Raksha Bandhan 2025: കുട്ടികള്‍ക്കൊപ്പം രക്ഷാബന്ധന്‍ ആഘോഷിച്ച് പ്രധാനമന്ത്രി
Narendra Modi celebrates Raksha Bandhan: പ്രധാനമന്ത്രിക്ക് രാഖി കെട്ടാന്‍ എത്തിയവരില്‍ പ്രധാനമായും സ്‌കൂള്‍ വിദ്യാര്‍ത്ഥികളായിരുന്നു. കൊച്ചുകുട്ടികള്‍ക്കൊപ്പം മോദി രക്ഷാബന്ധന്‍ ആഘോഷിക്കുന്നതിന്റെ ഫോട്ടോകള്‍ വൈറലാണ്
രക്ഷാബന്ധന്‍ ആഘോഷിച്ച് രാജ്യം. ഡല്‍ഹിയിലെ ഔദ്യോഗിക വസതിയിലായിരുന്നു പ്രധാനമന്ത്രി നരേന്ദ്ര മോദിയുടെ ആഘോഷം.
പ്രധാനമന്ത്രിക്ക് രാഖി കെട്ടാന്‍ എത്തിയവരില്‍ പ്രധാനമായും സ്‌കൂള്‍ വിദ്യാര്‍ത്ഥികളായിരുന്നു. കൊച്ചുകുട്ടികള്‍ക്കൊപ്പം മോദി രക്ഷാബന്ധന്‍ ആഘോഷിക്കുന്നതിന്റെ ദൃശ്യങ്ങള്‍ വൈറലാണ്.
മോദിയുടെ കൈയില്‍ വിദ്യാര്‍ത്ഥികള്‍ രാഖി കെട്ടി. അവരോട് അദ്ദേഹം ക്ഷേമാന്വേഷണം നടത്തി. നേരത്തെ സമൂഹമാധ്യമത്തിലൂടെ അദ്ദേഹം രക്ഷാബന്ധന്‍ ആശംസകള്‍ നേര്‍ന്നു.
കുട്ടികള്‍, സ്ത്രീകള്‍, സമൂഹത്തിലെ വിവിധ രംഗങ്ങളില്‍ നിന്നുള്ളവര്‍ തുടങ്ങിയവര്‍ പ്രധാനമന്ത്രിക്കൊപ്പം രക്ഷാബന്ധന്‍ ആഘോഷിക്കാനെത്തി. അദ്ദേഹം എല്ലാവരോടും സംസാരിക്കുകയും, ഫോട്ടോയ്ക്ക് പോസ് ചെയ്യുകയും ചെയ്തു.
മോദി രക്ഷാബന്ധന്‍ ആഘോഷിക്കുന്നതിന്റെ നിരവധി ചിത്രങ്ങള്‍ പുറത്തുവന്നിട്ടുണ്ട്. രാജ്യമെമ്പാടും രക്ഷാബന്ധന്‍ ആഘോഷത്തിന്റെ തിരക്കിലാണ്.
