Bineesh Bastin: ടീമേ… നടൻ ബിനീഷ് ബാസ്റ്റിന്റെ കല്ല്യാണം കഴിഞ്ഞൂട്ടാ…
Actor Bineesh Bastin Marriage: അടുത്ത ബന്ധുക്കളും സുഹൃത്തുക്കളും പങ്കെടുത്ത കല്യാണം കൊച്ചിയിലെ പള്ളിയിൽ വച്ചാണ് നടന്നത്. ഒരുപാട് സന്തോഷം തനിക്ക് രണ്ട് കൈയിലും പിടിക്കാൻ ഇപ്പോൾ ആളായി....
Bineesh Bastin
നടൻ ബിനീഷ് ബാസ്റ്റിൻ വിവാഹിതനായി. അടൂർ സ്വദേശിനിയായ താരയാണ് വധു. അടുത്ത ബന്ധുക്കളും സുഹൃത്തുക്കളും പങ്കെടുത്ത കല്യാണം കൊച്ചിയിലെ പള്ളിയിൽ വച്ചാണ് നടന്നത്. ഒരുപാട് സന്തോഷം തനിക്ക് രണ്ട് കൈയിലും പിടിക്കാൻ ഇപ്പോൾ ആളായി എന്നാണ് ബിനീഷ് ബാസ്റ്റിൻ പറഞ്ഞത്.
തന്റെ ഒരു കൈയിൽ അമ്മച്ചിയും ഉണ്ട് ഇപ്പോൾ ഇടത്തും വലത്തും ആളായി എന്നാണ് വിവാഹം കഴിഞ്ഞ ശേഷം ബിനീഷ് ബാസ്റ്റിൻ പ്രതികരിച്ചത്. പോക്കിരിരാജ, അണ്ണൻ തമ്പി, സൗണ്ട് തോമ, താപ്പാന, ഡാം, 999, പാസഞ്ചർ, കൊരട്ടിപ്പട്ടണം റെയിൽവേഗേറ്റ്, ദൈവത്തിന്റെ സ്വന്തം ക്ലീറ്റസ്, ഡബിൾ ബാരൽ, തെറി, കാട്ടുമാക്കാൻ തുടങ്ങി നിരവധി സിനിമകളിലൂടെ ശ്രദ്ധേയനായ കലാകാരനാണ് ബിനീഷ് ബാസ്റ്റിൻ.
സിനിമയിലേ പോലെ തന്നെ സോഷ്യൽ മീഡിയയിലും സജീവമായ താരം തന്നെയും അമ്മയുടെയും സന്തോഷങ്ങളെല്ലാം ആരാധകരുമായി പങ്കു വയ്ക്കാറുണ്ട്. ബിനീഷിനെ പോലെ തന്നെ ആരാധകർക്ക് ഏറെ പ്രിയങ്കരിയാണ് അദ്ദേഹത്തിന്റെ അമ്മ. അമ്മയുമായുള്ള കുക്കിംഗ് വീഡിയോയും മറ്റും ബിനീഷ് പങ്കുവെക്കുമ്പോൾ വലിയ പ്രേക്ഷക സ്വീകാര്യതയാണ് ലഭിക്കാറുള്ളത്.
