Ramdan UAE Holidays 2026 : യുഎഇയിൽ പെരുന്നാൾ അവധി പ്രഖ്യാപിച്ചു; സ്വകാര്യ മേഖലയ്ക്ക് മൂന്ന് ദിവസം, സർക്കാർ മേഖലയ്ക്ക് നാല്

Ramadan 2026

അബുദാബി: യുഎഇയിൽ ഈ വർഷത്തെ ഈദുൽ ഫിത്ർ അവധി ദിനങ്ങൾ പ്രഖ്യാപിച്ചതോടെ രാജ്യം ആഘോഷങ്ങളിലേക്ക് കടക്കുന്നു. മാനവ വിഭവശേഷി സ്വദേശിവൽക്കരണ മന്ത്രാലയം പുറത്തുവിട്ട വിവരങ്ങൾ പ്രകാരം സർക്കാർ, സ്വകാര്യ മേഖലകളിലെ അവധി ദിനങ്ങൾ വ്യത്യസ്തമാണ്.

അവധി പട്ടിക ഒറ്റനോട്ടത്തിൽ

മാർച്ച് 19 മുതൽ മാർച്ച് 21 വരെ മൂന്ന് ദിവസം. റമസാൻ 30 ദിവസം പൂർത്തിയാകുകയാണെങ്കിൽ അവധി മാർച്ച് 22 വരെ നീളുന്നതാണ്. സർക്കാർ മേഖലയിൽ മാർച്ച് 19 മുതൽ മാർച്ച് 22 വരെ നാല് ദിവസത്തെ തുടർച്ചയായ അവധിയുണ്ട്. മാർച്ച് 23 തിങ്കളാഴ്ച ഓഫീസുകൾ പുനരാരംഭിക്കും.

യാത്രകളും ഒരുക്കങ്ങളും

ദീർഘമായ അവധി ലഭിച്ചതോടെ പ്രവാസികൾ ഉൾപ്പെടെയുള്ളവർ നാട്ടിലേക്ക് പോകാനും വിനോദയാത്രകൾക്കുമായി തയ്യാറെടുപ്പുകൾ ആരംഭിച്ചു. വിമാന ടിക്കറ്റുകൾക്കും ഹോട്ടലുകൾക്കും ഈ സമയത്ത് വലിയ തിരക്ക് അനുഭവപ്പെട്ടേക്കാം. യുഎഇ വിപണികളിൽ ഇപ്പോൾ ഈന്തപ്പഴങ്ങളുടെ വൈവിധ്യമാർന്ന ശേഖരമാണ് എത്തിയിരിക്കുന്നത്. ഇതിൽ ‘മജ്ദൂൾ’ ഇനത്തിനാണ് ഇപ്പോൾ ഏറ്റവും കൂടുതൽ ആവശ്യക്കാരുള്ളത്.

ഖലാസ്, സുക്കരി തുടങ്ങിയ ഇനങ്ങളെ പിന്തള്ളിയാണ് മജ്ദൂൾ തരംഗമാകുന്നത്. കൂടാതെ, റമസാൻ മാസത്തിൽ ദുബായ് ആർടിഎയുടെ നേതൃത്വത്തിൽ സ്‌നേഹത്തിന്റെയും കരുതലിന്റെയും വിരുന്നുകൾ ഒരുക്കി വരുന്നു.