Rena Fathima: ട്രെയിൻ ബെർത്തിന് മുകളിൽ കയറിയിരുന്ന് സ്വയം ഭോഗം ചെയ്യുന്ന യുവാവ്; ഞെട്ടിക്കുന്ന അനുഭവം പങ്കുവച്ച് റെന ഫാത്തിമ
Rena Fathima Viral Video: ട്രെയിനിൽ സ്വയംഭോഗം ചെയ്യുന്ന യുവാവിൻ്റെ വിഡിയോ പങ്കുവച്ച് റെന ഫാത്തിമ. ഇയാൾക്കെതിരെ നടപടിയെടുക്കണമെന്ന് റെന ആവശ്യപ്പെട്ടു.
ട്രെയിൻ ബെർത്തിന് മുകളിൽ കയറിയിരുന്ന് സ്വയം ഭോഗം ചെയ്യുന്ന യുവാവിൻ്റെ വിഡിയോ പങ്കുവച്ച് ഇൻഫ്ലുവൻസറും ബിഗ് ബോസ് മത്സരാർത്ഥിയുമായ റെന ഫാത്തിമ. കാസർഗോഡ് സ്വദേശിനിയായ ഒരു പെൺകുട്ടിയ്ക്കുണ്ടായ അനുഭവത്തിൻ്റെ വിഡിയോ ആണ് റെന തൻ്റെ ഇൻസ്റ്റഗ്രാം ഹാൻഡിലിലൂടെ പങ്കുവച്ചത്. ഈ കുട്ടി തനിക്ക് അയച്ചുതന്ന വിഡിയോ ആണ് ഇതെന്ന് റെന പറഞ്ഞു.
മാംഗ്ലൂരിലേക്ക് ട്രെയിനില് യാത്ര ചെയ്യുമ്പോഴാണ് സംഭവമുണ്ടായതെന്ന് റെന ഫാത്തിമ പറയുന്നു. പെൺകുട്ടി ഇരുന്ന സീറ്റിന് മുകളിലെ ബർത്തിൽ കിടന്നുകൊണ്ട് ഒരു യുവാവ് സ്വയംഭോഗം ചെയ്യുകയായിരുന്നു. ഇതിൻ്റെ വിഡിയോ ചിത്രീകരിച്ച യുവതി റെന ഫാത്തിമയ്ക്ക് അയച്ചുനൽകുകയായിരുന്നു. പെൺകുട്ടി തനിക്ക് അയച്ച മെസേജുകളും റെന പങ്കുവച്ചു.
കാസർഗോഡ് കാലിക്കടവ് സ്വദേശിയായ പെൺകുട്ടിക്കാണ് ദുരനുഭവമുണ്ടായത്. ചെറുവത്തൂരിൽ നിന്നാണ് യുവതി ട്രെയിനിൽ കയറിയത്. കുമ്പള വരെ ട്രെയിനിൽ തിരക്കുണ്ടായിരുന്നു. കുമ്പളയിൽ ആളുകൾ ഇറങ്ങിയതോടെ പെൺകുട്ടി ട്രെയിനിൽ ഒറ്റയ്ക്കായി. പനിയായത് കാരണം താൻ അവിടെത്തന്നെ ഇറങ്ങി. അപ്പോൾ ഒരാൾ വന്ന് എതിർവശത്ത് മുകളിൽ കയറിക്കിടന്നു. താഴെ വരാത്തതിനാൽ സുരക്ഷിതയായിരിക്കുമെന്ന് കരുതി. ഇയാൾ ഉറങ്ങുന്നത് പോലെ തോന്നിയെങ്കിലും സംശയം തോന്നി നോക്കിയപ്പോഴാണ് സ്വയംഭോഗം ചെയ്യുന്നത് കണ്ടത്.
Also Read: Catherine O’Hara: പ്രശസ്ത ഹോളിവുഡ് താരം കാതറിൻ ഒഹാര അന്തരിച്ചു
ഉടൻ തന്നെ താൻ അവിടെനിന്നും എഴുന്നേറ്റ് തിരക്കുള്ള ഇടത്തേക്ക് മാറിയിരുന്നു. അവിടെ കുറേ വിദ്യാർത്ഥികളുമുണ്ടായിരുന്നു. അവരോട് പറഞ്ഞ് പ്രതികരിക്കാമെന്ന് കരുതിയപ്പോൾ ആളെ കാണാതായി. സ്വയംഭോഗം ചെയ്യാൻ വന്നതുപോലെയാണ് തനിക്ക് തോന്നിയതെന്നും റെനയ്ക്ക് അയച്ച മെസേജിൽ യുവതി പറയുന്നു.
എല്ലാവരും വിഡിയോ എടുക്കുന്നത് വൈറലാവാനല്ല എന്ന് റെന പറയുന്നു. ഇതുപോലുള്ള സംഭവങ്ങൾ ഇപ്പോഴും നടക്കുന്നുണ്ട്. കാർഡ്ബോർഡും മുൾച്ചെടിയും കമ്പിവേലിയുമൊക്കെ ചുറ്റിനടന്നവരുണ്ടല്ലോ. സ്ത്രീകള്ക്കും പുരുഷന്മാര്ക്കും വേറെ വേറെ കംപാര്ട്ട്മെന്റുകള് വേണമെന്ന് പറഞ്ഞവരുമുണ്ട്. പക്ഷേ, ഇതൊന്നും തമാശയല്ല. എല്ലാ പുരുഷന്മാരെയും അടച്ചാക്ഷേപിക്കുകയല്ല. സമൂഹത്തിൽ നല്ലവരായ പുരുഷന്മാരുണ്ട്. അങ്ങനെയുള്ളവർക്കിടയിൽ ചില ക്ഷുദ്രജീവികളുണ്ട്. ഇത്തരത്തിൽ പൊതു ഇടത്തിൽ പെരുമാറുന്നവരുടെ ലിംഗം ഛേദിക്കാനായി നിയമം കൊണ്ടുവരണം. യുവാവിൻ്റെ മുഖം മറയ്ക്കുന്നില്ലെന്നും അറിയുന്നവർ ഇയാളെ നിയമത്തിന് മുന്നിൽ കൊണ്ടുവരണമെന്നും റെന ഫാത്തിമ പറയുന്നു.
വിഡിയോ കാണാം
View this post on Instagram
