Airline Ticket Offers: പ്രവാസികൾക്ക് ടിക്കറ്റ് നിരക്കിൽ വൻ ഇളവ്… ഇൻഡിഗോ സമ്മർ ഗെറ്റവേ സെയിൽ നാളെ അവസാനിക്കും
Indigo Announces Summer Getaway Sale: ഏപ്രിൽ 14 മുതലാണ് ഈ ഓഫർ ആരംഭിച്ചത്. ജൂലൈ 1 മുതൽ ഒക്ടോബർ 9 വരെ യാത്ര ചെയ്യുന്നവർക്കാണ് ഈ ആനുകൂല്യം ലഭിക്കുക. ടിക്കറ്റ് ബുക്ക് ചെയ്യുമ്പോൾ SUMR 10 എന്ന കോഡ് ഉപയോഗിക്കണം. ഇൻഡിഗോയുടെ ഔദ്യോഗിക വെബ്സൈറ്റ്, മൊബൈൽ ആപ്പ്, വാട്സാപ്പ് ചാനൽ എന്നിവ വഴി ബുക്ക് ചെയ്യുന്നവർക്ക് ഇളവുകൾ ലഭിക്കും. ടിക്കറ്റ് നിരക്കിൽ 10 ശതമാനം വരെ നേരിട്ടുള്ള ഇളവ് ലഭിക്കുമെന്നതാണ് ഇതിൽ പ്രധാനം.
ദുബായ് : പശ്ചിമേഷ്യൻ സംഘർഷങ്ങൾ അയഞ്ഞതോടെ വിമാന സർവീസുകൾ സാധാരണ നിലയിലായെങ്കിലും, ടിക്കറ്റ് നിരക്കിലെ വർധനവ് പ്രവാസികളെ ആശങ്കയിലാക്കിയിരുന്നു. ഈ സാഹചര്യത്തിലാണ് ഇൻഡിഗോ എയർലൈൻസ് തങ്ങളുടെ ‘സമ്മർ ഗെറ്റവേ സെയിൽ’ പ്രഖ്യാപിച്ചിരിക്കുന്നത്. നാല് ദിവസത്തേക്ക് മാത്രം നീണ്ടുനിൽക്കുന്ന ഈ ഓഫർ നാളെ അവസാനിക്കുന്നു. ഇതു വഴി ടിക്കറ്റ് ബുക്ക് ചെയ്യുന്നവർക്ക് യാത്രാ ചെലവിൽ ഗണ്യമായ ലാഭം നേടാം.
ഏപ്രിൽ 14 മുതലാണ് ഈ ഓഫർ ആരംഭിച്ചത്. ജൂലൈ 1 മുതൽ ഒക്ടോബർ 9 വരെ യാത്ര ചെയ്യുന്നവർക്കാണ് ഈ ആനുകൂല്യം ലഭിക്കുക. ടിക്കറ്റ് ബുക്ക് ചെയ്യുമ്പോൾ SUMR 10 എന്ന കോഡ് ഉപയോഗിക്കണം. ഇൻഡിഗോയുടെ ഔദ്യോഗിക വെബ്സൈറ്റ്, മൊബൈൽ ആപ്പ്, വാട്സാപ്പ് ചാനൽ എന്നിവ വഴി ബുക്ക് ചെയ്യുന്നവർക്ക് ഇളവുകൾ ലഭിക്കും. ടിക്കറ്റ് നിരക്കിൽ 10 ശതമാനം വരെ നേരിട്ടുള്ള ഇളവ് ലഭിക്കുമെന്നതാണ് ഇതിൽ പ്രധാനം. മുൻകൂട്ടി ബുക്ക് ചെയ്യുന്ന എക്സസ് ബാഗേജുകൾക്ക് 50 ശതമാനം വരെ ഇളവുണ്ടെന്നത് മറ്റൊരു പ്രധാന കാര്യം.
Also Read – യുഎഇയിൽ ഇത്തവണ കാലാവസ്ഥ ചതിച്ചോ? വരാനിരിക്കുന്നത് കാലാവസ്ഥാ മാറ്റങ്ങളുടെ മാസം
ഇഷ്ടപ്പെട്ട സീറ്റുകൾ തിരഞ്ഞെടുക്കുന്നതിന് 15 ശതമാനം ഇളവ്. എക്സ് എൽ (XL) സീറ്റുകൾക്കും പ്രത്യേക ഇളവുണ്ടാകും. വിമാനത്താവളത്തിലെ നടപടിക്രമങ്ങൾ വേഗത്തിലാക്കാനുള്ള സർവീസുകൾക്ക് 70 ശതമാനം വരെ ഇളവ് ലഭിക്കും. ഈ ഓഫർ ലിമിറ്റഡ് സീറ്റുകൾക്ക് മാത്രമാണ്. ആദ്യം ബുക്ക് ചെയ്യുന്നവർക്കായിരിക്കും മുൻഗണന. ഗ്രൂപ്പ് ബുക്കിംഗുകൾക്ക് ഈ ഓഫർ ബാധകമല്ല. യാത്ര ചെയ്യാൻ ഉദ്ദേശിക്കുന്ന തീയതികളിൽ ഓഫർ ലഭ്യമാണോ എന്ന് വെബ്സൈറ്റിൽ (goindigo.in) പരിശോധിച്ച് ഉറപ്പുവരുത്തുക.
യുഎഇയിൽ വേനലവധി ആരംഭിക്കാനിരിക്കെ പ്രഖ്യാപിച്ച ഈ ഓഫർ, കുടുംബത്തോടൊപ്പം നാട്ടിലേക്ക് പോകാൻ ആഗ്രഹിക്കുന്ന പ്രവാസികൾക്ക് വലിയൊരു ആശ്വാസമായിരിക്കുകയാണ്.
