IND vs AUS: ഓസീസിന് തലവേദനയായി വീണ്ടും പരിക്ക്; ട്രാവിസ് ഹെഡിന് അടുത്ത മത്സരം നഷ്ടമാകുമെന്ന് റിപ്പോർട്ട്
Travis Head Injury Update: ബോര്‍ഡര്‍ ഗവാസ്‌കര്‍ ട്രോഫിയിലെ മൂന്നാം ടെസ്റ്റിന് പിന്നാലെ ഓസ്‌ട്രേലിയന്‍ താരം ട്രാവിസ് ഹെഡിന് പരിക്കേറ്റതായി റിപ്പോര്‍ട്ട്. പരിക്കിനെ തുടർന്ന് താരത്തിന് അടുത്ത മത്സരം നഷ്ടമാകുമെന്നാണ് വിവരം.
ബോര്‍ഡര്‍ ഗവാസ്‌കര്‍ ട്രോഫിയിലെ ഗാബ ടെസ്റ്റ് സമനിലയിലായതിന് പിന്നാലെ ഓസ്‌ട്രേലിയന്‍ താരം ട്രാവിസ് ഹെഡിന് പരിക്കെന്ന് റിപ്പോര്‍ട്ട്. (Image Credits: PTI)
അരക്കെട്ടിൽ ഹെഡിന് പരിക്കേറ്റതായും വരാനിരിക്കുന്ന ബോക്സിംഗ് ഡേ ടെസ്റ്റും മെൽബൺ ടെസ്റ്റും താരത്തിന് നഷ്ടമാകുമെന്നും റിപ്പോർട്ടുകളുണ്ട്. എന്നാൽ ക്രിക്കറ്റ് ഓസ്ട്രേലിയ ഇക്കാര്യത്തിൽ വ്യക്തത വരുത്തിയിട്ടില്ല. (Image Credits: PTI)
ഇന്ത്യയ്ക്ക് എതിരായ രണ്ടാം ഇന്നിംഗ്സിൽ 10 മിനിറ്റിൽ താഴെ മാത്രമാണ് ട്രാവിസ് ഹെഡ് ഫീൽഡ് ചെയ്യാൻ ഇറങ്ങിയിരുന്നത്. കമന്റേറ്റര്‍ ബ്രെട്ട് ലീയും ഓസ്‌ട്രേലിയന്‍ ടീം വക്താവും താരത്തിന് പരിക്കേറ്റതായി തറപ്പിച്ച് പറഞ്ഞു. (Image Credits: PTI)
ഗാബ ടെസ്റ്റിലെ താരം ഹെഡ് ആയിരുന്നു. ആദ്യ ഇന്നിംഗ്‌സില്‍ 152 റണ്‍സ് നേടിയ താരം രണ്ടാം ഇന്നിംഗ്സിൽ 17 റണ്‍സിന് പുറത്തായി. (Image Credits: PTI)
ബോർഡർ ഗവാസ്കർ ട്രോഫിയിലെ റൺവേട്ടക്കാരുടെ പട്ടികയിൽ ഒന്നാമനാണ് താരം. മൂന്ന് മത്സരങ്ങളില്‍ നിന്ന് 409 റണ്‍സാണ് ഹെഡിന്റെ സമ്പാദ്യം. (Image Credits: PTI)
