Amoebae, Bacteria and Virus: അമീബ വേറെ ബാക്ടീരിയ വേറെ… വൈറസ് ഇതൊന്നുമല്ല… വ്യത്യാസങ്ങൾ ഇതെല്ലാം
What are amoebae: വൈറസുകളും രോഗകാരികളായ ബാക്ടീരിയകളും ശരീരത്തിലെ കോശങ്ങൾക്കുള്ളിൽ പെരുകിയാണ് രോഗമുണ്ടാക്കുന്നത്. എന്നാൽ, അമീബിക് മസ്തിഷ്കജ്വരത്തിന് കാരണമാകുന്ന Naegleria fowleri എന്ന അമീബ, വായുവിലൂടെയോ വെള്ളം കുടിക്കുന്നതിലൂടെയോ അല്ല പകരുന്നത്.
അമീബിക് മസ്തിഷ്കജ്വരം പടർന്നു പിടിക്കുന്ന സാഹചര്യത്തിൽ ഇത് ബാക്ടീരിയയാണോ കോവിഡ് പോലെ വൈറസ് ആണോ എന്നെല്ലാം പലരും ചിന്തിക്കുന്നുണ്ട്. എന്നാൽ ബാക്ടീരിയകളിൽ നിന്ന് വ്യത്യസ്തമായി, അമീബകൾ യൂക്കാരിയോട്ടുകളാണ് ( സങ്കീർണ്ണമായ കോശഘടനകൾ ഇല്ലാത്ത ജീവികൾ). ഇതിനർത്ഥം, അമീബയ്ക്ക് സ്വന്തം ഡിഎൻഎ അടങ്ങിയ മർമ്മവും മൈറ്റോകോൺഡ്രിയ പോലുള്ള പ്രത്യേക കോശഭാഗങ്ങളും ഉണ്ട്.
വൈറസുകളെ ജീവനുള്ള ജീവികളായി കണക്കാക്കില്ല. അവയ്ക്ക് സ്വന്തമായി പ്രത്യുത്പാദനം നടത്താൻ ഒരു ജീവനുള്ള കോശത്തെ (ഹോസ്റ്റ് സെൽ) ആശ്രയിക്കണം. എന്നാൽ, അമീബകളും ബാക്ടീരിയകളും സ്വന്തമായി പ്രത്യുത്പാദനം നടത്താൻ കഴിവുള്ള, ജീവനുള്ള ഏകകോശ ജീവികളാണ്.
അമീബകൾക്ക് സ്വന്തം ശരീരത്തിൽ നിന്ന് 'സ്യൂഡോപോഡുകൾ' അഥവാ 'വ്യാജ പാദങ്ങൾ' എന്ന് വിളിക്കുന്ന താൽക്കാലിക ഭാഗങ്ങൾ നീട്ടിയും ചുരുക്കിയും സഞ്ചരിക്കാനും ഭക്ഷണം കഴിക്കാനും സാധിക്കുന്നു. ഇത് ബാക്ടീരിയകൾ സാധാരണയായി ഉപയോഗിക്കുന്ന ഫ്ലജെല്ല (വാൽ പോലുള്ള ഭാഗം) പോലുള്ള ചലനരീതികളിൽ നിന്ന് വ്യത്യസ്തമാണ്.
അമീബകൾ സാധാരണയായി ബാക്ടീരിയകളെക്കാളും വൈറസുകളെക്കാളും വളരെ വലുതാണ്. വൈറസുകളാണ് ഏറ്റവും ചെറുത്. ഒരു സാധാരണ മൈക്രോസ്കോപ്പ് ഉപയോഗിച്ച് അമീബയെ കാണാൻ സാധിക്കുമെങ്കിലും, വൈറസുകളെ കാണാൻ ഇലക്ട്രോൺ മൈക്രോസ്കോപ്പ് ആവശ്യമാണ്.
വൈറസുകളും രോഗകാരികളായ ബാക്ടീരിയകളും ശരീരത്തിലെ കോശങ്ങൾക്കുള്ളിൽ പെരുകിയാണ് രോഗമുണ്ടാക്കുന്നത്. എന്നാൽ, അമീബിക് മസ്തിഷ്കജ്വരത്തിന് കാരണമാകുന്ന Naegleria fowleri എന്ന അമീബ, വായുവിലൂടെയോ വെള്ളം കുടിക്കുന്നതിലൂടെയോ അല്ല പകരുന്നത്. പകരം, മലിനമായ വെള്ളം മൂക്കിലൂടെ നേരിട്ട് ശരീരത്തിൽ പ്രവേശിക്കുമ്പോൾ അത് തലച്ചോറിലേക്ക് എത്തുന്നു.
