Whatsapp Document Scanner: വാട്സ്ആപ്പിൽ ഇനി ഡോക്യുമെന്റ് സ്കാനറും; ഫീച്ചർ ലഭിക്കുക ആർക്കെല്ലാം?
WhatsApp Document Scanner Feature: ഇനി വാട്സ്ആപ്പ് ക്യാമറയിലൂടെ ഡോക്യുമെന്റുകൾ എളുപ്പത്തിൽ സ്കാൻ ചെയ്ത് അയക്കാൻ സാധിക്കും. എന്നാൽ ഈ ഫീച്ചർ എല്ലാ വാട്സ്ആപ്പ് ഉപയോക്താക്കൾക്കും ലഭിക്കില്ലെന്നാണ് കമ്പനി പറയുന്നത്. നിലവിൽ ഈ ഫീച്ചർ ഐ ഫോണിൽ മാത്രമേ ലഭിക്കകയുള്ളൂവെന്നാണ് മെറ്റ അറിയിച്ചിരിക്കുന്നത്. എന്നാൽ മറ്റ് യൂസർമാർക്ക് ഈ സേവനം എന്ന് മുതൽ ലഭ്യമാകുമെന്ന കാര്യത്തിൽ കമ്പനി ഇതുവരെ പ്രതികരിച്ചിട്ടില്ല.
നമ്മൾ എല്ലാവരും ഏറ്റവും കൂടുതൽ ഉപയോഗിക്കുന്ന ഒന്നാണ് മെസേജിങ് ആപ്പായ വാട്സ്ആപ്പ്. പുതിയ ഫീച്ചറുമായി എത്തിയിരിക്കുകയാണ് വാട്സ്ആപ്പ്. ലോകമെമ്പാടുമുള്ള ലക്ഷക്കണക്കിന് യൂസേർസിന് ഉപകാരപ്രദമാകുന്ന ഫീച്ചറാണ് ഇപ്പോൾ അവതരിപ്പിച്ചിരിക്കുന്നത്. ഡോക്യുമെന്റ് സ്കാനിങ് ഫീച്ചറാണ് കമ്പനി അവതരിപ്പിക്കുന്നത്.
ഇനി വാട്സ്ആപ്പ് ക്യാമറയിലൂടെ ഡോക്യുമെന്റുകൾ എളുപ്പത്തിൽ സ്കാൻ ചെയ്ത് അയക്കാൻ സാധിക്കും. എന്നാൽ ഈ ഫീച്ചർ എല്ലാ വാട്സ്ആപ്പ് ഉപയോക്താക്കൾക്കും ലഭിക്കില്ലെന്നാണ് കമ്പനി പറയുന്നത്. നിലവിൽ ഈ ഫീച്ചർ ഐ ഫോണിൽ മാത്രമേ ലഭിക്കകയുള്ളൂവെന്നാണ് മെറ്റ അറിയിച്ചിരിക്കുന്നത്.
എന്നാൽ മറ്റ് യൂസർമാർക്ക് ഈ സേവനം എന്ന് മുതൽ ലഭ്യമാകുമെന്ന കാര്യത്തിൽ കമ്പനി ഇതുവരെ പ്രതികരിച്ചിട്ടില്ല. ഭാവിയിൽ ഈ ഫീച്ചർ ആൻഡ്രോയിഡ് ഉപയോക്താക്കൾക്കും ലഭ്യമാകുമെന്നാണ് പ്രതീക്ഷ. വാട്സ്ആപ്പ് ബിസിനസിലും ഈ ഫീച്ചർ ലഭ്യമായിട്ടില്ല.
പുതിയ അപ്ഡേറ്റ് iOS 24.25.89 പതിപ്പിലാണ് ഇപ്പോൾ ലഭിക്കുന്നത്. ഇന്ത്യയിലെ പല ഐഒഎസ് ഉപയോക്താക്കൾക്കും ഈ അപ്ഡേഷൻ ലഭ്യമായിട്ടുണ്ട്. പുതിയ ഫീച്ചർ ക്രമേണ എല്ലാ ഫോണുകളിലും ലഭ്യമാകുമെന്നാണ് കമ്പനിയുടെ അറിയിപ്പ്.
ഐഫോണിൽ വാട്സ്ആപ്പ് ഓപ്പൺ ചെയ്ത് ബോട്ടം ബാറിലെ പ്ലസ് ബട്ടൺ ക്ലിക്ക് ചെയ്താൽ പുതിയ ഫീച്ചർ കാണാം. അതിൽ ഡോക്യുമെന്റ്സ് സെലക്ട് ചെയ്യണം. ഇതിലെ സ്കാൻ ഡോക്യുമെന്റ്' എന്ന ഓപ്ഷൻ ക്ലിക്ക് ചെയ്യുക. ശേഷം വരുന്ന ഇൻ-ആപ് ക്യാമറ ഉപയോഗിച്ച് ഡോക്യുമെന്റുകൾ സ്കാൻ ചെയ്യാം.
