Malayalam NewsTechnology > End of the Cybertruck Era? Tesla to Wind Down Production at Texas Factory By 2027
Tesla Cybertruck: നിർമ്മാണം നിർത്തുന്നു! ടെസ്ലയുടെ സൈബർ ട്രക്ക് യുഗം അവസാനിക്കുമോ…
ടെസ്ലയുടെ ഞെട്ടിക്കുന്ന വാഹന മോഡലായി സൈബർട്രെക്ക്. ഫാന്റസിയെ യാഥാർത്ഥ്യമാക്കിയത് പോലെയാണ് ഈ വാഹനത്തെ എലോൺ മസ്കിന്റെ ഉടമസ്ഥതയിലുള്ള ടെസ്ല വിപണിയിൽ എത്തിക്കുന്നത്. ഇതുവരെ വാഹന ലോകം സങ്കൽപ്പിച്ചിട്ടില്ലാത്തൊരു ഡിസൈനാണ് സെബർ ട്രെക്കിന് കമ്പനി നൽകിയത്. ഇപ്പോഴും ഈ വാഹനത്തിന് ഡിമാൻഡ് ഏറെയാണ്. അതിനിടെയാണ് ഞെട്ടിക്കുന്ന ഒരു വാർത്ത വരുന്നത്.
2027-ന്റെ പകുതിയോടെ ടെക്സാസിലെ ഗിഗാഫാക്ടറിയിൽ സൈബർട്രക്കിന്റെ (Cybertruck) ഉൽപ്പാദനം അവസാനിപ്പിക്കുമെന്ന് ടെസ്ല സ്ഥിരീകരിക്കുന്നത്. ‘സൈബർക്യാബ്’ (Cybercab) ഉൽപ്പാദനം വർദ്ധിപ്പിക്കുന്നതിനായി സൗകര്യങ്ങൾ ലഭ്യമാക്കാനാണ് ഈ തീരുമാനമെന്ന് സിഇഒ ഇലോൺ മസ്‌ക് ‘എക്സ്’ (X) പ്ലാറ്റ്‌ഫോമിലൂടെ അറിയിച്ചു. ( Image Credit Source Tesla Website)
സൈബർട്രക്ക് ഉൽപ്പാദനം ആരംഭിച്ച് മൂന്ന് വർഷത്തിന് ശേഷവും, മോഡൽ എസ് (Model S), മോഡൽ എക്സ് (Model X) എന്നിവയുടെ ഉൽപ്പാദനം ടെസ്ല നിർത്തിവെച്ച് ഏഴ് മാസത്തിന് ശേഷവുമാണ് ഈ പ്രഖ്യാപനം വരുന്നത്.2019-ൽ ഒരു കൺസെപ്റ്റ് ആയാണ് ടെസ്ല ആദ്യമായി സൈബർട്രക്ക് (Cybertruck) അവതരിപ്പിച്ചത്.
2021-ഈ വാഹനം പുറത്തിറക്കാനായിരുന്നു കമ്പനി പദ്ധതിയിട്ടിരുന്നത്. എന്നാൽ വിവിധ കാരണങ്ങളാൽ വൈകിയ ഈ വാഹനം, ഒടുവിൽ ടെക്സാസിലെ ‘ഗിഗാഫാക്ടറി’യിൽ (Gigafactory) നിർമ്മാണം ആരംഭിച്ച് 2023-ൽ വിപണിയിലെത്തുകയായിരുന്നു.
ടെസ്ല തങ്ങളുടെ മുൻനിര പാസഞ്ചർ വാഹനമായാണ് സൈബർട്രക്കിനെ പുറത്തിറക്കിയത്. നിലവിൽ, യുഎസ്, മെക്സിക്കോ, കാനഡ, യുഎഇ, ഖത്തർ, ദക്ഷിണ കൊറിയ, സൗദി അറേബ്യ എന്നിവിടങ്ങളിലാണ് സൈബർട്രക്ക് വിൽക്കപ്പെടുന്നത്.
തുടക്കത്തിൽ വലിയ പ്രചാരവും മികച്ച വിൽപ്പനയും നേടാൻ സൈബർട്രക്കിന് സാധിച്ചു. പ്രത്യേകതരം സ്റ്റെയിൻലെസ് സ്റ്റീൽ അലോയ് ഉപയോഗിച്ച് നിർമ്മിച്ച, വ്യത്യസ്തവും പരുക്കനുമായ ഇതിന്റെ പുറംരൂപം യൂറോപ്യൻ സുരക്ഷാ മാനദണ്ഡങ്ങൾ പാലിക്കുന്നതിൽ പരാജയപ്പെടുകയും ചെയ്തു
