Saudi Arabia Smart Traffic: ഒരു തരികിടയും നടക്കില്ല; ട്രാഫിക് നിയന്ത്രിക്കുന്നത് ഇനി മുതല് എഐയാണ്
Al Khobar Smart Traffic System: നിശ്ചിത സമയക്രമത്തില് പ്രവര്ത്തിക്കുന്ന പരമ്പരാഗത സിഗ്നലുകളായിരുന്നു അല് ഖോബാറിലും ഉപയോഗിച്ചിരുന്നത്. എന്നാല് റോഡില് തിരക്ക് വര്ധിച്ചത് മറ്റൊരു മാര്ഗം കണ്ടെത്താന് അധികൃതരെ പ്രേരിപ്പിക്കുകയായിരുന്നു.
സൗദി അറേബ്യ: പുത്തന് ഗതാഗത സംവിധാനം കൊണ്ടുവരാനൊരുങ്ങി സൗദി അറേബ്യ. സൗദിയിലെ കിഴക്കന് പ്രവിശ്യയിലെ നഗരമായ അല് ഖോബാറില് ആധുനിക സംവിധാനത്തിലുള്ള ട്രാഫിക് സിഗ്നലുകള് സ്ഥാപിക്കും. ആര്ട്ടിഫിഷ്യല് ഇന്റലിജന്സ് സാങ്കേതികവിദ്യ പ്രയോജനപ്പെടുത്തിയാണ് പദ്ധതി ആരംഭിക്കുന്നത്. മനുഷ്യന്റെ ഇടപെടലില്ലാതെ ട്രാഫിക് നിയന്ത്രിക്കുകയാണ് ലക്ഷ്യം.
നിശ്ചിത സമയക്രമത്തില് പ്രവര്ത്തിക്കുന്ന പരമ്പരാഗത സിഗ്നലുകളായിരുന്നു അല് ഖോബാറിലും ഉപയോഗിച്ചിരുന്നത്. എന്നാല് റോഡില് തിരക്ക് വര്ധിച്ചത് മറ്റൊരു മാര്ഗം കണ്ടെത്താന് അധികൃതരെ പ്രേരിപ്പിക്കുകയായിരുന്നു. റോഡിലെ തിരക്കിന് അനുസരിച്ച് പുതിയ സംവിധാനം ഓരോ തീരുമാനങ്ങളെടുക്കും. സിഗ്നലുകളില് സ്ഥാപിച്ചിട്ടുള്ള സെന്സറുകളും സ്മാര്ട്ട് ക്യാമറകളുമാണ് ഇതിന് സഹായിക്കുന്നത്.
തിരക്ക് കൂടുതല് ഏത് വശത്താണോ അവിടെ പച്ച സിഗ്നല് കൂടുതല് സമയമുണ്ടാകും. ഓരോ സിഗ്നലും തിരക്കിന് അനുസരിച്ചായിരിക്കും വരുന്നത്. ഇതുവഴി ഗതാഗത കുരുക്ക് ഒഴിവാക്കാനാകുമെന്ന് അധികൃതര് പറയുന്നു. ജങ്ഷനുകളില് ഒരുപാട് സമയം ഇതുവഴി വാഹനങ്ങള്ക്ക് കാത്തിരിക്കേണ്ടതായും വരില്ല.
Also Read: Kuwait Vehicle Ownership: കുവൈറ്റില് മൂന്ന് വാഹനങ്ങള് വാങ്ങിയാലോ? ഇത്രയാണ് നിബന്ധനകള്
വാഹനങ്ങള് അനാവശ്യമായി സ്റ്റാര്ട്ട് ചെയ്തിടുന്നത് വഴിയുള്ള ഇന്ധന നഷ്ടവും ഇതുവഴി പരിഹരിക്കാനാകും. ആംബുലന്സ് ഉള്പ്പെടെയുള്ള വാഹനങ്ങള്ക്ക് അതിവേഗം കടന്നുപോകാനുമാകും. സൗദി വിഷന് 2030ന്റെ ഭാഗമായാണ് പുതിയ നടപടി.
