Rohit-Kohli: എന്തിന് കോഹ്ലിയും, രോഹിതും ഏകദിനം കളിക്കണം? കൈഫിനുണ്ട് ഉത്തരം
Rohit Sharma and Virat Kohli: രോഹിത് ശര്മയുടെയും, വിരാട് കോഹ്ലിയുടെയും ബാറ്റിങ് മികവ് റാഞ്ചി ഏകദിനത്തില് ഇന്ത്യയുടെ വിജയത്തിന് നിര്ണായകമായിരുന്നു. കോഹ്ലിയെയും രോഹിതിനെയും പുകഴ്ത്തി രംഗത്തെത്തിയിരിക്കുകയാണ് മുന് താരം മുഹമ്മദ് കൈഫ്
റാഞ്ചി ഏകദിനത്തില് സീനിയര് താരങ്ങളായ രോഹിത് ശര്മയുടെയും, വിരാട് കോഹ്ലിയുടെയും ബാറ്റിങ് മികവ് ഇന്ത്യയുടെ വിജയത്തിന് നിര്ണായകമായിരുന്നു. രോഹിത് 57 റണ്സെടുത്തു. കോഹ്ലി നേടിയത് 135 റണ്സ് (Image Credits: PTI)
ഫോമിലാണെങ്കിലും ഇരുവരും 2027ലെ ഏകദിന ലോകകപ്പ് കളിക്കുമോയെന്ന് ഇപ്പോഴും വ്യക്തമല്ല. പരിശീലകന് ഗൗതം ഗംഭീറും ഇരുവരും തമ്മില് അത്ര രസത്തില് അല്ലെന്നാണ് റിപ്പോര്ട്ട്. കോഹ്ലിയുടെയും, രോഹിതിന്റെയും ഏകദിനത്തിലെ ഭാവിയെ ചുറ്റിപ്പറ്റിയാണ് ക്രിക്കറ്റ് ലോകത്തെ പല ചര്ച്ചകളും (Image Credits: PTI)
എന്നാല് കോഹ്ലിയെയും രോഹിതിനെയും പുകഴ്ത്തി രംഗത്തെത്തിയിരിക്കുകയാണ് മുന് താരം മുഹമ്മദ് കൈഫ്. കോഹ്ലിയുടെയും രോഹിതിന്റെയും പ്രതിബദ്ധതയെ കൈഫ് പ്രശംസിച്ചു (Image Credits: PTI)
യുവതാരങ്ങളെ ഇരുവരും സഹായിക്കുന്നുവെന്നും കൈഫ് പറഞ്ഞു. യുവ പേസർമാരായ ഹർഷിത് റാണയുടെയും, അര്ഷ്ദീപ് സിങിന്റെയും മെന്റര്മാരെ പോലെയാണ് ഇരുവരും റാഞ്ചിയില് പ്രവര്ത്തിച്ചതെന്നും കൈഫ് ചൂണ്ടിക്കാട്ടി. ഇരുവരും ടീമിന്റെ ഭാഗമായി തുടരണമെന്നും അദ്ദേഹം അഭിപ്രായപ്പെട്ടു (Image Credits: PTI)
അവർക്ക് അവരുടെ അനുഭവം യുവതാരങ്ങളുമായി പങ്കിടാൻ കഴിയും. യുവതാരങ്ങള്ക്ക് രോഹിതും, കോഹ്ലിയും മാര്ഗനിര്ദ്ദേശങ്ങള് നല്കാന് കഴിയും. യുവതാരങ്ങള്ക്ക് സീനിയർമാർക്ക് കീഴിൽ നന്നായി കളിക്കാനാകുമെന്നും മുഹമ്മദ് കൈഫ് പറഞ്ഞു (Image Credits: PTI)
