PSC LD Clerk Rank List 2025: എല്ഡി ക്ലര്ക്ക് റാങ്ക് ലിസ്റ്റ് ഈയാഴ്ചയോ; നിര്ണായക വിവരം
Kerala PSC LD Clerk Rank List 2025 Date Revealed: നിലവിലെ റാങ്ക് ലിസ്റ്റിന്റെ കാലാവധി ജൂലൈ 31ന് അവസാനിക്കും. അന്ന് രാത്രി 12 വരെ റിപ്പോര്ട്ട് ചെയ്യുന്ന വേക്കന്സികള് നിലവിലെ ലിസ്റ്റില് നിന്ന് നികത്തും. അതുകഴിഞ്ഞ് വരുന്ന ഒഴിവുകള് നികത്തുന്നത് പുതിയ റാങ്ക് ലിസ്റ്റില് നിന്നാകും
പിഎസ്സി
എല്ഡി ക്ലര്ക്ക് 2025 റാങ്ക് ലിസ്റ്റ് ഈയാഴ്ച പുറത്തുവിടുമെന്ന് റിപ്പോര്ട്ട്. ഓഗസ്ത് ഒന്നിനാണ് പുതിയ റാങ്ക് ലിസ്റ്റ് നിലവില് വരുന്നത്. നിലവിലെ റാങ്ക് ലിസ്റ്റിന്റെ കാലാവധി ജൂലൈ 31ന് അവസാനിക്കും. അന്ന് രാത്രി 12 വരെ റിപ്പോര്ട്ട് ചെയ്യുന്ന വേക്കന്സികള് നിലവിലെ ലിസ്റ്റില് നിന്ന് നികത്തും. അതുകഴിഞ്ഞ് വരുന്ന ഒഴിവുകള് നികത്തുന്നത് പുതിയ റാങ്ക് ലിസ്റ്റില് നിന്നാകും. നിലവിലെ ലിസ്റ്റില് നിന്ന് ഇതുവരെ ആകെ 11,197 നിയമന ശുപാര്ശകളാണ് നല്കിയത്.
തിരുവനന്തപുരം ജില്ലയിലാണ് ഏറ്റവും കൂടുതല് നിയമനശുപാര്ശ. 1189 നിയമനശുപാര്ശകളാണ് തിരുവനന്തപുരം ജില്ലയില് മാത്രമുണ്ടായത്. വയനാട്ടിലാണ് ഏറ്റവും കുറവ്. വെറും 362 നിയമനശുപാര്ശകളാണ് വയനാട്ടില് നടന്നത്. എറണാകുളം (1151), തൃശൂര് (1006) ജില്ലകളിലും ആയിരത്തിലേറെ നിയമനശുപാര്ശകള് നടന്നു.
ഇതുവരെ 50 ശതമാനത്തില് താഴെ നിയമനശുപാര്ശയാണ് നടന്നത്. മുന് ലിസ്റ്റില് നിന്ന് 12,000-ലേറെ പേര്ക്ക് നിയമന ശുപാര്ശ ലഭിച്ചിരുന്നു. ഫെബ്രുവരിയിലാണ് പിഎസ്സി സാധ്യതാ ലിസ്റ്റ് പുറത്തുവിട്ടത്. സര്ട്ടിഫിക്കറ്റ് വെരിഫിക്കേഷന് അടക്കമുള്ള നടപടിക്രമങ്ങള് ഏതാണ്ട് പൂര്ത്തിയായി. നിലവിലെ ലിസ്റ്റിന്റെ കാലാവധി അവസാനിക്കാറായ പശ്ചാത്തലത്തില് ഒഴിവുകളെല്ലാം കൃത്യമായി റിപ്പോര്ട്ട് ചെയ്യണമെന്ന് വകുപ്പുകള്ക്ക് സര്ക്കാര് നിര്ദ്ദേശം നല്കിയിരുന്നു.
