തെരുവോരത്ത് കിടക്കുകയായിരുന്നയാളെ കയ്യും കാലും കെട്ടിയിട്ട ശേഷം പെട്രോളൊഴിച്ച് തീക്കൊളുത്തി; നില ഗുരുതരം

Man Found Tied and Burnt on Roadside in Bengaluru: ആക്രമണത്തിന് ഇരയായ സയ്യിദിന് സ്വന്തമായി വീടോ ബന്ധുക്കളോ ഇല്ലെന്നാണ് പോലീസിന് ലഭിച്ച വിവരം. ഇയാൾക്ക് സ്വന്തമായി തിരിച്ചറിയൽ കാർഡോ മൊബൈൽ ഫോണോ ഇല്ല. പകൽ സമയങ്ങളിൽ റോഡരികിലൂടെ നടന്ന് ആക്രി പെറുക്കി ജീവിക്കുന്നതാണ് ഇയാളുടെ രീതി. രാത്രി കാലങ്ങളിൽ തെരുവോരങ്ങളിൽ തന്നെയാണ് ഇയാൾ ഉറങ്ങാറുള്ളത്.

തെരുവോരത്ത് കിടക്കുകയായിരുന്നയാളെ കയ്യും കാലും കെട്ടിയിട്ട ശേഷം പെട്രോളൊഴിച്ച് തീക്കൊളുത്തി; നില ഗുരുതരം

പ്രതീകാത്മക ചിത്രം

Published: 

18 Nov 2026 | 04:57 PM

ബെംഗളൂരു: തെരുവോരങ്ങളിൽ ആക്രി സാധനങ്ങൾ പെറുക്കി ജീവിക്കുന്ന നാൽപ്പത്തിയഞ്ചുകാരന് നേരെ അജ്ഞാതന്റെ ക്രൂരമായ ആക്രമണം. ബുധനാഴ്ച രാവിലെയാണ് ഗിരിനഗർ പോലീസ് സ്റ്റേഷൻ പരിധിയിൽ നാടിനെ നടുക്കിയ ദാരുണമായ സംഭവം നടന്നത്. സയ്യിദ് എച്ച് (45) എന്നയാളാണ് ആക്രമണത്തിന് ഇരയായതെന്ന് പോലീസ് തിരിച്ചറിഞ്ഞിട്ടുണ്ട്. ഇയാളുടെ കയ്യും കാലും കെട്ടിയിട്ട ശേഷം പെട്രോളൊഴിച്ച് തീക്കൊളുത്തുകയായിരുന്നു. ഗുരുതരമായി പൊള്ളലേറ്റ ഇയാളെ വിക്ടോറിയ ആശുപത്രിയിൽ പ്രവേശിപ്പിച്ചു. ഇയാളുടെ ആരോഗ്യനില അതീവ ഗുരുതരമായി തുടരുകയാണെന്നാണ് പുറത്തുവരുന്ന വിവരം.

ബുധനാഴ്ച രാവിലെ ആറ് മണിയോടെയാണ് സംഭവം പുറത്തറിയുന്നത്. റോഡരികിൽ ഒരാൾ ഗുരുതരമായി പൊള്ളലേറ്റ് കിടക്കുന്നത് അതുവഴി പോയ നാട്ടുകാരുടെ ശ്രദ്ധയിൽപ്പെടുകയായിരുന്നു. കയ്യും കാലും ബന്ധിച്ച നിലയിലായിരുന്നു ഇയാൾ കിടന്നിരുന്നത്. ഉടൻ തന്നെ നാട്ടുകാർ ഗിരിനഗർ പോലീസിൽ വിവരം അറിയിച്ചു. പോലീസ് സംഘം ഉടൻ തന്നെ സ്ഥലത്തെത്തി ഇയാളെ രക്ഷപ്പെടുത്തി ആംബുലൻസിൽ വിക്ടോറിയ ആശുപത്രിയിലേക്ക് മാറ്റുകയായിരുന്നു. അജ്ഞാതനായ ഒരാൾ ഇയാളുടെ ദേഹത്തേക്ക് പെട്രോൾ ഒഴിച്ച ശേഷം തീക്കൊളുത്തുകയായിരുന്നു എന്നാണ് പ്രാഥമിക നിഗമനമെന്ന് മുതിർന്ന പോലീസ് ഉദ്യോഗസ്ഥൻ വ്യക്തമാക്കി.

