Droupadi Murmu: രാഷ്ട്രപതി ദ്രൗപദി മുര്മു ഈ മാസം 22ന് ശബരിമലയില് ദര്ശനം നടത്തും
Droupadi Murmu to Visit Sabarimala: തുലാമാസ പൂജയുടെ അവസാന ദിവസമാണ് രാഷ്ട്രപതി എത്തുന്നത്. അന്ന് രാത്രി തന്നെ മലയിറങ്ങി തിരുവനന്തപുരത്ത് എത്തും.
Droupadi Murmu
ന്യൂഡല്ഹി: ശബരിമലയിൽ ദർശനം നടത്താനായി രാഷ്ട്രപതി ദ്രൗപതി മുർമു ഒക്ടോബര് 22 ന് കേരളത്തിലെത്തും. തുലാമാസ പൂജയുടെ അവസാന ദിവസമാണ് രാഷ്ട്രപതി എത്തുന്നത്. അന്ന് രാത്രി തന്നെ മലയിറങ്ങി തിരുവനന്തപുരത്ത് എത്തും. ഒക്ടോബർ 24 വരെ രാഷ്ട്രപതി സംസ്ഥാനത്ത് ഉണ്ടാകും.
ഒക്ടോബർ 22 ന് ഉച്ചയ്ക്ക് നെടുമ്പാശ്ശേരിയില് എത്തുന്ന രാഷ്ട്രപതി തുടര്ന്ന് നിലയ്ക്കലില് തങ്ങിയ ശേഷം വൈകിട്ടോടെയാകും ശബരിമലയില് ദര്ശനത്തിനെത്തുക. രാഷ്ട്രപതിയുടെ സന്ദർശനത്തിന് അനുബന്ധിച്ച് സുരക്ഷാ മുന്നൊരുക്കങ്ങള് ഇതിനോടകം നടത്തിയിട്ടുണ്ടെന്ന് സംസ്ഥാന സർക്കാർ രാഷ്ട്രപതി ഭവനെ അറിയിച്ചിരുന്നു. അതേസമയം ആഗോള അയ്യപ്പ സംഗമ വേദിയിൽ രാഷ്ട്രപതി ശബരിമല സന്ദർശനത്തിന് എത്തുമെന്ന് മന്ത്രി വി. എൻ വാസവൻ പറഞ്ഞിരുന്നു.
Also Read:ബീഹാർ തിരഞ്ഞെടുപ്പ്; 17 ഇന പരിഷ്കാരങ്ങൾ പ്രഖ്യാപിച്ച് തിരഞ്ഞെടുപ്പ് കമ്മീഷൻ
കഴിഞ്ഞ മേയിൽ രാഷ്ട്രപതി ശബരിമല സന്ദര്ശിക്കാന് തീരുമാനിച്ചിരുന്നു. എന്നാല് ഇന്ത്യ-പാക് സംഘര്ഷത്തെ തുടര്ന്ന് സന്ദര്ശനം മാറ്റിവെക്കുകയായിരുന്നു. ഒക്ടോബര് 16നാണ് തുലാമാസ പൂജകള്ക്കായി ശബരിമല നട തുറക്കുന്നത്.
