ദേ സാംസങ് പിന്നേം! ഗാലക്സി M17, M17e മോഡലുകൾ കിട്ടുക ഇനി പുതിയ വിലയിൽ
Samsung Galaxy M17 and M17e get price hike: സാംസങ് ഗാലക്സി എം സീരീസിൽ ഇന്ത്യയിൽ അവതരിപ്പിക്കപ്പെട്ട മോഡലുകളാണ് സാംസങ് ഗാലക്സി എം17 (Samsung Galaxy M17), ഗാലക്സി എം17e (Samsung Galaxy M17e) എന്നിവ. ഈ രണ്ട് മോഡലുകളുടെയും വില ഇപ്പോൾ 2000 രൂപ വീതം വർധിപ്പിക്കപ്പെട്ടിരിക്കുന്നു. ഇനി പുതിയ വിലയിലാണ് ഇവയുടെ വേരിയന്റുകൾ വാങ്ങാൻ ലഭ്യമാകുക.

ഗാലക്സി എം17: കഴിഞ്ഞ വർഷം ഒക്ടോബറിൽ ഇന്ത്യയിൽ ലോഞ്ച് ചെയ്യപ്പെട്ട മോഡൽ ആണ് ഗാലക്സി എം17. ഇതിന്റെ 4GB+128GB വേരിയന്റിന് 19,999 രൂപയും 6GB+128GB വേരിയന്റിന് 22,999 രൂപയും 8GB+128GB വേരിയന്റിന് 25,999 രൂപയും ആയിരുന്നു നിലവിലുണ്ടായിരുന്ന വില. എന്നാൽ പുതിയ വില വർധനയോടെ ഇവയുടെ വില യഥാക്രമം 21999 രൂപ, 22,999 രൂപ, 25,999 രൂപ എന്നിങ്ങനെയാണ്. (Image credit: Samsung)

ഗാലക്സി എം17 5ജിയുടെ പ്രധാന ഫീച്ചറുകൾ: 6.7 ഇഞ്ച് (1080×2340 പിക്സലുകൾ) FHD+ ഇൻഫിനിറ്റി-യു സൂപ്പർ അമോലെഡ് ഡിസ്പ്ലേ, കോർണിംഗ് ഗൊറില്ല ഗ്ലാസ് വിക്ടസ് പ്രൊട്ടക്ഷൻ, ഒക്ട കോർ എക്സിനോസ് 1330 5nm പ്രോസസർ, 50MP മെയിൻ ക്യാമറ, 5MP അൾട്രാ-വൈഡ് ക്യാമറ, 2MP മാക്രോ ക്യാമറ, 13MP ഫ്രണ്ട് ക്യാമറ.

ആൻഡ്രോയിഡ് 15 അടിസ്ഥാനമാക്കിയുള്ള വൺ UI 7.0 (6 OS അപ്ഡേറ്റുകളും 6 വർഷത്തെ സുരക്ഷാ അപ്ഡേറ്റുകളും ലഭിക്കും), സൈഡ്-മൗണ്ടഡ് ഫിംഗർപ്രിന്റ് സ്കാനർ, IP54 റേറ്റിങ്, ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി), 5G, ഡ്യുവൽ 4G VoLTE, 25W ഫാസ്റ്റ് ചാർജിംഗിനുള്ള പിന്തുണയുള്ള 5000mAh ബാറ്ററി എന്നിവ എം17 5ജിയിലുണ്ട്. മൂൺലൈറ്റ് സിൽവർ, സഫയർ ബ്ലാക്ക് എന്നിവയാണ് കളർ ഓപ്ഷനുകൾ.

ഗാലക്സി എം17e: സാംസങ് ഈ വർഷം മാർച്ചിൽ ഇന്ത്യയിൽ അവതരിപ്പിച്ച മോഡലാണ് ഗാലക്സി എം17e. ഇതിന്റെ 4GB+128GB വേരിയന്റിന് 18,499 രൂപയും 6GB+128GB വേരിയന്റിന് 21,499 രൂപയും ആയിരുന്നു ഇതുവരെയുണ്ടായിരുന്ന വില. എന്നാലിപ്പോൾ 2000 രൂപ വില വർധയ്ക്ക് ശേഷം ഇവ യഥാക്രമം 20499 രൂപ, 23,499 രൂപ വിലകളിലാണ് വാങ്ങാൻ ലഭ്യമാകുക.

പ്രധാന ഫീച്ചറുകൾ: 6.7″ (720 x 1600 പിക്സലുകൾ) HD+ ഇൻഫിനിറ്റി-യു എൽസിഡി സ്ക്രീൻ, ഒക്ട കോർ മീഡിയടെക് ഡൈമെൻസിറ്റി 6300 6nm പ്രോസസർ, ആൻഡ്രോയിഡ് 16 അടിസ്ഥാനമാക്കിയുള്ള വൺ UI 8.0 ഒഎസ് (ജെമിനി ലൈവ് ഫീച്ചറുകളും 6 ഒഎസ് അപ്ഡേറ്റുകളും 6 വർഷത്തെ സുരക്ഷാ അപ്ഡേറ്റുകളും ലഭിക്കും), സൈഡ്-മൗണ്ടഡ് ഫിംഗർപ്രിന്റ് സ്കാനർ, 3.5 എംഎം ഓഡിയോ ജാക്ക്, അണ്ടർ പോർട്ടഡ് സ്പീക്കറുകൾ.

50MP മെയിൻ ക്യാമറ (F1.8), 2MP ഡെപ്ത് സെൻസർ (F2.4), LED ഫ്ലാഷ്, 8MP ഫ്രണ്ട് ക്യാമറ, IP54 റേറ്റിങ്, ഹൈബ്രിഡ് ഡ്യുവൽ സിം (നാനോ+നാനോ /മൈക്രോ എസ്ഡി), 5G SA/ NSA (12 5G ബാൻഡുകൾ), ഡ്യുവൽ 4G VoLTE, USB ടൈപ്പ്-സി പോർട്ട്, 25W ഫാസ്റ്റ് ചാർജിങ് പിന്തുണയുള്ള 6000mAh ബാറ്ററി എന്നിവ ഗാലക്സി എം17e 5ജിയിൽ ഉണ്ട്.