UAE Islamic New Year holiday: മൂന്ന് ദിവസത്തെ ലോങ് വീക്കെൻഡ്, യു.എ.ഇയിൽ ജൂൺ 15-ന് പൊതുഅവധി
UAE Announces 3-Day Weekend: യു.എ.ഇ ഉൾപ്പെടെയുള്ള ഭൂരിഭാഗം മുസ്ലിം രാജ്യങ്ങളിലും ഇത് ഔദ്യോഗിക പൊതുഅവധിയായി ആചരിക്കുന്നു. സാധാരണയായി വലിയ രീതിയിലുള്ള പൊതു ആഘോഷങ്ങൾക്ക് പകരം, പ്രാർത്ഥനകൾക്കും ആത്മീയ ചിന്തകൾക്കുമാണ് വിശ്വാസികൾ ഈ ദിനത്തിൽ പ്രാധാന്യം നൽകുന്നത്. വലിയ ആഘോഷങ്ങൾ ഇല്ലെങ്കിലും ഇസ്ലാമിക ചരിത്രത്തിൽ അതീവ പ്രാധാന്യമുള്ള ഒരു ദിനമാണിത്.
ദുബായ്: യു.എ.ഇയിലെ പൊതു-സ്വകാര്യ മേഖലകളിൽ ജോലി ചെയ്യുന്ന ജീവനക്കാർക്ക് സന്തോഷവാർത്ത. ഇസ്ലാമിക് പുതുവർഷം (ഹിജ്റ വർഷം 1448) പ്രമാണിച്ച് വരാനിരിക്കുന്ന ജൂൺ 15 തിങ്കളാഴ്ച രാജ്യത്ത് പൊതുഅവധി പ്രഖ്യാപിച്ചു. ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്സസ് (F A H R) ആണ് ബുധനാഴ്ച ഇത് സംബന്ധിച്ച ഔദ്യോഗിക അറിയിപ്പ് പുറത്തുവിട്ടത്.
ശനി, ഞായർ ദിവസങ്ങളിലെ പതിവ് വാരാന്ത്യ അവധിക്ക് തൊട്ടുപിന്നാലെ തിങ്കളാഴ്ച കൂടി അവധി എത്തുന്നതോടെ രാജ്യത്തെ മുഴുവൻ ജീവനക്കാർക്കും തുടർച്ചയായ മൂന്ന് ദിവസത്തെ ലോങ് വീക്കെൻഡ് ആസ്വദിക്കാനുള്ള അവസരമാണ് ലഭിച്ചിരിക്കുന്നത്. മൂന്ന് ദിവസത്തെ ഇടവേളയ്ക്ക് ശേഷം ജൂൺ 16 ചൊവ്വാഴ്ചയായിരിക്കും ജീവനക്കാർ ജോലിയിൽ തിരിച്ചെത്തുക.
എന്താണ് ഹിജ്റ പുതുവർഷം?
ഇസ്ലാമിക് ചാന്ദ്ര കലണ്ടറിലെ പുതുവർഷാരംഭത്തെയാണ് ഹിജ്റ പുതുവർഷം അഥവാ ഇസ്ലാമിക് ന്യൂ ഇയർ എന്ന് വിളിക്കുന്നത്. പ്രവാചകൻ മുഹമ്മദ് നബിയും അനുയായികളും മക്കയിൽ നിന്നും മദീനയിലേക്ക് പലായനം ചെയ്ത ചരിത്രപ്രധാനമായ സംഭവത്തെ (ഹിജ്റ) അനുസ്മരിച്ചാണ് ഈ കലണ്ടർ ആരംഭിക്കുന്നത്.
