News9 Indian Tigers And Tigresses Season 2 : ന്യൂസ്9 ഇന്ത്യൻ ടൈഗേഴ്സ് ആൻഡ് ടൈഗ്രസസ്, ദേശീയ ട്രയൽസ്; രണ്ടാം ദിനവും ആവേശകരം
കേരളം ഉൾപ്പെടെയുള്ള 40 ഇടങ്ങളിൽ ട്രെയൽസ് നടത്താൻ ടിവി9 നെറ്റ്വർക്ക് ലക്ഷ്യമിടുന്നത്. ഇതിന് ആദ്യ പടിയാണ് ആസമിൽ ആരംഭിച്ചിരിക്കുന്നത്
News9 Indian Tigers And Tigresses Season 2 Day 2 Massive Response From Assam Dibrugarh
News9 Indian Tigers And Tigresses Season 2 : ന്യൂസ്9 ഇന്ത്യൻ ടൈഗേഴ്സ് ആൻഡ് ടൈഗ്രസസ്, ദേശീയ ട്രയൽസ്; രണ്ടാം ദിനവും ആവേശകരം
ഇന്ത്യൻ ഫുട്ബോളിന്റെ വരും തലമുറയെ കണ്ടെത്താനായി ടിവി 9 നെറ്റ്വർക്ക് സംഘടിപ്പിക്കുന്ന ‘ന്യൂസ്9 ഇന്ത്യൻ ടൈഗേഴ്സ് ആൻഡ് ടൈഗ്രസസ്’ രണ്ടാം സീസണിന്റെ ദേശീയ ട്രയൽസ് അസമിൽ പുരോഗമിക്കുകയാണ്. ആദ്യ ദിനം പോലെ തന്നെ ട്രയൽസിൻ്റെ രണ്ടാം ദിനത്തിലും കുട്ടികളുടെ ആവേശകരമായ പങ്കാളിത്തമാണ് ലഭിക്കുന്നത്. നൂറുകണക്കിന് കുട്ടിതാരങ്ങളാണ് ട്രയൽസിനായി മൈതാനത്ത് വിസ്മയം തീർത്തത്.
അസമിലെ ദിബ്രുഗഡിൽ നടക്കുന്ന ഈ സെലക്ഷൻ ക്യാമ്പിൽ, ഫുട്ബോൾ കരിയറിൽ വലിയ സ്വപ്നങ്ങൾ കാണുന്ന 11-നും 16-നും ഇടയിൽ പ്രായമുള്ള ആൺകുട്ടികളും പെൺകുട്ടികളുമാണ് മാറ്റുരയ്ക്കുന്നത്. ആദ്യ ദിനത്തേക്കാൾ വാശിയേറിയ പ്രകടനങ്ങളാണ് രണ്ടാം ദിനം സാക്ഷ്യം വഹിച്ചത്. ഡ്രിബ്ലിംഗ്, പാസിംഗ്, ഷൂട്ടിംഗ് കൃത്യത എന്നിവയിൽ ഓരോ താരവും തങ്ങളുടെ മികവ് തെളിയിക്കാൻ പരമാവധി പരിശ്രമിച്ചു. കഠിനമായ വെയിലിനെയും ശാരീരിക തളർച്ചയെയും അവഗണിച്ചാണ് കുട്ടികൾ മൈതാനത്ത് ഓടിനടന്നത്. “ദേശീയ തലത്തിൽ ശ്രദ്ധിക്കപ്പെടാനും യൂറോപ്പിൽ പരിശീലനം നേടാനുമുള്ള ഈ അവസരം നഷ്ടപ്പെടുത്താൻ ആഗ്രഹമില്ല,” എന്ന് ട്രയൽസിൽ പങ്കെടുത്ത ഒരു യുവതാരം പറഞ്ഞു.
അന്താരാഷ്ട്ര നിലവാരത്തിലുള്ള പരിശീലകരും സ്കൗട്ടുകളും ഓരോ കുട്ടിയുടെയും പ്രകടനം സൂക്ഷ്മമായി നിരീക്ഷിക്കുന്നുണ്ട്. കേവലം വേഗത മാത്രമല്ല, കളിയിലുള്ള ബുദ്ധി, ടീം വർക്ക് എന്നിവയ്ക്കും വലിയ പ്രാധാന്യമാണ് നൽകുന്നത്. തിരഞ്ഞെടുക്കപ്പെടുന്ന ഏറ്റവും മികച്ച താരങ്ങൾക്ക് യൂറോപ്പിലെ ലോകോത്തര ഫുട്ബോൾ ക്ലബ്ബുകളിൽ പരിശീലനം നേടാനും അന്താരാഷ്ട്ര എക്സ്പോഷർ ലഭിക്കാനും ഈ പദ്ധതി വഴി സാധിക്കും. “രണ്ടാം ദിനത്തിലെ കുട്ടികളുടെ ഊർജ്ജം അത്ഭുതപ്പെടുത്തുന്നതാണ്. ഇന്ത്യയുടെ ഉൾനാടുകളിൽ എത്രത്തോളം മികച്ച ഫുട്ബോൾ പ്രതിഭകൾ ഉണ്ടെന്നതിന്റെ തെളിവാണ് ഈ കാണുന്നത്,” എന്ന് സംഘാടകർ വ്യക്തമാക്കി.