Also Read: Chennai Metro: ചെന്നൈ മെട്രോ ഫേസ് 2: കോറിഡോർ 4 പദ്ധതിയിൽ പുതിയ നീക്കം

ആക്രമണത്തിന് ഇരയായ സയ്യിദിന് സ്വന്തമായി വീടോ ബന്ധുക്കളോ ഇല്ലെന്നാണ് പോലീസിന് ലഭിച്ച വിവരം. ഇയാൾക്ക് സ്വന്തമായി തിരിച്ചറിയൽ കാർഡോ മൊബൈൽ ഫോണോ ഇല്ല. പകൽ സമയങ്ങളിൽ റോഡരികിലൂടെ നടന്ന് ആക്രി പെറുക്കി ജീവിക്കുന്നതാണ് ഇയാളുടെ രീതി. രാത്രി കാലങ്ങളിൽ തെരുവോരങ്ങളിൽ തന്നെയാണ് ഇയാൾ ഉറങ്ങാറുള്ളത്. കഴിഞ്ഞ നിരവധി വർഷങ്ങളായി ഇയാൾ പദരായനപുര പ്രദേശത്താണ് ജീവിച്ചിരുന്നതെന്ന് പ്രദേശവാസികൾ പോലീസിന് മൊഴി നൽകിയിട്ടുണ്ട്. തെരുവിൽ കഴിയുന്ന ആൾക്ക് നേരെ ഇത്രയും ക്രൂരമായ ആക്രമണം ഉണ്ടാകാൻ കാരണം എന്താണ് എന്ന് പൊലീസ് അന്വേഷിക്കുന്നുണ്ട്.

സംഭവത്തിൽ ഗിരിനഗർ പോലീസ് വിശദമായ അന്വേഷണം ആരംഭിച്ചിട്ടുണ്ട്. അക്രമിയെക്കുറിച്ച് ഇതുവരെ യാതൊരു വിവരവും പോലീസിന് ലഭിച്ചിട്ടില്ല. പ്രതിയെ കണ്ടെത്താനായി പ്രദേശത്തെ സി.സി.ടി.വി ദൃശ്യങ്ങൾ കേന്ദ്രീകരിച്ച് പോലീസ് അന്വേഷണം ഊർജ്ജിതമാക്കിയിട്ടുണ്ട്. സി.സി.ടി.വി ദൃശ്യങ്ങളിൽ നിന്നും ലഭിക്കുന്ന വിവരങ്ങളുടെ അടിസ്ഥാനത്തിൽ പ്രതിയെ ഉടൻ തന്നെ പിടികൂടാൻ സാധിക്കുമെന്ന പ്രതീക്ഷയിലാണ് അന്വേഷണ സംഘം.

English Summary

A 45-year-old ragpicker in Bengaluru was left critically injured after an unidentified person tied his hands and legs, poured petrol, and set him on fire early Wednesday morning.

Loading...
Unable to load recommendations.
Follow Us
ടി.വി.എസ്സിന്റെ ഓഫ് റോ‍ഡ് കിം​ഗ് - അപാച്ചെ RTX
200MP ക്യാമറ സഹിതം ഷവോമി 18 പ്രോ ലോഞ്ച് ചെയ്തു
തൃക്കാർത്തികയിൽ ഭാഗ്യം തുണയ്ക്കുന്ന 4 രാശികൾ
മികച്ച റിസൾട്ടിനായി വർക്കൗട്ടിന് മുൻപ് കഴിക്കേണ്ടത് ഇതാണ്
ക്യൂ നിൽക്കാതെ അരവണ വാങ്ങാം, മെഷീൻ റെഡി
40000 ലിറ്റർ എഥനോളുമായി പോയ ലോറി മറിഞ്ഞാൽ?
320 രൂപ കുറഞ്ഞാൽ ഇനി സ്വർണ വില
ലോറിയുടെ ഡീസൽ ടാങ്ക് തകർന്നാൽ