Realme GT 7: റിയൽമി ജിടി 7, റിയൽമി ജിടി 7ടി ഇന്ത്യയിൽ വില്പന ആരംഭിച്ചു; സവിശേഷതകൾ ഇങ്ങനെ

റിയൽമി ജിടി 7

റിയൽമിയുടെ ജിടി 7, ജിടി 7ടി എന്നീ മോഡലുകൾ ഇന്ത്യയിൽ വില്പന ആരംഭിച്ചു. കഴിഞ്ഞ ആഴ്ചയാണ് ഫോൺ ഇന്ത്യൻ മാർക്കറ്റിൽ അവതരിപ്പിച്ചത്. ഇതിനൊപ്പം ഈ സീരീസിൽ അവതരിപ്പിച്ച മൂന്നാമത്തെ മോഡൽ, റിയൽമി ജിടി ഡ്രീം എഡിഷൻ ജൂൺ മാസത്തിൽ വില്പന ആരംഭിക്കും.

റിയൽമി ഇന്ത്യയുടെ വെബ്സൈറ്റിലും ആമസോണിലുമാണ് മോഡലുകളുടെ വില്പന നടക്കുന്നത്. റിയൽമി ജിടി 7ൻ്റെ വില ആരംഭിക്കുന്നത് 39,999 രൂപയിലാണ്. 8 ജിബി റാം + 256 ജിബി ഇൻ്റേണൽ മെമ്മറിയുടെ ബേസ് വേരിയൻ്റിനാണ് ഈ വില. 12 ജിബി + 512 ജിബി വേരിയൻ്റിന് 46,999 രൂപയാണ്. ഐസ്‌സെൻസ് ബ്ലാക്ക്, ഐസ്‌സെൻസ് ബ്ലൂ നിറങ്ങളിൽ ഈ ഫോൺ ലഭിക്കും. 3000 രൂപയുടെ ഇൻസ്റ്റൻ്റ് ഡിസ്കൗണ്ടും 5000 രൂപ വരെ എക്സ്ചേഞ്ച് ഓഫറും ഈ മോഡലിന് ലഭിക്കും.

റിയൽമി ജിടി 7ടി മോഡലിൻ്റെ 8 ജിബി റാം + 256 ജിബി ബേസ് വേരിയൻ്റിന് വില 34,999 രൂപയാണ്. 12 ജിബി + 256 ജിബി, 12 ജിബി + 512 ജിബി വേരിയൻ്റുകൾക്ക് യഥാക്രമം 37,999 രൂപയും 41,999 രൂപയും നൽകണം. ഐസ്‌സെൻസ് ബ്ലാക്ക്, ഐസ്‌സെൻസ് ബ്ലൂ എന്നീ നിറങ്ങൾക്കൊപ്പം റേസിങ് യെല്ലോ നിറത്തിലും ഈ മോഡൽ ലഭിക്കും. ഈ മോഡലിന് 3000 രൂപയുടെ ബാങ്ക് ഡിസ്കൗണ്ടുകളും 6000 രൂപ വരെ എക്സ്ചേഞ്ച് ഓഫറും ലഭിക്കും. ഇരു മോഡലുകൾക്കും നോ കോസ്റ്റ് ഇഎംഐ സൗകര്യം ലഭിക്കും. ആമസോൺ പേ ഐസിഐസിഐ ക്രെഡിറ്റ് കാർഡ് ഉടമകൾക്ക് കൂടുതൽ വിലക്കുറവും ലഭിക്കും.