Highest Paid Actor: ഒരു ദിവസം വാങ്ങുന്നത് 16 കോടി, ഏറ്റവും അധികം പ്രതിഫലം വാങ്ങുന്ന ഈ സൗത്തിന്ത്യൻ നടനെ നിങ്ങൾക്കറിയാം
The highest-paid actor in India, Kamal Haasan: ചിത്രത്തിന്റെ ആദ്യ ഭാഗത്തിൽ 'സുപ്രീം യാസ്കിൻ' എന്ന വില്ലൻ വേഷത്തിൽ കുറഞ്ഞ സമയം മാത്രമേ കമൽ ഹാസൻ സ്ക്രീനിൽ പ്രത്യക്ഷപ്പെട്ടിരുന്നുള്ളൂ.
ഹൈദരാബാദ്: നാഗ് അശ്വിൻ സംവിധാനം ചെയ്ത സൂപ്പർഹിറ്റ് ചിത്രം ‘കൽക്കി 2898 എഡി’-യുടെ രണ്ടാം ഭാഗത്തിൽ അഭിനയിക്കാൻ കമൽ ഹാസൻ വാങ്ങുന്നത് ഇന്ത്യയിൽ ഒരു നടൻ വാങ്ങുന്നതിൽ വെച്ച് ഏറ്റവും ഉയർന്ന പ്രതിഫലമെന്ന് റിപ്പോർട്ട്. പ്രശസ്ത നടനും സംവിധായകനുമായ യുഗി സേതുവാണ് കൽക്കിയുടെ നിർമ്മാതാവ് അശ്വിനി ദത്തുമായി നടത്തിയ കൂടിക്കാഴ്ചയ്ക്ക് ശേഷം ഈ വിവരങ്ങൾ പുറത്തുവിട്ടത്.
ഇന്ത്യഗ്ലിറ്റ്സിന് നൽകിയ അഭിമുഖത്തിലാണ് യുഗി സേതു ഈ രഹസ്യം പങ്കുവെച്ചത്. കമൽ ഹാസന് 20 ദിവസത്തെ കോൾഷീറ്റിന് 150 കോടി രൂപ ലഭിക്കുന്നുണ്ടെന്ന് താൻ കരുതിയതായും എന്നാൽ നിർമ്മാതാവിനെ കണ്ടപ്പോൾ അത് തിരുത്തപ്പെട്ടതായും അദ്ദേഹം പറഞ്ഞു. “അല്ല സർ, അദ്ദേഹം 10 ദിവസം മാത്രമേ നൽകിയിട്ടുള്ളൂ,” എന്നാണ് അശ്വിനി ദത്ത് മറുപടി നൽകിയത്. അതായത്, പ്രതിദിനം 2 മില്യൺ ഡോളറിലധികം പ്രതിഫലം വാങ്ങുന്ന ഇന്ത്യയിലെ ഒരേയൊരു നടനായി കമൽ ഹാസൻ മാറിയിരിക്കുകയാണെന്ന് യുഗി സേതു വ്യക്തമാക്കി.
രണ്ടാം ഭാഗത്തിൽ സുപ്രീം യാസ്കിൻ
ചിത്രത്തിന്റെ ആദ്യ ഭാഗത്തിൽ ‘സുപ്രീം യാസ്കിൻ’ എന്ന വില്ലൻ വേഷത്തിൽ കുറഞ്ഞ സമയം മാത്രമേ കമൽ ഹാസൻ സ്ക്രീനിൽ പ്രത്യക്ഷപ്പെട്ടിരുന്നുള്ളൂ. എന്നാൽ കൽക്കി 2-വിൽ അദ്ദേഹത്തിന് വളരെ പ്രാധാന്യമുള്ളതും ദൈർഘ്യമേറിയതുമായ വേഷമാണുള്ളത്. ഏകദേശം 40 വർഷങ്ങൾക്ക് ശേഷം അമിതാഭ് ബച്ചനും കമൽ ഹാസനും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്. ഹൈദരാബാദിൽ ചിത്രീകരണം പുരോഗമിക്കുന്ന സിനിമയുടെ സെറ്റിൽ നിന്നുള്ള ചിത്രങ്ങൾ ബിഗ് ബി കഴിഞ്ഞ ദിവസം പങ്കുവെച്ചിരുന്നു.
ആദ്യ ഭാഗം ആഗോളതലത്തിൽ 1000 കോടിയിലധികം കളക്ഷൻ നേടി റെക്കോർഡിട്ടിരുന്നു. എന്നാൽ രണ്ടാം ഭാഗത്തിൽ ദീപിക പദുകോൺ ഉണ്ടാകില്ല എന്ന വാർത്ത ആരാധകർക്ക് നിരാശ നൽകുന്നതാണ്. ജോലി സമയത്തെക്കുറിച്ചുള്ള തർക്കങ്ങളും പ്രതിഫലം വർദ്ധിപ്പിക്കണമെന്ന ആവശ്യവും മൂലമാണ് താരം ചിത്രത്തിൽ നിന്ന് പിന്മാറിയതെന്നാണ് സൂചനകൾ.
