ചോക്ലേറ്റ് ബാറുകളിൽ ചെറിയ വരകൾ നൽകുന്നത് എന്തിന്? അറിയാം ഈ ഡിസൈനിന്റെ രഹസ്യം
The Hidden Reason Why Chocolate Bars Have Lines: ചോക്ലേറ്റ് കട്ടിയുള്ളതും എളുപ്പത്തില് പൊട്ടാവുന്നതുമായ ഭക്ഷണമാണ്. വരകളില്ലാത്ത വലിയൊരു കഷണം പൊട്ടിച്ചെടുക്കുമ്പോള് ക്രമമില്ലാതെ പൊട്ടിപ്പോകാനും പൊടിയാനും സാധ്യതയുണ്ട്. എന്നാല് ചെറിയ കട്ടകള്ക്കിടയിലെ വരകള് ദുര്ബലമായ ഭാഗങ്ങളായി പ്രവര്ത്തിക്കുന്നു. അതിനാല് കൈകൊണ്ട് അമര്ത്തുമ്പോള് ആവശ്യമായ ഭാഗം കൃത്യമായി പൊട്ടിച്ചെടുക്കാം.

ഡയറി മില്ക്ക്, ലിന്ഡ്, ഹെര്ഷീസ് തുടങ്ങി മിക്ക ചോക്ലേറ്റുകളിലും കാണുന്ന ഒരു പ്രത്യേകതയാണ് ചെറിയ ചതുരങ്ങളോ ദീര്ഘചതുരങ്ങളോ ആയ കട്ടകള്. ചോക്ലേറ്റിന്റെ ഭംഗിക്ക് വേണ്ടിയുള്ള രൂപകല്പ്പന മാത്രമാണിതെന്ന് കരുതേണ്ട. എളുപ്പത്തില് മുറിച്ചെടുക്കാനും പങ്കുവെക്കാനും നിര്മാണം സുഗമമാക്കാനുമെല്ലാം ഈ രൂപം സഹായിക്കുന്നുണ്ട്. (Image Credit Source: Getty Images)

ചോക്ലേറ്റ് കട്ടിയുള്ളതും എളുപ്പത്തില് പൊട്ടാവുന്നതുമായ ഭക്ഷണമാണ്. വരകളില്ലാത്ത വലിയൊരു കഷണം പൊട്ടിച്ചെടുക്കുമ്പോള് ക്രമമില്ലാതെ പൊട്ടിപ്പോകാനും പൊടിയാനും സാധ്യതയുണ്ട്. എന്നാല് ചെറിയ കട്ടകള്ക്കിടയിലെ വരകള് ദുര്ബലമായ ഭാഗങ്ങളായി പ്രവര്ത്തിക്കുന്നു. അതിനാല് കൈകൊണ്ട് അമര്ത്തുമ്പോള് ആവശ്യമായ ഭാഗം കൃത്യമായി പൊട്ടിച്ചെടുക്കാം. കുടുംബാംഗങ്ങള്ക്കും സുഹൃത്തുക്കള്ക്കുമൊപ്പം ചോക്ലേറ്റ് പങ്കിടുന്നത് എളുപ്പമാക്കാനും ഈ രൂപം സഹായിക്കുന്നു. ഓരോ കട്ടയും ഓരോ ചെറിയ ഭാഗമായതിനാല് എത്രമാത്രം കഴിക്കണമെന്നത് തീരുമാനിക്കാനും മറ്റുള്ളവര്ക്ക് നല്കാനും സൗകര്യമുണ്ട്.

ചെറിയ കഷണങ്ങളായി തിരിച്ചിരിക്കുന്നതിനാല് ഒരേസമയം കൂടുതല് ചോക്ലേറ്റ് കഴിക്കുന്നത് ഒഴിവാക്കാന് ചിലര്ക്കെങ്കിലും ഇത് സഹായിച്ചേക്കാം. ഒന്നോ രണ്ടോ കട്ട കഴിച്ചശേഷം നിര്ത്തണോ എന്ന് തീരുമാനിക്കാം. ഭക്ഷണത്തിന്റെ ചെറിയ ഭാഗങ്ങള് കാഴ്ചയില് തന്നെ അളവ് തിരിച്ചറിയാന് സഹായിക്കുമെന്നാണ് പഠനങ്ങള് സൂചിപ്പിക്കുന്നത്.

ഫാക്ടറികളില് പ്രത്യേക അച്ചുകളിലാണ് ദ്രവരൂപത്തിലുള്ള ചോക്ലേറ്റ് ഒഴിച്ച് ബാറുകളാക്കുന്നത്. ചെറിയ കട്ടകളുള്ള രൂപം ഓരോ ചോക്ലേറ്റിനും ഒരേ വലുപ്പവും കനവും ഭാരവും ഉറപ്പാക്കാന് സഹായിക്കുന്നു. തണുപ്പിക്കാനും അച്ചില്നിന്ന് കേടുപാടുകളില്ലാതെ പുറത്തെടുക്കാനും ഈ രൂപം പ്രയോജനകരമാണ്. പാക്ക് ചെയ്യുമ്പോഴും കൊണ്ടുപോകുമ്പോഴും ചോക്ലേറ്റ് പൊട്ടാനുള്ള സാധ്യതയുണ്ട്. കട്ടകള്ക്കിടയിലെ വരകള് എവിടെ പൊട്ടണമെന്ന് നിയന്ത്രിക്കാന് സഹായിക്കുന്നതിനാല് ക്രമരഹിതമായ പൊട്ടലുകള് ഒരു പരിധിവരെ കുറയ്ക്കാനാകും.

ചോക്ലേറ്റ് പൊട്ടിക്കുമ്പോള് ലഭിക്കുന്ന പ്രത്യേക ശബ്ദവും അനുഭവവും അതിന്റെ ഗുണനിലവാരവുമായി പലരും ബന്ധപ്പെടുത്താറുണ്ട്. ശരിയായ രീതിയില് തയാറാക്കിയ ചോക്ലേറ്റിന് നല്ലൊരു പൊട്ടുന്ന ശബ്ദം ലഭിക്കും. ചോക്ലേറ്റിന്റെ രുചിക്കൊപ്പം ഈ അനുഭവവും കഴിക്കുന്നതിന്റെ ആസ്വാദ്യത കൂട്ടുന്നു. എല്ലാ ചോക്ലേറ്റുകളിലും ഒരേ രൂപത്തിലുള്ള കട്ടകളല്ല കാണുന്നത്. ടോബ്ലറോണിന്റെ ത്രികോണാകൃതിയിലുള്ള രൂപം ഇതിന് ഉദാഹരണമാണ്. ഇത്തരം വ്യത്യസ്ത രൂപങ്ങള് ചോക്ലേറ്റുകളെ വിപണിയില് എളുപ്പത്തില് തിരിച്ചറിയാനും സഹായിക്കുന്നു.