Champions Trophy: ട്വിസ്റ്റോട് ട്വിസ്റ്റ്! ചാമ്പ്യൻസ് ട്രോഫിയിൽ നിന്ന് പാകിസ്താൻ പിന്മാറുന്നു, റിപ്പോർട്ട്
Pakistan: 1996 ലോകകപ്പിന് ശേഷം ഇതാദ്യമായാണ് ഒരു ഐസിസി ടൂര്ണമെന്റിന് പാകിസ്താൻ വേദിയാകുന്നത്. 2025 ഫെബ്രുവരി 19 മുതല് മാര്ച്ച് 9 വരെയാകും ചാമ്പ്യന്സ് ട്രോഫി മത്സരം നടക്കുക.
2025-ലെ ചാമ്പ്യൻസ് ട്രോഫിയിൽ നിന്ന് പാകിസ്താൻ പിന്മാറിയേക്കുമെന്ന് റിപ്പോർട്ട്. ടൂർണമെന്റിൽ നിന്ന് ഇന്ത്യ പിന്മാറിയതോടെ, ആതിഥേയത്വം വഹിക്കാനുള്ള അവകാശം നഷ്ടപ്പെടുമെന്ന റിപ്പോർട്ടിന്മേലാണ് പിസിബിയുടെ പുതിയ നീക്കം. (Image Credits: Getty Image)
രാജ്യങ്ങൾ തമ്മിലുള്ള ആഭ്യന്തര, ഉഭയകക്ഷി പ്രശ്നങ്ങൾ പരിഹരിക്കുന്നതുവരെ ഐസിസി- എസിസി ഇവൻ്റുകളിൽ ഇന്ത്യക്കെതിരെ മത്സരിക്കാനിറങ്ങരുതെന്ന് പാകിസ്താൻ സർക്കാർ പിസിബിയോട് നിർദ്ദേശിച്ചേക്കുമെന്നാണ് വിവരം. (Image Credit: Social Media)
അതേസമയം ചാമ്പ്യൻസ് ട്രോഫി നടത്തിപ്പുമായി ബന്ധപ്പെട്ട് ഐസിസിയോട് പാക് ക്രിക്കറ്റ് ബോർഡ് വ്യക്തത തേടിയേക്കുമെന്ന് പിടിഐ റിപ്പോർട്ട് ചെയ്തു. ടൂർണമെന്റിനായി ഇന്ത്യ പാകിസ്താനിലേക്ക് വരില്ലെന്ന് വ്യക്തമാക്കിയിട്ടുണ്ടെങ്കിലും ഹൈബ്രിഡ് മോഡലിനെ കുറിച്ച് ഐസിസി പാകിസ്താനുമായി ചർച്ച നടത്തിയിട്ടില്ലെന്നാണ് സൂചന. (Image Credit: Social Media)
പാകിസ്താനിലേക്ക് ചാമ്പ്യൻസ് ട്രോഫിക്കായി ബിസിസിഐ ടീമിനെ അയക്കില്ലെന്ന കാര്യം ഐസിസി ആണ് പിസിബിയെ അറിയിച്ചത്. ലോക ഗവേണിംഗ് ബോഡിയെ വിവരം ധരിപ്പിച്ച ശേഷമാണ് പാകിസ്താനെ അറിയിച്ചത്. (Image Credit: PTI)
അതേസമയം ഹൈബ്രിഡ് മോഡലിനെക്കുറിച്ച് ചർച്ചകൾ നടന്നിട്ടില്ലെന്ന് പിസിബി വൃത്തങ്ങളെ ഉദ്ദരിച്ച് പിടിഐ റിപ്പോർട്ട് ചെയ്തു . ഏഷ്യാകപ്പ് ഹൈബ്രിഡ് മോഡലിൽ പാകിസ്താനിലും ശ്രീലങ്കയിലുമായാണ് നടത്തിയത്. അന്ന് ഇന്ത്യയുടെ മത്സരങ്ങൾക്ക് വേദിയായത് ശ്രീലങ്കയായിരുന്നു. (Image Credit: Social Media)
