Kerala Gold Rate Forecast: സ്വർണവില ഇവിടെയൊന്നും നിൽക്കില്ല; കാത്തിരിക്കുന്നത് വൻ വർധന
Kerala Gold Forecast: ഗ്രാമിന് 20 രൂപ വര്ധിച്ച് 9170 രൂപയാണ് ഗ്രാമിന്റെ വില. ഇതോടെ ഈ മാസത്തെ ഏറ്റവും ഉയർന്ന നിരക്കിലാണ് സ്വർണ വില എത്തിനിൽക്കുന്നത്.
പ്രതീകാത്മക ചിത്രം
സംസ്ഥാനത്തെ സ്വർണ വിലയിൽ ഞെട്ടിക്കുന്ന വര്ധനവാണ് കഴിഞ്ഞ ദിവസം രേഖപ്പെടുത്തിയത്. ഇന്നലെ പവന് 160 രൂപ വര്ധിച്ച് 73,360 രൂപയിലെത്തിയിരുന്നു. ഗ്രാമിന് 20 രൂപ വര്ധിച്ച് 9170 രൂപയാണ് ഗ്രാമിന്റെ വില. ഇതോടെ ഈ മാസത്തെ ഏറ്റവും ഉയർന്ന നിരക്കിലാണ് സ്വർണ വില എത്തിനിൽക്കുന്നത്.
ഈ മാസം രണ്ട് ദിവസം കൊണ്ട് മൂന്ന് തവണയാണ് സ്വര്ണവില ഏറ്റവും ഉയർന്ന നിരക്കിൽ എത്തിയത്. ജൂലായ് 18-ാം തീയതി രാവിലെ പവന് 40 രൂപ വര്ധിച്ച് 72880 രൂപയിലാണ് വ്യാപാരം നടന്നത്. എന്നാല് ഉച്ചകഴിഞ്ഞതോടെ നിരക്ക് വീണ്ടും കുതിച്ചുയര്ന്നു. ഉച്ചകഴിഞ്ഞ് ഒരു പവൻ 73,000 പിന്നിട്ടു കുതിക്കുകയായിരുന്നു. 320 രൂപയാണ് വര്ധിച്ചത്.
Also Read:വെളിച്ചെണ്ണ മാത്രമല്ല അടുക്കള മൊത്തത്തില് അല്പം റിച്ചാണ്; വിലവര്ധനവിന് കാരണം?
രാജ്യാന്തര തലത്തിലുണ്ടായ മാറ്റങ്ങളാണ് കേരളത്തിലും സ്വർണ വില ഉയരാൻ കാരണം. യുഎസ് ഫെഡ് റിസര്വ് ഈ മാസം അടിസ്ഥാന പലിശ നിരക്ക് കുറച്ചേക്കുമെന്ന സൂചനകളും കുതിച്ചുചാട്ടത്തിന് കാരണമായി. യുഎസ് ഡോളര് ഇന്ഡക്സ് വിവിധ കറന്സികള്ക്കെതിരെ ഇടിഞ്ഞതും വെല്ലുവിളിയായി. വൻ വർധനവാണ് വരാൻ പോകുന്നതെന്നാണ് സാമ്പത്തിക വിദഗ്ധർ പറയുന്നത്.
72000-ത്തിലാണ് ഈ മാസം സ്വർണ വില ആരംഭിച്ചത്. തുടർന്ന് ജൂലായ് 12ന് 73000 കടക്കുകയായിരുന്നു. ജൂലായ് 15 വരെ 73000-ത്തിൽ പോയ സ്വർണ വില പിന്നീട് കുറഞ്ഞെങ്കിലും അധികം വൈകാതെ വീണ്ടും തിരിച്ചുകയറുന്ന കാഴ്ചയാണ് കണ്ടത്. ഒൻപതാം തീയതിയാണ് ഈ മാസത്തെ ഏറ്റവും താഴ്ന്ന നിരക്ക് രേഖപ്പെടുത്തിയത്. അന്ന് ഒരു പവൻ സ്വർണത്തിന് 72000 ആണ് രേഖപ്പെടുത്തിയിരുന്നത്. ഗ്രാമിന് 9000 രൂപയായിരുന്നു.
