Diseases by Mosquito: ചികിത്സയില്ല, മരുന്നില്ല… കൊതുകു പരത്തുന്ന ഈ രോഗങ്ങളെ സൂക്ഷിക്കണം…
These diseases are transmitted by mosquitoes: മനുഷ്യൻ്റെ ആരോഗ്യത്തിന് വലിയ ഭീഷണിയുയർത്തുന്ന കൊതുകുജന്യ രോഗങ്ങളിൽ ചിലതിന് ഇന്നുവരെ ഒരു ചികിത്സയും കണ്ടെത്തിയിട്ടില്ല.
മലേറിയ, ഡെങ്കിപ്പനി, ചിക്കുന്ഗുനിയ, മസ്തിഷ്കജ്വരം, മഞ്ഞപ്പനി, വെസ്റ്റ് നൈല് വൈറസ് രോഗങ്ങള് എന്നിവയെല്ലാം കൊതുകുകള് പരത്തുന്ന രോഗങ്ങളാണ്. ഈ രോഗങ്ങള് ബാധിച്ചാല് മരണം വരെ സംഭവിക്കാം. മനുഷ്യന്റെ ആരോഗ്യത്തിന് വലിയ ഭീഷണിയുയര്ത്തുന്ന ഈ രോഗങ്ങളില് ചിലതിന് ഇന്നുവരെ ഒരു ചികിത്സയും കണ്ടെത്തിയിട്ടില്ല.
ഡെങ്കിപ്പനി, ചിക്കുന്ഗുനിയ- ഈ രണ്ട് രോഗങ്ങളും ഈഡിസ് ഈജിപ്തി കൊതുകുകളാണ് പരത്തുന്നത്. ഡെങ്കിപ്പനി മരണകാരണമാകുന്ന ഹെമറാജിക് ഫീവറിന് വരെ കാരണമാകാമെങ്കില്, ചിക്കുന്ഗുനിയ കടുത്ത സന്ധി വേദനയ്ക്കും സന്ധിവേദന പോലുള്ള ലക്ഷണങ്ങള്ക്കും കാരണമാകും. ഈ രോഗങ്ങള് ബാധിച്ചാല് രോഗലക്ഷണങ്ങള്ക്കനുസരിച്ചുള്ള ചികിത്സ മാത്രമാണ് നിലവിലുള്ളത്.
സിക്ക വൈറസ് രോഗം - ഈഡിസ് കൊതുകുകളാണ് സിക്ക വൈറസ് പരത്തുന്നത്. ഈ വൈറസ് ഗര്ഭിണികളെ ബാധിച്ചാല്, അത് കുഞ്ഞിന് മൈക്രോസെഫാലി പോലുള്ള ഗുരുതരമായ ജനന വൈകല്യങ്ങള്ക്ക് കാരണമാകും. രോഗലക്ഷണങ്ങള് കാണിക്കുന്നവര്ക്ക് അതിനനുസരിച്ചുള്ള ചികിത്സ നല്കുമെങ്കിലും സിക്ക വൈറസിനെതിരെ ഒരു മരുന്നും ലഭ്യമല്ല.
ക്യൂലെക്സ് കൊതുകുകളാണ് ഈ രോഗങ്ങള് പരത്തുന്നത്. ഈ രോഗങ്ങള് തലച്ചോറിനെയും നാഡീവ്യൂഹത്തെയും ബാധിക്കുകയും തലച്ചോറിന് വീക്കം, പക്ഷാഘാതം പോലുള്ള ഗുരുതരമായ ആരോഗ്യപ്രശ്നങ്ങളുണ്ടാക്കുകയും ചെയ്യാം. ഈ രോഗങ്ങള്ക്കും പ്രത്യേക ചികിത്സയില്ല.
മഞ്ഞപ്പനി - മഞ്ഞപ്പനി പരത്തുന്നത് ഈഡിസ് ഈജിപ്തി കൊതുകുകളാണ്. ഈ രോഗത്തിന് പ്രത്യേക ചികിത്സയില്ല. എന്നിരുന്നാലും, മഞ്ഞപ്പനി വരാതെ തടയാനുള്ള വാക്സിൻ ഇന്ന് ലഭ്യമാണ്. പനി, പേശിവേദന, ഛർദ്ദി തുടങ്ങിയവയാണ് പ്രധാന ലക്ഷണങ്ങൾ. ചില കേസുകളിൽ, ഇത് മഞ്ഞപ്പിത്തത്തിനും ആന്തരിക രക്തസ്രാവത്തിനും കാരണമാകും.
