Indian Army Recruitment 2026: ബിടെക്ക് കഴിഞ്ഞ പെൺകുട്ടികൾക്ക് ഇന്ത്യൻ ആർമിയിൽ അവസരം; അപേക്ഷക്കേണ്ടത് എപ്പോൾ?

Indian Army Recruitment

ഇന്ത്യൻ ആർമി 67-ാം ഷോർട്ട് സർവീസ് കമ്മീഷൻ (ടെക്‌നിക്കൽ) കോഴ്‌സ് 2026ന് വേണ്ടിയുള്ള ഔദ്യോഗിക വിജ്ഞാപനം പുറത്ത്. അറിയിപ്പ് പ്രകാരം, പുരുഷന്മാർക്കും വനിതകൾക്കും അപേക്ഷിക്കാം. എഞ്ചിനീയറിങ് ബിരുദധാരികൾക്കാണ് ഈ സുവർണാവസരം വന്നിരിക്കുന്നത്. ഇന്ത്യൻ ആർമിയിൽ കമ്മീഷൻഡ് ഓഫീസറായി പ്രവേശിക്കാൻ ലഭിക്കുന്ന മികച്ച അവസരങ്ങളിലൊന്നാണ് എസ്എസ്സി ടെക്‌നിക്കൽ എൻട്രി. യോ​ഗ്യരായ താല്പര്യമുള്ള ഉദ്യോ​ഗാർത്ഥികൾ ഇന്ത്യൻ ആർമിയുടെ ഔദ്യോ​ഗിക വെബാസൈറ്റായ joinindianarmy.nic.in വഴി അപേക്ഷ സമർപ്പിക്കാം.

അപേക്ഷകൾ ജനുവരി ആറ് (ഇന്ന്) മുതൽ സമർപ്പിച്ച് തുടങ്ങാവുന്നതാണ്. അവസാന തീയതി 2026 ഫെബ്രുവരി നാല് വരെയാണ്. 20 മുതൽ 27 വയസ് വരെ പ്രായമുള്ളവർക്കാണ് അപേക്ഷ നൽകാനുള്ള യോ​ഗ്യത. മറ്റ് സംഭരണ വിഭാ​ഗങ്ങൾക്ക് നിയമങ്ങൾ അനുസരിച്ച് പ്രായപരിധിയിൽ ഇളവുകൾ ലഭിക്കുന്നതാണ്. അവിവാഹിതരായവർക്ക് ആണ് അവസരം. അപേക്ഷാ ഫീസ് എത്രയാണെന്ന് വ്യക്തമാക്കിയിട്ടില്ല. ആകെ 30 ഒഴിവുകളാണ് ഉള്ളത്.

ALSO READ: ഇനി സമയം ഇല്ല, അപേക്ഷ സമർപ്പിച്ച് പഠിക്കാൻ തുടങ്ങിക്കോ! കീം പരീക്ഷ തീയതി പ്രഖ്യാപിച്ചു

ഉദ്യോഗാർഥികൾ സമർപ്പിക്കുന്ന അപേക്ഷകൾ പരീക്ഷയുടെ കട്ട്-ഓഫ് ശതമാനത്തിന്റെ അടിസ്ഥാനത്തിൽ ഷോർട്ട്‌ലിസ്റ്റ് ലിസ്റ്റ് ചെയ്യും. അതിനു ശേഷം സർവീസ് സെലക്ഷൻ ബോർഡ് അഭിമുഖം നടത്തുന്നതാണ്. മെഡിക്കൽ പരിശോധനയ്ക്ക് ശേഷം അന്തിമ മെറിറ്റ് ലിസ്റ്റ് തയ്യാറാക്കുന്നതാണ്. കൂടുതൽ വിവരങ്ങൾക്ക് https://joinindianarmy.nic.in സന്ദർശിച്ച് മനസിലാക്കാം.