Kerala Gold Rate: സ്വർണവിലയിൽ വൻ വർദ്ധനവ്, കൂടിയത് 2,920 രൂപ; ഇനിയും കാത്തിരിക്കണോ?

പ്രതീകാത്മക ചിത്രം

സംസ്ഥാനത്ത് സ്വർണവിലയിൽ വൻ വർദ്ധനവ്. ആഴ്ചകൾ നീണ്ട ഇടിവിന് ശേഷം വിലയിൽ വൻ വർദ്ധനവാണ് രേഖപ്പെടുത്തിയത്. കഴിഞ്ഞ ദിവസം പവന് 1,09,880 രൂപയായിരുന്നു വില. എന്നാൽ ഇന്ന് 2,920 രൂപയാണ് ഒറ്റയടിക്ക് കൂടിയത്. ഇതോടെ ഒരു പവൻ സ്വർണവില 1,12,800 രൂപയായി ഉയർന്നു. വിപണി ഇത്രയാണെങ്കിലും മൂന്ന് ശതമാനം ജിഎസ്ടിയും പണിക്കൂലിയും ഹാൾമാർക്കിം​ഗ് ചാർജും ചേരുമ്പോൾ വില വീണ്ടും ഉയരും. ​ഗ്രാമിന് 13,735 രൂപയാണ് നൽകേണ്ടത്. സ്വർണത്തോടൊപ്പം വെള്ളി വിലയും മാറുന്നുണ്ട്. നിലവിൽ ​ഗ്രാമിന് 254.90 രൂപയും കിലോയ്ക്ക് 2,54,900 രൂപയുമാണ് വില.

പശ്ചിമേഷ്യൻ യുദ്ധഭീതിയിലാണ് നിലവിൽ സ്വർണത്തിന്റെ സഞ്ചാരം. മാർച്ചിൽ സ്വർണവിലയിൽ വൻ ഇടിവ് രേഖപ്പെടുത്തിയെങ്കിലും നിലവിൽ നേരിയ മുന്നേറ്റത്തിലാണ്. അടിക്കടി ഉണ്ടാകുന്ന ട്രംപിന്റെ പ്രഖ്യാപനങ്ങളും സ്വർണവിലയെ സ്വാധീനിക്കുന്നുണ്ട. ഏപ്രിൽ രണ്ടിന് 1,09,240 രൂപയായിരുന്നു വില. തൊട്ടടുത്ത ദിവസങ്ങളിൽ വില കൂടി. എന്നാൽ ഇന്നലെ വിലയിൽ ഇടിവ് രേഖപ്പെടുത്തിയിരുന്നു.

കഴിഞ്ഞ മാസം 26,000 രൂപയിലേറെ രൂപയാണ് ഇടിഞ്ഞത്. ഇതിനിടെ ഒരു ലക്ഷത്തിന് താഴേക്കും വിലയെത്തി. ഡിസംബര്‍ 23നാണ് പവന്‍ വില ആദ്യമായി ഒരു ലക്ഷം കടന്നത്. ജനുവരി 31നാണ് ചരിത്രത്തിലെ ഏറ്റവും ഉയർന്ന നിരക്കിൽ സ്വർണവില രേഖപ്പെടുത്തിയത്. 1,31,160 രൂപ നിരക്കിലായിരുന്നു വ്യാപാരം.