Indian Bank SO Recruitment 2026: ബാങ്ക് ജോലി ആഗ്രഹിക്കുന്നവരാണോ? ഇന്ത്യൻ ബാങ്കിൽ 350 ഒഴിവുകൾ; അപേക്ഷിക്കേണ്ട രീതി ഇങ്ങനെ

പ്രതീകാത്മക ചിത്രം

ബാങ്കിംഗ് മേഖലയിൽ ജോലി ആഗ്രഹിക്കുന്നവർക്ക് ഇതാ സുവർണ്ണാവസരം. ഇന്ത്യൻ ബാങ്ക് ഇന്ത്യയിലുടനീളമുള്ള വിവിധ ശാഖകളിലായി സ്പെഷ്യലിസ്റ്റ് ഓഫീസർ (എസ്ഒ) തസ്തികകളിലേക്ക് അപേക്ഷ ക്ഷണിച്ചിരിക്കുന്നു. ആകെ 350 ഒഴിവുകളാണുള്ളത്. സ്കെയിൽ I, II, III വിഭാഗങ്ങളിലായാണ് നിയമനം നടക്കുന്നത്.

താല്പര്യമുള്ള യോ​ഗ്യരായ ഉദ്യോ​ഗാർത്ഥികൾക്ക് ഏപ്രിൽ 28 വരെ ഔദ്യോ​ഗിക വെബ്സൈറ്റിലൂടെ അപേക്ഷ സമർപ്പിക്കാവുന്നതാണ്. ബിടെക്/ബിഇ, സിഎ, എംബിഎ/പിജിഡിഎം, എംസിഎ തുടങ്ങിയ യോഗ്യതകളും ആവശ്യമായ പരിചയവുമുള്ള ഉദ്യോ​ഗാർത്ഥികൾക്ക് ഈ തസ്തികയിലേക്ക് അപേക്ഷിക്കാവുന്നതാണ്. താൽപ്പര്യമുള്ള അപേക്ഷകർ ഔദ്യോഗിക വെബ്‌സൈറ്റായ indianbank.bank.in വഴി വേണം അപേക്ഷിക്കാൻ.

ALSO READ: കീം അഡ്മിറ്റ് കാര്‍ഡിന്റെ പ്രിന്റൗട്ട് എടുക്കേണ്ടത് കളറിലോ, ബ്ലാക്ക് ആന്‍ഡ് വൈറ്റിലോ? അപേക്ഷകര്‍ അറിയേണ്ടത്

അപേക്ഷിക്കേണ്ട രീതി ഇങ്ങനെ

ഉദ്യോ​ഗാർത്ഥികൾക്ക് ഓൺലൈനിലൂടെ മാത്രമേ അപേക്ഷിക്കാൻ സാധിക്കൂ.

ആദ്യം നിങ്ങൾ ഇന്ത്യൻ ബാങ്കിൻ്റെ ഔദ്യോഗിക വെബ്സൈറ്റായ indianbank.in സന്ദർശിക്കുക.

ശേഷം അതിലെ “Recruitment of Specialist Officers – 2026” എന്ന ലിങ്കിൽ ക്ലിക്ക് ചെയ്യുക.

അല്ലെങ്കിൽ നേരിട്ട് IBPS പോർട്ടൽ വഴി (ibpsreg.ibps.in/ibsofeb26/) അപേക്ഷ സമർപ്പിക്കാം.