Jaya surya: ജയസൂര്യയുടെ 30 ലക്ഷത്തിന്റെ സ്വത്ത് മരവിപ്പിച്ച് ഇഡി! സേവ് ബോക്സ് ആപ്പ് തട്ടിപ്പിൽ നടപടി

Jaya Surya

സേവ് ബോക്സ് ആപ്പ് തട്ടിപ്പ് കേസിൽ നടൻ ജയസൂര്യയുടെ സ്വത്ത് മരവിപ്പിച്ച് ഇ ഡി. നടന്റെ 39 ലക്ഷത്തിന്റെ സ്വത്തുക്കളാണ് എൻഫോഴ്സ്മെന്റ് ഡയറക്ടറേറ്റ് മരവിപ്പിച്ചത്. സേവ് ബോക്സ് ആപ്പ് തട്ടിപ്പ് കേസിലെ സ്ഥാപനത്തിന്റെ ബ്രാൻഡ് അംബാസിഡർ ആയിരുന്നു ജയസൂര്യ. ഓൺലൈൻ പ്ലാറ്റ്ഫോമുകൾ വഴി സാധാരണ ജനങ്ങളുടെ പണം തട്ടിക്കുന്ന സ്ഥാപനങ്ങൾക്കെതിരെ നിയമ നടപടികൾ സ്വീകരിക്കണമെന്നും നിയമനടപടികൾ ശക്തമാക്കണമെന്നും കേന്ദ്രസർക്കാർ അന്വേഷണം ഏജൻസികൾക്ക് നിർദ്ദേശം നൽകിയിരുന്നു.

കൂടാതെ ജനങ്ങളെ കബളിപ്പിക്കുന്ന തരത്തിലുള്ള പരസ്യങ്ങളിൽ പണം വാങ്ങി അഭിനയിക്കുന്നവരെയും തട്ടിപ്പിലെ കൂട്ടാളികളായി കണക്കാക്കി നടപടി സ്വീകരിക്കാൻ ആയിരുന്നു നിർദേശം നൽകിയിരുന്നത്. ഈ നിർദ്ദേശങ്ങളുടെ അടിസ്ഥാനത്തിലാണ് സേവ് ബോക്സ് ലേല ആപ്പിനെ സാധാരണക്കാർക്കിടയിൽ പ്രമോട്ട് ചെയ്യുന്ന തരത്തിൽ പരസ്യങ്ങളിൽ അഭിനയിച്ചു എന്ന് ആരോപണത്തെ തുടർന്ന് നടൻ ജയസൂര്യയെ എൻഫോഴ്സ്മെന്റ് ഡയറക്ടറേറ്റ് ചോദ്യം ചെയ്തിരുന്നത്. കൂടാതെ സേവ് ബോക്സ് ആപ്പുമായി നടത്തിയ മുഴുവൻ സാമ്പത്തിക ഇടപാടുകളുടെയും രേഖകൾ ഹാജരാക്കുവാനും ജയസൂര്യയ്ക്ക് അന്വേഷണസംഘം സമയം അനുവദിച്ചിരുന്നു.