Rohit Sharma: ഒന്നും അവസാനിപ്പിച്ചിട്ടില്ല; പരിശീലനം പുനരാരംഭിച്ച് രോഹിത് ശർമ്മ, നോട്ടം ലോകകപ്പിലേക്ക്
Rohit Sharma Training: രോഹിത് ശർമ്മ പരിശീലനം പുനരാരംഭിച്ചു. ഓസ്ട്രേലിയൻ പര്യടനത്തിനുള്ള തയ്യാറെടുപ്പായാണ് പരിശീലനം.
പരിശീലനം പുനരാരംഭിച്ച് ഇന്ത്യയുടെ ഏകദിന ക്യാപ്റ്റൻ രോഹിത് ശർമ്മ. ഓസ്ട്രേലിയൻ പര്യടനത്തിനായുള്ള തയ്യാറെടുപ്പായാണ് രോഹിത് പരിശീലനം പുനരാരംഭിച്ചത്. സെപ്തംബർ 10നാണ് രോഹിത് ശർമ്മ മുംബൈയിൽ പരിശീലനം ആരംഭിച്ചത്. ഒക്ടോബർ 19നാണ് പര്യടനം ആരംഭിക്കുന്നത്. (Image Courtesy- PTI)
ടെസ്റ്റ്, ടി20 ഫോർമാറ്റുകളിൽ നിന്ന് വിരമിച്ച രോഹിത് ഇപ്പോൾ ഏകദിന മത്സരങ്ങളിൽ മാത്രമേ കളിക്കുന്നുള്ളൂ. 2027 ഏകദിന ലോകകപ്പ് വരെ കളിക്കാനാണ് രോഹിതിൻ്റെ ശ്രമം. അത് സാധ്യമാവണമെങ്കിൽ ഓസ്ട്രേലിയൻ പര്യടനത്തിൽ രോഹിത് ശർമ്മയുടെ പ്രകടനം വളരെ നന്നാവേണ്ടതുണ്ട്.
അതേസമയം, ഏകദിന മത്സരങ്ങളിൽ രോഹിതിൻ്റെ ബാല്യം അവസാനിച്ചു എന്നാണ് ചില റിപ്പോർട്ടുകൾ. ഓസ്ട്രേലിയൻ പര്യടനത്തിൽ നന്നായി കളിച്ചാലും ഇല്ലെങ്കിലും രോഹിതിനെയും കോലിയെയും 2027 ഏകദിന ലോകകപ്പിൽ പരിഗണിച്ചേക്കില്ലെന്നാണ് ചില റിപ്പോർട്ടുകൾ സൂചിപ്പിക്കുന്നത്.
ചാമ്പ്യൻസ് ട്രോഫി കിരീടനേട്ടത്തിന് ശേഷം രോഹിത് ശർമ്മയും വിരാട് കോലിയും രാജ്യാന്തര മത്സരങ്ങളിൽ നിന്ന് വിരമിച്ചേക്കുമെന്ന് റിപ്പോർട്ടുകളുയർന്നിരുന്നു. എന്നാൽ, ഇരുവരും വിരമിക്കലിനെപ്പറ്റിയുള്ള സൂചനകളൊന്നും നൽകിയില്ല. ഇരുവരും ഏകദിനങ്ങളിൽ മാത്രമേ ഇപ്പോൾ കളിക്കുന്നുള്ളൂ.
ഇതോടെയാണ് 2027 ഏകദിന ലോകകപ്പാണ് കോലിയുടെയും രോഹിതിൻ്റെയും ലക്ഷ്യമെന്ന വാർത്തകൾ പുറത്തുവന്നത്. ഇത് ഇരുവരും സ്ഥിരീകരിച്ചിട്ടില്ലെങ്കിലും ഏകദിന ലോകകപ്പ് നേടി വിരമിക്കാനുള്ള ശ്രമങ്ങളാണ് ഇരുവരും നടത്തുമെന്ന വാർത്തകളും പുറത്തുവരുന്നുണ്ട്.
