Tata Nexon : ഇതാണ് ടൈം ! നെക്സോണിന് മുക്കാൽ ലക്ഷം വരെ വിലക്കുറവ്

Discount For Tata Nexon

ഒരു കോംപാക്ട് എസ് യു വി സ്വന്തമാക്കാൻ ആഗ്രഹിക്കുന്നവരാണ് നിങ്ങൾ എങ്കിൽ ഒരു മികച്ച ഓപ്ഷൻ ഇപ്പോൾ വന്നിട്ടുണ്ട്. മറ്റൊന്നുമല്ല ടാറ്റ തങ്ങളുടെ ഏറ്റവും മുൻനിര കൊമ്പാക്ട് എസ് യു വി മോഡലായ നെക്സോണിന് വൻ വിലക്കഴിവ് പ്രഖ്യാപിച്ചിട്ടുണ്ട്. നേരിട്ടുള്ള കഴിവ്, സ്പെഷ്യൽ ഓഫർ, സ്ക്രാപ്പേജ് ഓഫർ എന്നിവയെല്ലാം ചേർത്തുകൊണ്ട് വൻ വിലക്കുറവിൽ വാഹനം സ്വന്തമാക്കാനുള്ള അവസരമാണ് ഇപ്പോൾ കമ്പനി നൽകുന്നത്. ഇവയെല്ലാം ഉൾപ്പെടെ ആകെ 75000 രൂപയുടെ കുറവാണ് നെക്സോണിന് ലഭിക്കുക.

മോഡലുകൾ

സ്മാർട്ട് പ്ലസ് Smart+, സ്മാർട്ട് പ്ലസ് എസ് Smart+S, പ്യുവർ Pure, പ്യുവർ എസ് Pure S, പ്യുവർ പ്ലസ് Pure+, പ്യുവർ പ്ലസ് എസ് Pure+ S, പ്യുവർ പ്ലസ് പിസ് Pure+ PS എന്നീ പെട്രോൾ-മാനുവൽ വകഭേദങ്ങൾക്കാണ് 10,000 രൂപയുടെ കിഴിവ്, 45,000 രൂപയുടെ പ്രത്യേക ഓഫർ, 20,000 രൂപയുടെ സ്ക്രാപ്പേജ് ആനുകൂല്യം എന്നിവ ഉൾപ്പെടെയുള്ള ഓഫറുകൾ ലഭ്യമാകും. നെക്സോണിന്റെ മറ്റ് പെട്രോൾ വകഭേദങ്ങൾക്ക് 55,000 രൂപ വരെയുള്ള ഓഫറുകളും ആണ് അനൗൺസ് ചെയ്തിരിക്കുന്നത്. 10,000 രൂപയുടെ കിഴിവ്, 25,000 രൂപയുടെ പ്രത്യേക ഓഫർ, 20,000 രൂപയുടെ സ്ക്രാപ്പേജ് ആനുകൂല്യം എന്നിവ ഉൾപ്പെടെയണ് ഇത്രയും കുറവ് ലഭിക്കുന്നത്.

Also Read : റേഞ്ച് കൂട്ടി! പുതിയ മോഡലുമായി കൈനറ്റിക്, ഇനി ഫുൾ ചാർജിൽ 132 കിലോമീറ്റർ

ഇനി സിഎൻജി (CNG) യിലേക്ക് വന്നാൽ , ഈ മോഡലിന് 60,000 രൂപ വരെയുള്ള ഓഫറുകളാണ് വാ​ഗ്ദാനം ചെയ്യുന്നത്. ഇതിൽ 10,000 രൂപയുടെ കിഴിവ്, 25,000 രൂപയുടെ പ്രത്യേക ഓഫർ, 25,000 രൂപയുടെ സ്ക്രാപ്പേജ് ആനുകൂല്യം എന്നിവ ചേർത്താണ് ഓഫർ വരുന്നത്. ഇനി ഡീസൽ പതിപ്പ് നോക്കിയാൽ ഈ മോഡലിന് 20,000 രൂപയുടെ സ്ക്രാപ്പേജ് ആനുകൂല്യമാണ് ലഭിക്കുക.

ടാറ്റ ആൾട്രോസിനും ഓഫറുണ്ട്

ഹാച്ച് ബാക്ക് മോഡലായ ആൾട്രോസിന് 55,000 രൂപ വരെയാണ് ഓഫർ ഉള്ളത്. സ്മാർട്ട് (Smart) വേരിയന്റ് ഒഴികെയുള്ള പെട്രോൾ മോഡലുകൾക്ക് 35,000 രൂപ വരെ ആനുകൂല്യമാണ് ലഭിക്കുക. 15,000 രൂപയുടെ കിഴിവും 20,000 രൂപയുടെ സ്ക്രാപ്പേജ് ആനുകൂല്യവും ഉൾപ്പെടെയാണ് ഇത്രയും രൂപ കിഴിവ് വരുന്നത്. സിഎൻജി (CNG) പതിപ്പിനാണ് 55,000 രൂപ വരെ കുറവ് പ്രഖ്യാപിച്ചിരിക്കുന്നത്. 15,000 രൂപയുടെ കിഴിവ്, 20,000 രൂപയുടെ പ്രത്യേക ഓഫർ, 20,000 രൂപയുടെ സ്ക്രാപ്പേജ് ആനുകൂല്യം എന്നിവ ഉൾപ്പെടെയാണ് ഇതിൽ വരുന്നത്. ഡീസൽ മോഡലുകൾക്ക് 35,000 രൂപ വരെയാണ് കിഴിവ്.

( ഓരോ ഷോറൂമുകളും സ്ഥലവും അനുസരിച്ച് ഓഫറിൽ മാറ്റം വാരാം. അതിനാൽ നേരിട്ട് ഡീലർഷിപ്പുകളിൽ പോയി ഉറപ്പ് വരുത്തുവാൻ ഉപഭോക്താക്കൾ ശ്രദ്ധിക്കുക.)

English Summary

If you are looking to own a compact SUV, a great option has just arrived. Tata has announced a massive price cut for the Nexon, its flagship compact SUV model.