Bangladesh Porn Actress : വ്യാജ പാസ്പോർട്ടുമായി ഇന്ത്യയിൽ താമസം; ബംഗ്ലാദേശി പോൺ താരം അറസ്റ്റിൽ

റിയ ബർദെ (Image Courtesy - Social Media)

വ്യാജ പാസ്പോർട്ടുമായി ഇന്ത്യയിൽ താമസിച്ച ബംഗ്ലാദേശി പോൺ താരം അറസ്റ്റിൽ. മഹാരാഷ്ട്ര താനെ ജില്ലയിലെ ഉല്ലാസ് നഗറിൽ നിന്നാണ് ആരോഹി ബർദെ എന്നറിയപ്പെടുന്ന റിയ ബർദയെ ഹില്‍ ലൈന്‍ പൊലീസ് പിടികൂടിയത്. പോലീസിന് ലഭിച്ച രഹസ്യവിവരത്തിൻ്റെ അടിസ്ഥാനത്തിൽ നടത്തിയ പരിശോധനയിലാണ് താരം പിടിയിലായത്. മുംബൈയില്‍ നിന്ന് 50 കിലോമീറ്റര്‍ അകലെയുള്ള ഉല്ലാസ് നഗറിലാണ് ഇവർ താമസിച്ചിരുന്നത്.

Also Read : Aadhaar Pan Card Leak: ആധാർ, പാൻ കാർഡ് വിവരങ്ങൾ ചോർത്തൽ; നടപടിയുമായി കേന്ദ്ര സർക്കാർ

താനെയിലെ അംബർനാഥിൽ ഒരു ബംഗ്ലാദേശി കുടുംബം വ്യാജ രേഖകൾ ഉപയോഗിച്ച് താമസിക്കുന്നു എന്നായിരുന്നു പോലീസിന് ലഭിച്ച രഹസ്യ വിവരം. ഇതേ തുടർന്ന് പോലീസ് നടത്തിയ അന്വേഷണത്തിൽ നടിപിടിയിലാവുകയായിരുന്നു. റിയ ബർദെയുടെ അമ്മയ്ക്കും അച്ഛനും സഹോദരങ്ങൾക്കുമായി തിരച്ചിൽ പുരോഗമിക്കുകയാണ്. റിയയുടെ അമ്മ റൂബി ഷെയ്ഖ് എന്ന അഞ്ജലി ബർദെ, അച്ഛൻ അരവിന്ദ് ബർദെ, സഹോദരൻ റിയാസ് ഷെയ്ഖ് എന്ന രവീന്ദ്ര, സഹോദരി മോനി ഷെയ്ഖ് എന്ന ഋതു എന്നിവർക്കെതിരെ പോലീസ് കേസെടുത്തു. റിയയുടെ മാതാപിതാക്കൾ ഖത്തറിലാണെന്നാണ് റിപ്പോർട്ടുകൾ. അമരാവതി സ്വദേശിയാണ് ഇവർക്ക് വ്യാജ രേഖകൾ നിർമ്മിച്ചുകൊടുത്തത് എന്നും റിപ്പോർട്ടുകൾ സൂചിപ്പിക്കുന്നു.

റിയയുടെ സുഹൃത്തുക്കളിൽ ഒരാളായ പ്രശാന്ത് മിശ്രയാണ് ഇവർ ഇന്ത്യയിൽ താമസിക്കുന്നത് വ്യാജരേഖ ഉപയോഗിച്ചാണെന്ന് പോലീസിനെ അറിയിച്ചത്. ഇതിന് പിന്നാലെ പോലീസ് ഇവരുടെ രേഖകൾ പരിശോധിക്കുകയായിരുന്നു. റിയയുടെ അമ്മ ബംഗ്ലാദേശ് സ്വദേശിനിയാണ്. ഇവർ മഹാരാഷ്ട്രയിലെ അമരാവതി സ്വദേശിയായ അരവിന്ദ് ബർദെയെ വിവാഹം കഴിക്കുകയായിരുന്നു. ഇവരൊക്കെ ബംഗ്ലാദേശ് സ്വദേശികളാണ്.