Ration: അരി വിഹിതം കുറച്ചു, വെള്ള കാർഡുകാർക്ക് ആട്ട; ജനുവരിയിലെ റേഷൻ എന്ന് മുതൽ?
Kerala Ration Update: അഗതി-അനാഥ മന്ദിരങ്ങള് ഉള്പ്പെടെയുള്ള എന്.പി.ഐ കാര്ഡുകാര്ക്കും പരമാവധി ഒരു കിലോ ആട്ട അനുവദിച്ചിട്ടുണ്ട്. വെള്ള കാർഡുടമകൾക്ക് ആട്ട നൽകുമെങ്കിലും അതിന് പകരമായി അരി വിഹിതം കുറച്ചിട്ടുണ്ട്.
പൊതുവിതരണ കേന്ദ്രം
തിരുവനന്തപുരം: സംസ്ഥാനത്ത് ജനുവരി മാസത്തെ റേഷൻ വിതരണം ഡിസംബർ മൂന്ന് മുതൽ ആരംഭിക്കും. ഇനി മുതൽ വെള്ള റേഷൻ കാർഡ് ഉടമകൾക്ക് ആട്ട ലഭിക്കുമെന്ന് ഭക്ഷ്യവിതരണ വകുപ്പ് അധികൃതർ അറിയിച്ചിട്ടുണ്ട്. കൂടാതെ, അഗതി-അനാഥ മന്ദിരങ്ങള് ഉള്പ്പെടെയുള്ള എന്.പി.ഐ കാര്ഡുകാര്ക്കും പരമാവധി ഒരു കിലോ ആട്ട അനുവദിച്ചിട്ടുണ്ട്.
വെള്ള കാർഡുടമകൾക്ക് ആട്ട നൽകുമെങ്കിലും അതിന് പകരമായി അരി വിഹിതം കുറച്ചിട്ടുണ്ട്. നീല, വെള്ള കാര്ഡുടമകള്ക്ക് ലഭ്യത അനുസരിച്ച് കിലോയ്ക്ക് 17 രൂപ നിരക്കില് 2 കിലോ വരെ ആട്ടയാണ് ജനുവരി മാസം മുതൽ ലഭിക്കുന്നത്. എന്നാൽ ഡിസംബറിൽ 10 കിലോ അരി നല്കിയിരുന്ന സ്ഥാനത്ത് ഇനി 2 കിലോ മാത്രമേ ലഭിക്കുകയുള്ളൂ.
അന്ത്യോദയ അന്ന യോജന കാർഡ് ഉടമകൾക്ക് 30 കിലോ അരിയും രണ്ട് കിലോ ഗോതമ്പും സൗജന്യമായും, 3 പായാക്കറ്റ് ആട്ട ഏഴ് രൂപ നിരക്കിലും, 1 കിലോ പഞ്ചസാര 27 രൂപ നിരക്കിലും ലഭിക്കും. മുൻഗണനവിഭാഗം കാർഡിലെ ഓരോ അംഗത്തിനും നാല് കിലോ അരിയും, 1 കിലോ ഗോതമ്പും സൗജന്യമായി ലഭിക്കും. അനുവദിച്ചിട്ടുള്ള ആകെ ഗോതമ്പിന്റെ അളവിൽ നിന്നും നാല് കിലോ കുറച്ച് അതിന് പകരം നാല് പായ്ക്കറ്റ് ആട്ട 9 രൂപ നിരക്കിലും വാങ്ങാവുന്നതാണ്.
ALSO READ: മണ്ണെണ്ണ വാങ്ങുന്നില്ലേ, മഞ്ഞ കാർഡുകാർക്ക് ഇത്തവണ കൂടുതലുണ്ടോ?
പൊതുവിഭാഗം സബ്സിഡി കാർഡിലെ ഓരോ അംഗത്തിനും രണ്ട് കിലോ അരി വീതം കിലോയ്ക്ക് 4 രൂപ നിരക്കിൽ ലഭിക്കും. അതാത് താലൂക്കിലെ സ്റ്റോക്കിനനുസരിച്ച് കാർഡിന് ഒരു കിലോ അരി മുതൽ രണ്ട് കിലോ വരെ ആട്ട കിലോയ്ക്ക് 17 രൂപ നിരക്കിലും ലഭിക്കും. പൊതുവിഭാഗം കാർഡിന് രണ്ട് കിലോ അരി, കിലോയ്ക്ക് 10.90 രൂപ നിരക്കിൽ ലഭിക്കും. കൂടാതെ അതാത് താലൂക്കിലെ സ്റ്റോക്കിനനുസരിച്ച് കാർഡിന് ഒന്ന് മുതൽ രണ്ട് കിലോ വരെ ആട്ട 17 രൂപ നിരക്കിൽ ലഭിക്കും.
കൂടാതെ, പൊതുവിഭാഗം സ്ഥാപനങ്ങൾക്ക് കാർഡിന് 2 കിലോ അരി, കിലോയ്ക്ക് 10.90 രൂപ നിരക്കിൽ ലഭിക്കും. അതാത് താലൂക്കിലെ സ്റ്റോക്കിനനുസരിച്ച് കാർഡിന് പരമാവധി 1 കിലോ ആട്ട കിലോയ്ക്ക് 17 രൂപ നിരക്കിലും ലഭിക്കുന്നതാണ്.
