IPL 2025 KKR vs MI : വീണ്ടും വിഗ്നേഷ് പുത്തൂരിന് അവസരം; കെകെആറിനെതിരെ മുംബൈ ബോളിങ് തിരഞ്ഞെടുത്തു
IPL 2025 Kolkata Knight Riders vs Mumbai Indians : ടൂർണമെൻ്റിൽ ഇത് രണ്ടാം തവണയാണ് വിഗ്നേഷ് പുത്തൂരിന് മുംബൈയ്ക്കായി പന്തെറിയാൻ ഇറങ്ങുന്നത്. ആദ്യ മത്സരത്തിൽ മൂന്ന് വിക്കറ്റ് നേടുകയും ചെയ്തു.
Vignesh Puthur
മുംബൈ : കൊൽക്കത്ത നൈറ്റ് റൈഡേഴ്സിനെതിരെയുള്ള മത്സരത്തിൽ മുംബൈ ഇന്ത്യൻസിൻ്റെ പ്ലേയിങ് ഇലവനിൽ ഇടം നേടി മലയാളി താരം വിഗ്നേഷ് പുത്തൂർ. കഴിഞ്ഞ മത്സരത്തിൽ ഹാർദിക് പാണ്ഡ്യ താരത്തെ പുറത്തിരുത്തിയെങ്കിൽ ഇന്ന് കെകെആറിനെതിരെ ആദ്യ ഇലവനിൽ ഉൾപ്പെടുത്തുകയായിരുന്നു മുംബൈയുടെ ടീം മാനേജ്മെൻ്റ്. മത്സരത്തിൽ ടോസ് നേടിയ മുംബൈ ഇന്ത്യൻസ് കൊൽക്കത്തയെ ആദ്യം ബാറ്റ് ചെയ്യാൻ അനുവദിച്ചു.
ആദ്യ ജയം തേടിയാണ് മുംബൈ ഇന്ന് കൊൽക്കത്തയ്ക്കെതിരെ സ്വന്തം തട്ടകത്തിൽ ഇറങ്ങിയിരിക്കുന്നത്. വിഗ്നേഷ് പുത്തൂരിന് വീണ്ടും അവസരം നൽകിയതിനൊപ്പം പുതുമുഖം അശ്വനി കുമാറിന് അരങ്ങേറ്റത്തിന് ഹാർദിക് പാണ്ഡ്യ അവസരം നൽകി. ഒപ്പം ഇംഗ്ലീഷ് താരം വിൽ ജാക്സും പ്ലേയിങ് ഇലവനിൽ ഇടം നേടി.
മുംബൈയുടെ പ്ലേയിങ് ഇലവൻ – റിയാൻ റിക്കെൽട്ടൺ, വിൽ ജാക്സ്, സൂര്യകുമാർ യാദവ്, തിലക് വർമ, ഹാർദിക് പാണ്ഡ്യ, നമാൻ ദിർ, മിച്ചൽ സാൻ്റനെർ, ദീപക് ചഹർ, ട്രെൻ്റ് ബോൾട്ട്, അശ്വനി കുമാർ, വിഗ്നേഷ് പുത്തൂർ
ഇംപാക്ട് താരങ്ങളുടെ പട്ടിക – രോഹിത് ശർമ, കോർബിൻ ബോഷ്, രാജ് ബാവാ, റോബിൻ മിൻസ്, സത്യനാരായണ രാജു
രണ്ടാം ജയം തേടിയിറങ്ങുന്ന കൊൽക്കത്ത ഒരു മാറ്റം മാത്രമാണ് വരുത്തിയിരിക്കുന്നത്. മൊയിൻ അലിക്ക് പകരം വെസ്റ്റ് ഇൻഡീസ് താരം സുനിൽ നരെയ്ൻ ടീമിലേക്ക് തിരികെയത്തി.
കെകെആറിൻ്റെ പ്ലേയിങ് ഇലവൻ – ക്വിൻ്റൺ ഡികോക്ക്, സുനിൽ നരെയ്ൻ, വെങ്കടേഷ് അയ്യർ, അജിങ്ക്യ രഹാനെ, റിങ്കു സിങ്, അങ്കൃഷ് രഘുവൻഷി, ആന്ദ്ര റസ്സൽ, രമൻദീപ് സിങ്, സ്പെൻസർ ജോൺസൺ, ഹർഷിത് റാണ, വരുൺ ചക്രവർത്തി
ഇംപാക്ട് താരങ്ങളുടെ പട്ടിക – അൻറിച്ച് നോർക്കിയ, അങ്കുൾ റോയി, മനിഷ് പാണ്ഡെ, വൈഭവ് അറോറ, ലവ്നീത് സിസോദിയ
