One Nation One Election Bill : പ്രിയങ്ക ഗാന്ധി, സുപ്രിയ സൂലെ…; ഒരു രാജ്യം ഒരു തിരഞ്ഞെടുപ്പ് ബില്ലിനുള്ള 31 അംഗ ജെപിസിയെ പ്രഖ്യാപിച്ചു
One Nation One Election Bill JPC Members : 21 ലോക്സഭ എം.പിമാരും 10 രാജ്യസഭ എം.പിമാരും അടക്കം 31 പേരുടെ പട്ടികയാണ് പുറത്ത് വിട്ടത്. ബി.ജെ.പിയുടെ പിപി ചൗധരിയാണ് സംയുക്ത പാർലമെൻ്ററി സമിതിയുടെ അധ്യക്ഷൻ
പ്രിയങ്ക ഗാന്ധി, സുപ്രിയ സുലെ, അനുരാഗ് താക്കൂർ (Image Courtesy : PTI)
ന്യൂ ഡൽഹി : ഒരു രാജ്യം ഒരു തിരഞ്ഞെടുപ്പ് ബില്ലിനെ കുറിച്ച് പഠിക്കാനുള്ള സംയുക്ത പാർലമെൻ്ററി സമിതിയുടെ (ജെപിസി) പട്ടിക പുറത്ത് വിട്ടു. വയനാട് എംപി പ്രിയങ്ക ഗാന്ധി, എൻസിപി ശരദ് പവാർ പക്ഷത്തിൻ്റെ എംപി സുപ്രിയ സുലെ കേന്ദ്രമന്ത്രി അനുരാഗ് താക്കൂർ ഉൾപ്പെടെ 31 പേരുടെ പട്ടികയാണ് പുറത്ത് വിട്ടിരിക്കുന്നത്. 21 ലോക്സഭ എം.പിമാരും 10 രാജ്യസഭ എംപിമാരുമാണ് പട്ടികയിൽ ഉൾപ്പെട്ടിരിക്കുന്നത്. ബി.ജെ.പി നേതാവ് പിപി ചൗധരിയാണ് സംയുക്ത പാർലമെൻ്ററി സമിതിയുടെ അധ്യക്ഷൻ.
ഇന്നലെ ഡിസംബർ 17 ചൊവ്വാഴ്ചയാണ് ഒരു രാജ്യം ഒരു തിരഞ്ഞെടുപ്പ് ബിൽ കേന്ദ്ര സർക്കാർ പാർലമെൻ്റിൽ അവതരിപ്പിച്ചത്. ലോക്സഭയിൽ നിന്നുള്ള 21 അംഗ ജെപിസി പട്ടിക:
പിപി ചൗധരി, സിഎം രമേഷ്, ബാൻസുരി സ്വരാജ്, പർഷോട്ടമ്പായി രുപാല, അനുരാഗ് താക്കൂർ, വിഷ്ണു ദയാൽ റാം, ബ്രാർത്രുഹരി മഹ്താബ്, സാമബിത് പാത്ര, അനിൽ ബാലുണി, വിഷ്ണു ദത്ത ശർമ, പ്രിയങ്ക ഗാന്ധി വാദ്ര, മനീഷ് തിവാരി, സുഖ്ദിയോ ഭഗത്, ധർമേന്ദ്ര യാദവ്, കല്യാൺ ബാനർജി, ടിഎം സെൽവഗണപതി, ജിഎം ഹരീഷ് ബാലയോഗി, സുപ്രിയ സുലെ, ശ്രീകാന്ത് ഷിണ്ഡെ, ചന്ദൻ ചൗഹാൻ, ബാലാഷോറി വല്ലഭാനേനി
ഇവർക്ക് പുറമെ 10 രാജ്യസഭ അംഗങ്ങളും സംയുക്ത പാർലമെൻ്റി സമിതിയുടെ പട്ടികയിൽ ഇടം നേടും.
Updating…
