In Memoriam: അന്ന് അവര് ആവേശത്തോടെ ഓടി നടന്നു; ഇന്ന് നമ്മളോടൊപ്പമില്ല; വിട പറഞ്ഞ 2021-ലെ സ്ഥാനാര്ത്ഥികള്
2021 Election Candidates in Memoriam: 2021-ലെ നിയമസഭ തിരഞ്ഞെടുപ്പില് മത്സരിക്കുകയും, ഇപ്പോള് മണ്മറഞ്ഞുപോയവരുമായ പ്രമുഖ സ്ഥാനാര്ത്ഥികള് ആരെല്ലാമെന്ന് നോക്കാം. ഉമ്മന്ചാണ്ടി, പി.ടി. തോമസ്, വാഴൂര് സോമന്, വിവി പ്രകാശ്, സതീശന് പാച്ചേനി, എംജി കണ്ണന് തുടങ്ങിയവരാണ് വിടവാങ്ങിയത്. വിശദാംശങ്ങള് നോക്കാം.
2021-ലെ നിയമസഭ തിരഞ്ഞെടുപ്പില് മത്സരിക്കുകയും, ഇപ്പോള് മണ്മറഞ്ഞുപോയവരുമായ പ്രമുഖ സ്ഥാനാര്ത്ഥികള് ആരെല്ലാമെന്ന് നോക്കാം. മുന് മുഖ്യമന്ത്രി ഉമ്മന്ചാണ്ടിയാണ് ഇവരില് പ്രധാനി. 2021-ല് പുതുപ്പള്ളിയില് 63,372 വോട്ടുകള് നേടി ജയിച്ചിരുന്നു. അദ്ദേഹത്തെ മരണത്തെ തുടര്ന്ന് നടന്ന ഉപതിരഞ്ഞെടുപ്പില് മകന് ചാണ്ടി ഉമ്മന് ജയിച്ചു (Image Credits: Oommen Chandy Facebook Page).
2021-ലെ തിരഞ്ഞെടുപ്പില് തൃക്കാക്കരയില് വിജയിച്ചത് കോണ്ഗ്രസ് നേതാവായ പി.ടി. തോമസായിരുന്നു. 14,320 ആയിരുന്നു ഭൂരിപക്ഷം. 2021 ഡിസംബര് 22-ന് പിടി അന്തരിച്ചു. ഉപതിരഞ്ഞെടുപ്പില് ഭാര്യ ഉമ തോമസ് വിജയിച്ചു. ഇത്തവണയും ഉമ മത്സരിക്കുന്നു (Image Credits: Uma Thomas Facebook Page).
പീരുമേട് മണ്ഡലത്തില് 2021-ല് വിജയിച്ചത് സിപിഐയുടെ വാഴൂര് സോമനായിരുന്നു. 1,835 വോട്ടുകളായിരുന്നു ഭൂരിപക്ഷം. 2025 ഓഗസ്ത് 21-ന് അന്തരിച്ചു. 72-ാം വയസിലായിരുന്നു അന്ത്യം (Image Credits: Vazhoor Soman Facebook Page).
2021-ല് നിലമ്പൂരിലെ യുഡിഎഫ് സ്ഥാനാര്ത്ഥി വിവി പ്രകാശായിരുന്നു. പക്ഷേ അദ്ദേഹം ഇടതുസ്വതന്ത്രനായ പി.വി. അന്വറിനോട് പരാജയപ്പെട്ടു. 2021 ഏപ്രില് 29-ന് അദ്ദേഹം മരിച്ചു. ഹൃദയാഘാതമായിരുന്നു മരണകാരണം (Image Credits: VV Prakash Facebook Page).
2021-ല് കണ്ണൂരില് മത്സരിച്ച സതീശന് പാച്ചേനി, എല്ഡിഎഫിന്റെ കടന്നപ്പള്ളി രാമചന്ദ്രനോട് പരാജയപ്പെട്ടിരുന്നു. 2022 ഒക്ടോബര് 27-ന് അദ്ദേഹം അന്തരിച്ചു. സെറിബ്രല് ഹെമറേജായിരുന്നു മരണകാരണം. അടൂരിലെ യുഡിഎഫ് സ്ഥാനാര്ത്ഥി എം.ജി. കണ്ണനും വിടവാങ്ങിയവരില് ഉള്പ്പെടുന്നു (Image Credits: Social Media).