Also read – Ebola Fake news: എബോള: വ്യാജ പ്രചാരണങ്ങളിൽ വീഴരുത്; വസ്തുതകൾ വ്യക്തമാക്കി യുഎഇ ആരോഗ്യ മന്ത്രാലയം
യു.എ.ഇ ഉൾപ്പെടെയുള്ള ഭൂരിഭാഗം മുസ്ലിം രാജ്യങ്ങളിലും ഇത് ഔദ്യോഗിക പൊതുഅവധിയായി ആചരിക്കുന്നു. സാധാരണയായി വലിയ രീതിയിലുള്ള പൊതു ആഘോഷങ്ങൾക്ക് പകരം, പ്രാർത്ഥനകൾക്കും ആത്മീയ ചിന്തകൾക്കുമാണ് വിശ്വാസികൾ ഈ ദിനത്തിൽ പ്രാധാന്യം നൽകുന്നത്. വലിയ ആഘോഷങ്ങൾ ഇല്ലെങ്കിലും ഇസ്ലാമിക ചരിത്രത്തിൽ അതീവ പ്രാധാന്യമുള്ള ഒരു ദിനമാണിത്.
കുവൈത്ത് വിമാനത്താവളം അടച്ചു; മലയാളി യാത്രക്കാരടക്കം ആയിരങ്ങൾ പാതിവഴിയിൽ
ഇതിനിടെ ഇറാൻ നടത്തിയ അപ്രതീക്ഷിത മിസൈൽ, ഡ്രോൺ ആക്രമണത്തെത്തുടർന്ന് കുവൈത്ത് രാജ്യാന്തര വിമാനത്താവളത്തിന്റെ പ്രവർത്തനം പൂർണ്ണമായി നിർത്തിവെച്ചു. ആക്രമണത്തിൽ വിമാനത്താവളത്തിന് കനത്ത നാശനഷ്ടം സംഭവിച്ചതായും നിരവധി പേർക്ക് പരുക്കേറ്റതായും കുവൈത്ത് സിവിൽ ഏവിയേഷൻ അതോറിറ്റി വ്യക്തമാക്കി. ഇതേത്തുടർന്ന് വിമാനത്താവളത്തിൽ അടിയന്തരാവസ്ഥ പ്രഖ്യാപിച്ചിരിക്കുകയാണ്. വ്യോമഗതാഗതം തടസ്സപ്പെട്ടതോടെ, നാട്ടിലേക്ക് അടിയന്തര ആവശ്യങ്ങൾക്കും അവധിക്കും പുറപ്പെട്ട ഒട്ടേറെ മലയാളികൾ ഉൾപ്പെടെയുള്ള ഇന്ത്യൻ യാത്രക്കാരും മറ്റ് വിദേശികളും പാതിവഴിയിൽ കുടുങ്ങി കടുത്ത ദുരിതത്തിലായി.
ആക്രമണത്തിൽ വിമാനത്താവളത്തിലെ ടെർമിനൽ ഒന്നിന്റെ (T1) കെട്ടിടത്തിന് ഗുരുതരമായ കേടുപാടുകൾ സംഭവിച്ചു. കൂടാതെ കൺട്രോൾ ടവർ, റഡാർ സംവിധാനങ്ങൾ എന്നിവ തകരാറിലായതാണ് വ്യോമഗതാഗതം പൂർണ്ണമായി നിലയ്ക്കാൻ കാരണം. കോഴിക്കോട്ട് നിന്നും മറ്റ് ഇന്ത്യൻ നഗരങ്ങളിൽ നിന്നും കുവൈത്തിലേക്ക് പുറപ്പെട്ട ഐഎക്സ് 393 എയർ ഇന്ത്യ എക്സ്പ്രസ് അടക്കമുള്ള ഒട്ടേറെ വിമാനങ്ങൾ പകുതി വഴിയിൽ വെച്ച് തിരിച്ചുവിട്ടു.
English Summary
The UAE has announced an official public holiday for both the public and private sectors on Monday, June 15, to mark the Islamic New Year (Hijri 1448). This extension, following the regular Saturday and Sunday weekend, grants employees across the country a three-day long weekend before returning to work on Tuesday, June 16.
