Bengaluru Train: അവധിയാഘോഷം പാളി! ബെംഗളൂരു ട്രെയിനുകള് റദ്ദാക്കി; വേറെ വണ്ടിയില്ലേ?
Bengaluru Train Cancellations Surge Ahead of Summer Rush: മറ്റ് ട്രെയിനുകളുടെ സര്വീസ് ഭാഗികമായി റദ്ദാക്കുകയും ചെയ്തതായി സൗത്ത് വെസ്റ്റേണ് റെയില്വേ അറിയിച്ചു. ഏപ്രില് മാസത്തിന്റെ അവസാനം വരെ ഈ നിയന്ത്രണം ഉണ്ടാകുമെന്ന അറിയിപ്പാണ് റെയില്വേ പുറത്തുവിട്ടിരിക്കുന്നത്. ട്രെയിന് നമ്പര് 20652 തല്ഗുപ്പ-കെഎസ്ആര് ബെംഗളൂരു പ്രതിദിന എക്സ്പ്രസ് ഏപ്രില് 15ന് അര്സകെരെയില്...
പ്രതീകാത്മക ചിത്രം
ബെംഗളൂരു: വേനലവധിക്ക് ബെംഗളൂരുവില് നിന്ന് നാട്ടിലെത്താന് കാത്തിരുന്നവര്ക്ക് കടുത്ത നിരാശ. നഗരത്തില് നിന്ന് പുറപ്പെടുന്ന ട്രെയിനുകളില് ചിലത് പൂര്ണമായും റദ്ദാക്കി. മറ്റ് ട്രെയിനുകളുടെ സര്വീസ് ഭാഗികമായി റദ്ദാക്കുകയും ചെയ്തതായി സൗത്ത് വെസ്റ്റേണ് റെയില്വേ അറിയിച്ചു. ഏപ്രില് മാസത്തിന്റെ അവസാനം വരെ ഈ നിയന്ത്രണം ഉണ്ടാകുമെന്ന അറിയിപ്പാണ് റെയില്വേ പുറത്തുവിട്ടിരിക്കുന്നത്.
റദ്ദാക്കിയ ബെംഗളൂരു ട്രെയിനുകള്
ട്രെയിന് നമ്പര് 16239/16240 ചിക്കമംഗളൂരു-യശ്വന്ത്പൂര്-ചിക്കമംഗളൂരു ഡെയ്ലി എക്സ്പ്രസ്, ട്രെയിന് നമ്പര് 12614 കെഎസ്ആര് ബെംഗളൂരു-മൈസൂരു എക്സ്പ്രസ്, ഈ രണ്ട് ട്രെയിനുകളും ഏപ്രില് 15ന് സര്വീസ് നടത്തുന്നതല്ല.
ഭാഗികമായി റദ്ദാക്കിയവ
ട്രെയിന് നമ്പര് 66550 കെഎസ്ആര് ബെംഗളൂരു-ജോലാര്പേട്ട മെമു സോമനായക്കന്പട്ടിക്കും ജോലാര്പേട്ടയ്ക്കും ഇടയില് വെച്ച് സര്വീസ് അവസാനിപ്പിക്കും. ഏപ്രില് 21, 28 തീയതികളിലാണ് സര്വീസ് ഭാഗികമായി റദ്ദാക്കിയിരിക്കുന്നത്.
ട്രെയിന് നമ്പര് 66549 ജോലാര്പേട്ട-കെഎസ്ആര് ബെംഗളൂരു മെമു ജോലാര്പേട്ടയ്ക്കും സോമനായക്കന്പട്ടിക്കും ഇടയില് ഏപ്രില് 21, 28 തീയതികളില് ഭാഗികമായി സര്വീസ് റദ്ദാക്കും.
Also Read: Bengaluru-Kerala: ബെംഗളൂരുവില് നിന്ന് നാട്ടിലെത്താനാകില്ല; യാത്ര നിലയ്ക്കും, ഇവരാണ് കാരണം
- ട്രെയിന് നമ്പര് 20652 തല്ഗുപ്പ-കെഎസ്ആര് ബെംഗളൂരു പ്രതിദിന എക്സ്പ്രസ് ഏപ്രില് 15ന് അര്സകെരെയില് വെച്ച് യാത്ര അവസാനിപ്പിക്കുന്നതാണ്.
- കെഎസ്ആര് ബെംഗളൂരുവില് നിന്ന് യാത്ര ആരംഭിക്കേണ്ട ട്രെയിന് നമ്പര് 12725 കെഎസ്ആര് ബെംഗളൂരു-ധാര്വാഡ് സിദ്ധഗംഗം ഡെയ്ലി എക്സ്പ്രസ് ഏപ്രില് 15ന് അര്സികെരെയില് നിന്നാകും പുറപ്പെടുക.
- ട്രെയിന് നമ്പര് 12726 ധാര്വാഡ്-കെഎസ്ആര് ബെംഗളൂരു സിദ്ധഗംഗ ഡെയ്ലി എക്സ്പ്രസ് ഏപ്രില് 155ന് അര്സികെരെ വരെയേ യാത്ര നടത്തൂ
ട്വീറ്റ് കാണാം
Tr. No.04132 SMVT Bengaluru – Kanpur Central Express Special of 22.04.2026 has been rescheduled to depart from SMVB at 3 PM due to operational reasons and rescheduling alert messages have been sent to passengers’ registered mobile Number via SMS
— DRM Bengaluru (@drmsbc) April 22, 2026
