾ അലഞ്ഞു തിരിയുന്നു എന്ന് പറയപ്പെടുന്ന പല സ്ഥലങ്ങളും ഉണ്ട്. അടുത്തിടെ പുറത്തിറങ്ങിയ സുമതി വളവ് എന്ന ചിത്രത്തിലൂടെ അതിലൊന്നു ചർച്ചാ വിഷയമായി. അതുപോലെ പലതും കേരളത്തിന്റെ പല ഭാഗങ്ങളിലുമുണ്ട്. അവ ഏതെല്ലാം എന്നു നോക്കാം
ശംഖുമുഖം റോഡ്, തിരുവനന്തപുരം: തിരുവനന്തപുരത്തെ ശംഖുമുഖം റോഡും പ്രേതബാധയുള്ള സ്ഥലങ്ങളുടെ പട്ടികയിലുണ്ട്. ഈ റോഡില് രാത്രികാലങ്ങളില് ഒരു യുവതിയെയും അവരുടെ കൈക്കുഞ്ഞിനെയും കാണാറുണ്ട് എന്നാണ് നാട്ടുകാര് വിശ്വസിക്കുന്നത്. വഴിപോക്കരെ അപകടപ്പെടുത്താന് ശ്രമിക്കുന്ന ഒരു പ്രേതത്തെക്കുറിച്ചും ഇവിടെ കഥകളുണ്ട്.
പഴയ കോട്ടയം മെഡിക്കല് കോളേജ്: ഇപ്പോള് ഉപയോഗത്തിലില്ലാത്ത കോട്ടയത്തെ ഈ കെട്ടിടത്തെക്കുറിച്ച് നിരവധി ഭയപ്പെടുത്തുന്ന കഥകള് പ്രചാരത്തിലുണ്ട്. ഈ കെട്ടിടത്തിനകത്ത് പലപ്പോഴും വിചിത്രമായ ശബ്ദങ്ങളും രൂപങ്ങളും കണ്ടിട്ടുണ്ടെന്ന് ആളുകള് പറയുന്നു. ഇവിടെ വെച്ച് മരിച്ച രോഗികളുടെയും ഡോക്ടര്മാരുടെയും ആത്മാവാണ് ഇതിന് പിന്നിലെന്നാണ് വിശ്വാസം.
കട്ടപ്പനയിലെ 'ആത്മാക്കളുടെ വീട്: കട്ടപ്പനയിലെ ഒരു പഴയ വീടിനെക്കുറിച്ചും നിരവധി കഥകള് പ്രചാരത്തിലുണ്ട്. ഈ വീട്ടില് താമസിച്ചിരുന്ന ഒരു കുടുംബം ദുരൂഹ സാഹചര്യത്തില് മരിച്ചെന്നും, അവരുടെ ആത്മാവ് ഇപ്പോഴും ഈ വീട്ടില് ഉണ്ടെന്നുമാണ് വിശ്വാസം. രാത്രികാലങ്ങളില് വീട്ടില് നിന്ന് കരച്ചിലും മറ്റു ശബ്ദങ്ങളും കേള്ക്കാറുണ്ടെന്ന് സമീപവാസികള് പറയുന്നു.
ഹൈമാവതി കുളം: തിരുവനന്തപുരത്തെ പ്രശസ്തമായ സ്ഥലമാണിത്. കേരള സര്വകലാശാലയുടെ കാര്യവട്ടം കാമ്പസിലുള്ളതാണ് ഈ ഹൈമാവതി കുളം. സസ്യജാലങ്ങളാല് മൂടിയ ഈ കുളം മനോഹരമായ സ്ഥലമായിരുന്നു. കാടിന്റെ നടുവില് ജീര്ണിച്ച വീടിനടുത്തായി നില്ക്കുന്ന ഉപേക്ഷിക്കപ്പെട്ട ഒന്നായിരുന്നു ഹൈമാവതി കുളം. വലിയ മരങ്ങളാല്, ചുറ്റപ്പെട്ട ഈ സ്ഥലം സൂര്യന് കത്തിജ്വലിക്കുമ്പോഴും തണുപ്പ് നിറഞ്ഞ ഇരുട്ടിലായിരിക്കും.
