Sanju Samson: വേണ്ടത് ആറു സിക്സുകള് മാത്രം! കോലിയും രോഹിതും അടങ്ങുന്ന എലൈറ്റ് പട്ടികയിലേക്ക് സഞ്ജുവും
Sanju Samson upcoming milestone: ഏഷ്യന് ഗെയിംസ് ക്രിക്കറ്റില് ശ്രീലങ്കക്കെതിരെ നടക്കുന്ന മത്സരത്തില് 100 സിക്സുകളെന്ന നാഴികക്കല്ല് പിന്നിടാന് സഞ്ജു സാംസണ് അവസരമുണ്ട്. ശ്രീലങ്കക്കെതിരായ മത്സരത്തില് താരം 6 സിക്സുകള് അനായാസം അടിച്ചുകൂട്ടുമെന്ന പ്രതീക്ഷയിലാണ് ആരാധകര്. 100 സിക്സുകള് പൂര്ത്തിയാക്കിയാല് രോഹിത് ശര്മയും, വിരാട് കോലിയും അടങ്ങുന്ന എലൈറ്റ് പട്ടികയില് ഇടം നേടാന് സഞ്ജുവിനും സാധിക്കും.
രാജ്യാന്തര ടി20യില് 100 സിക്സുകളെന്ന നേട്ടം സ്വന്തമാക്കാന് സഞ്ജു സാംസണിന് ഇനി വേണ്ടത് വെറും ആറു സിക്സുകള് മാത്രം. 70 മത്സരങ്ങളിലെ 62 ഇന്നിങ്സുകളില് നിന്നായി 94 സിക്സുകളാണ് താരം ഇതുവരെ അടിച്ചുകൂട്ടിയത്. ഏഷ്യന് ഗെയിംസ് ക്രിക്കറ്റില് ഒക്ടോബര് ഒന്നിന് ശ്രീലങ്കക്കെതിരെ നടക്കുന്ന മത്സരത്തില് സഞ്ജുവിന് 100 സിക്സുകളെന്ന നാഴികക്കല്ല് പിന്നിടാന് അവസരമുണ്ട്. ശ്രീലങ്കക്കെതിരായ മത്സരത്തില് താരം 6 സിക്സുകള് അനായാസം അടിച്ചുകൂട്ടുമെന്ന പ്രതീക്ഷയിലാണ് ആരാധകര്. 100 സിക്സുകള് പൂര്ത്തിയാക്കിയാല് രോഹിത് ശര്മയും, വിരാട് കോലിയും അടങ്ങുന്ന എലൈറ്റ് പട്ടികയില് ഇടം നേടാന് സഞ്ജുവിനും സാധിക്കും.
രാജ്യാന്തര ടി20യില് നിലവില് വെറും വെറും അഞ്ച് ഇന്ത്യന് താരങ്ങള് മാത്രമാണ് നൂറോ അതില് കൂടുതലോ സിക്സുകള് അടിച്ചിട്ടുള്ളത്. 151 ഇന്നിങ്സുകളില് നിന്ന് 205 സിക്സുകളടിച്ച രോഹിത് ശര്മയാണ് ഒന്നാമത്. 200 സിക്സുകള് പിന്നിട്ട ഏക ഇന്ത്യന് താരവും രോഹിതാണ്.
എലൈറ്റ് പട്ടികയിലെ ഇന്ത്യന് താരങ്ങള്
- രോഹിത് ശര്മ: 151 ഇന്നിങ്സുകളില് നിന്ന് 205 സിക്സുകള്
- സൂര്യകുമാര് യാദവ്: 107 ഇന്നിങ്സുകളില് നിന്ന് 179 സിക്സുകള്
- അഭിഷേക് ശര്മ: 59 ഇന്നിങ്സുകളില് നിന്ന് 126 സിക്സുകള്
- ഹാര്ദ്ദിക് പാണ്ഡ്യ: 109 ഇന്നിങ്സുകളില് നിന്ന് 126 സിക്സുകള്
- വിരാട് കോലി: 117 ഇന്നിങ്സുകളില് നിന്ന് 124 സിക്സുകള്
ഏഷ്യന് ഗെയിംസ് സെമി ഫൈനല്
ഏഷ്യന് ഗെയിംസ് ക്രിക്കറ്റഫിലെ രണ്ട് സെമി ഫൈനല് മത്സരങ്ങളും ഒക്ടോബര് ഒന്നിന് നടക്കും. രാവിലെ 5.30-ന് ആരംഭിക്കുന്ന ആദ്യ സെമിയില് പാകിസ്ഥാനും ബംഗ്ലാദേശും ഏറ്റുമുട്ടും. ഇന്ത്യ-ശ്രീലങ്ക മത്സരം രാവിലെ 10-ന് തുടങ്ങും.
ക്വാര്ട്ടര് ഫൈനലിലെ നാലു മത്സരങ്ങളും പ്രതികൂല കാലാവസ്ഥ മൂലം ഒരു പന്ത് പോലും എറിയാനാകാതെ ഉപേക്ഷിച്ചിരുന്നു. ഇന്ത്യ-അഫ്ഗാനിസ്ഥാന്, പാകിസ്ഥാന്-ഹോങ്കോങ്, ശ്രീലങ്ക-നേപ്പാള്, ബംഗ്ലാദേശ്-മലേഷ്യ മത്സരങ്ങളാണ് ഉപേക്ഷിച്ചത്. തുടര്ന്ന് മികച്ച ഐസിസി ടി20 റാങ്കിന്റെ അടിസ്ഥാനത്തില് ഇന്ത്യ, പാകിസ്ഥാന്, ശ്രീലങ്ക, ബംഗ്ലാദേശ് ടീമുകള് സെമിയിലെത്തുകയായിരുന്നു.
സ്വര്ണ മെഡല് പ്രതീക്ഷയില് ഇന്ത്യ
കഴിഞ്ഞ ഏഷ്യന് ഗെയിംസില് റുതുരാജ് ഗെയ്ക്വാദിന്റെ നേതൃത്വത്തിലുള്ള ഇന്ത്യന് ടീം സ്വര്ണ മെഡല് സ്വന്തമാക്കിയിരുന്നു. ഇത്തവണ ശ്രേയസ് അയ്യര് നയിക്കുന്ന ടീമും സ്വര്ണം സ്വന്തമാക്കുമെന്നാണ് ആരാധകരുടെ പ്രതീക്ഷ. നേരത്തെ വനിതാ ക്രിക്കറ്റില് ഇന്ത്യ സ്വര്ണം സ്വന്തമാക്കിയിരുന്നു. ഒക്ടോബര് മൂന്നിനാണ് ഏഷ്യന് ഗെയിംസ് പുരുഷ ക്രിക്കറ്റിലെ ഫൈനല് നടക്കുന്നത്.
English Summary
Sanju Samson has hit 94 T20I sixes across 70 matches and 62 innings in his international career. He requires just 6 more sixes to complete the milestone of 100 international T20 sixes. Samson will have an opportunity to reach this mark during the Asian Games match against Sri Lanka on October 1. Reaching this milestone will put him in an elite list of Indian batters who have hit 100 T20I sixes.
