Henna for liver fibrosis: ലിവർ ഫൈബ്രോസിസും മൈലാഞ്ചിയും തമ്മിലെന്ത് ബന്ധം? വിദഗ്ധർ പറയുന്നതിങ്ങനെ
Connection Between Liver Fibrosis and Henna: മെെലാഞ്ചിയും കരളും തമ്മിലുള്ള ഞെട്ടിപ്പിക്കുന്ന കണ്ടെത്തൽ നടത്തിയിരിക്കുകയാണ് ജാപ്പനീസ് ഗവേഷകർ.
നമ്മുടെ സ്വന്തം മൈലാഞ്ചിയും ലിവർ ഫൈബ്രോസിസും തമ്മിൽ ബന്ധമുണ്ടെന്നു പറഞ്ഞാൽ നിങ്ങൾ വിശ്വസിക്കുമോ? പക്ഷെ സംഭവം സത്യമാണ്. മൈലാഞ്ചിക്ക് ഈ രോഗത്തെ മാറ്റാനുള്ള കഴിവുണ്ട്.
വിവാഹങ്ങൾക്കും ആഘോഷങ്ങൾക്കും കയ്യിലിടുന്ന മൈലാഞ്ചി (ഹെന്ന), ലിവർ ഫൈബ്രോസിസ് എന്ന ഗുരുതരമായ കരൾ രോഗത്തിന് പ്രതിവിധിയാകാൻ സാധ്യതയുണ്ടെന്ന് ജാപ്പനീസ് ഗവേഷകരാണ് കണ്ടെത്തിയത്.
മൈലാഞ്ചി ചെടിയായ ലോസോണിയ ഇനെർമിസ്സിൽ നിന്ന് വേർതിരിച്ചെടുത്ത 'ലോസോൺ' (Lawsone) എന്ന പിഗ്മെന്റ് ആണ് ഈ ചികിത്സയ്ക്ക് ഉപയോഗിക്കുന്നത്. ഇത് പ്രധാന ഫൈബ്രോട്ടിക് പ്രക്രിയകളെ തടയുകയും കേടായ കരളിലെ കലകളെ പുനഃസ്ഥാപിക്കുകയും ചെയ്യാൻ സഹായിക്കുന്നു.
കരളിന് വിട്ടുമാറാത്ത കേടുപാടുകൾ സംഭവിക്കുമ്പോൾ സജീവമാകുന്ന ഹെപ്പാറ്റിക് സ്റ്റെല്ലേറ്റ് സെല്ലുകളെ (HSCs) സഹായിക്കുന്ന ഒരു കെമിക്കൽ സ്ക്രീനിങ് സിസ്റ്റം ഗവേഷകർ വികസിപ്പിച്ചു. ഈ കോശങ്ങൾ അമിതമായി കൊളാജൻ ഉത്പാദിപ്പിച്ച് ഫൈബ്രോസിസിന് കാരണമാകുന്നതിനെ ലോസോൺ സംയുക്തം തടയുന്നു.
ജപ്പാനിലെ ഒസാക്ക മെട്രോപൊളിറ്റൻ സർവകലാശാലയിലെ ശാസ്ത്രജ്ഞർ എലികളിൽ നടത്തിയ പരീക്ഷണം വിജയം കണ്ടു. നിലവിൽ ഈ സംയുക്തം മനുഷ്യരിൽ മരുന്നായി എങ്ങനെ ഉപയോഗിക്കാം എന്നതിനെക്കുറിച്ചുള്ള കൂടുതൽ ഗവേഷണങ്ങൾ നടന്നുവരികയാണ്.
