Smartphone Launch: ലോകത്ത് ഇങ്ങനെയൊരു ഫീച്ചർ വൺ പ്ലസ് ഫോണിന് , വില ചോർന്നു, സവിശേഷത ഇത്

ചില പ്രധാന സവിശേഷതകൾ പുറത്തു വന്നെങ്കിലും ഫോണിൻ്റെ വില സംബന്ധിച്ച് ഇപ്പോഴും ചില അവ്യക്തതകൾ തുടരുകയാണ്. ആഗോളതലത്തിൽ തന്നെ ആദ്യമായാണ് ഒരു സ്മാർട്ട്ഫോണിൽ ഇത്തരമൊരു ഫീച്ചർ

Oneplus 15r Launch UpdateImage Credit source: TV9 Network

Arun Nair | Published: 15 Dec 2025 15:49 PM

ഒറ്റ പ്രോസസ്സറിൻ്റെ വരവോടെ ആഗോളതലത്തിൽ തന്നെ ഖ്യാതി നേടാൻ പോകുന്ന ഫോണിനെ പറ്റി കേട്ടിട്ടുണ്ടോ? ടെക് വിദഗ്ധർ പറയുന്ന വാക്കുകളാണിവ. അൽപ്പം വില കൂടിയാലും ക്വാളിറ്റിയിലെ പ്രമീയം സ്വഭാവം മാറ്റാത്ത വൺപ്ലസിനാണ് ആ ഭാഗ്യം. ഇത്തരത്തിൽ ഡിസംബർ 17 ന് ഇന്ത്യൻ വിപണിയിൽ തങ്ങളുടെ ഒരു കിടിലൻ മോഡൽ അവതരിപ്പിക്കാൻ ഒരുങ്ങുകയാണ് കമ്പനി. വൺപ്ലസ് 15R-ൻ്റെ എറ്റവും വലിയ പ്രത്യേകതയും ആഗോളതലത്തിൽ തന്നെ ഒരു ഫോണിന് ലഭിക്കുന്ന പ്രത്യേകതയും അതിൻ്റെ പ്രോസസ്സറാണ്. സ്നാപ്പ് ഡ്രാഗൺ 8 Gen 5 പ്രോസസറാണ് വൺ പ്ലസ് 15 R-ൽ ഉള്ളത്. ആഗോളതലത്തിൽ തന്നെ ആദ്യമായാണ് ഒരു സ്മാർട്ട്ഫോണിൽ സ്നാപ്പ് ഡ്രാഗൺ-ൻ്റെ 8 Gen 5 പ്രോസസർ അവതരിപ്പിക്കുന്നത്.

എപ്പോൾ ഇന്ത്യയിൽ

വൺപ്ലസ് പാഡ് ഗോ 2 നൊപ്പം ഡിസംബർ 17-നാണ് ഫോൺ ഇന്ത്യയിൽ ലോഞ്ച് ചെയ്യുന്നത്. ഈ മാസം ആദ്യം ചൈനീസ് വിപണികളിൽ പുറത്തിറങ്ങിയ വൺപ്ലസ് ഏസ് 6T യുടെ വകഭേദമാണ് ഈ ഹാൻഡ്‌സെറ്റ്. ചില പ്രധാന സവിശേഷതകൾ പുറത്തു വന്നെങ്കിലും ഫോണിൻ്റെ വില സംബന്ധിച്ച് ഇപ്പോഴും ചില അവ്യക്തതകൾ തുടരുകയാണ്. ഏകദേശം 45,999 രൂപയാണ് ഫോണിൻ്റെ വിലയായി പ്രതീക്ഷിക്കുന്നത്. എന്നാൽ ഇതിൽ സ്ഥീരീകരണമില്ല.

ALSO READ: ഇതാ കാത്തിരുന്ന അപ്ഡേറ്റ്; വൺപ്ലസ് 15ആർ അടുത്ത ദിവസം തന്നെ അവതരിപ്പിക്കും: വിശദാംശങ്ങൾ

ഇന്ത്യയിലെ പ്രാരംഭ വില

12-ജിബി റാം + 256 ജിബി ഇൻ്റേണൽ സ്റ്റോറേജ് കോൺഫിഗറേഷനുള്ള വൺപ്ലസ് 15R-ൻ്റെ ഇന്ത്യയിലെ പ്രാരംഭ വില 45,999 രൂപയ്ക്കും 46,999 രൂപയ്ക്കും ഇടയിലായിരിക്കുമെന്ന് ചില ടെക് പേജുകൾ പറയുന്നു. 12GB + 512GB ഉള്ള ഒരു ഉയർന്ന വേരിയൻ്റും നിർമ്മാണത്തിലുണ്ട്, ഇതിന് ഏകദേശം 51,999 രൂപ വില പ്രതീക്ഷിക്കുന്നു. ചില ബാങ്ക് ക്രെഡിറ്റ് കാർഡുകൾ വഴി ഏകദേശം 3,000-4,000 രൂപ വരെ ക്യാഷ് ഡിസ്‌കൗണ്ടും ലഭിക്കും. വൺപ്ലസ് 15R ചാർക്കോൾ ബ്ലാക്ക്, മിണ്ടി ഗ്രീൻ നിറങ്ങളിൽ ഫോൺ ലഭ്യമാണ്.

ക്യാമറ

50 മെഗാപിക്സൽ പ്രൈമറി ക്യാമറ, 8 മെഗാപിക്സൽ അൾട്രാ-വൈഡ് ആംഗിൾ ലെൻസ്, 32 മെഗാപിക്സൽ ഫ്രണ്ട് ക്യാമറ എന്നിവയെല്ലാം ഫോണിലുണ്ടെന്ന് റിപ്പോർട്ടുണ്ട്. OnePlus 15R-ന് IP66, IP68, IP69, അല്ലെങ്കിൽ IP69K റേറ്റിംഗുകളും കമ്പനി വാഗ്ദാനം ചെയ്യുന്നുണ്ട്. ഇത് പൊടി, വെള്ളം, അല്ലെങ്കിൽ വാട്ടർ ജെറ്റുകൾ എന്നിവയിൽ നിന്ന് ഉപകരണത്തെ സംരക്ഷിക്കുന്നു, ഈ വിലയിലുള്ള ഫോണിന് ഇത്രയുമധികം സവിശേഷതകൾ അപൂർവ്വമാണ്.