Vande Bharat Sleeper Cost : ഒന്നല്ല രണ്ടല്ല 120 കോടി, വന്ദേഭാരത് അത്ര നിസ്സാരക്കാരനല്ല, രാജധാനിയ്ക്കുമേലേ നിർമ്മാണച്ചിലവു വരാൻ കാരണം?

Vande Bharat Sleeper

ന്യൂഡൽഹി: വിമാനവേ​ഗത്തിൽ കുതിക്കുന്ന വന്ദേഭാരതും ബുള്ളറ്റ് ട്രെയിനും എല്ലാമാണ് ഇപ്പോഴത്തെ പ്രധാന വിഷയങ്ങൾ. രാജധാനി പോലെയുള്ള പ്രീമിയം ക്ലാസിലാണ് ഇതിനു മുമ്പ് വൻതുക മുടക്കേണ്ടിയിരുന്നതെങ്കിൽ അത്യാധുനിക സൗകര്യങ്ങളുള്ള വന്ദേഭാരത് എല്ലാവർക്കും വിസ്മമായമാകുന്നു. ഇപ്പോൾ വന്ദേഭാരത് സ്ലീപർ കൂടി എത്തുമ്പോൾ എന്ത് ചിലവ് ഒരു ടെയിൽ നിർമ്മിച്ച് പുറത്തെത്തിക്കാൻ വരുമെന്നു നോക്കാം.

നിർമ്മാണ ചെലവ്

ഇന്ത്യൻ റെയിൽവേയ്ക്ക് വന്ദേ ഭാരത് വലിയൊരു കുതിച്ചുചാട്ടം നൽകിയെങ്കിലും, ഈ ആധുനിക ട്രെയിനുകൾക്ക് നിർമ്മാണ ചെലവ് വളരെ കൂടുതലാണ്. 16 കോച്ചുകളുള്ള ഒരു വന്ദേ ഭാരത് ട്രെയിൻ നിർമ്മിക്കാൻ ഏകദേശം 115 മുതൽ 120 കോടി രൂപ വരെയാണ് ചെലവാകുന്നത്.
ഓരോ കോച്ചിനും ഏകദേശം 6 മുതൽ 7 കോടി രൂപ വരെ വരും. ഇന്ത്യയിൽ നിർമ്മിക്കുന്ന ട്രെയിനുകളിൽ ഏറ്റവും വിലയേറിയ ഒന്നാണിത്.

രാജധാനി, ശതാബ്ദി ട്രെയിനുകളിലോ?

പരമ്പരാഗത പ്രീമിയം ട്രെയിനുകളായ രാജധാനി, ശതാബ്ദി എന്നിവയുമായി താരതമ്യം ചെയ്യുമ്പോൾ വന്ദേ ഭാരതിന് 30-40 ശതമാനം അധികം ചെലവുണ്ട്. എന്തുകൊണ്ടാണ് വന്ദേ ഭാരതിന് ഇത്രയധികം വില എന്നറിയാമോ? രാജധാനി ട്രെയിനുകളിൽ ഒരു എഞ്ചിൻ മാത്രമാണുള്ളത്. എന്നാൽ വന്ദേ ഭാരതിൽ ഓരോ രണ്ടാമത്തെയോ മൂന്നാമത്തെയോ കോച്ചിന് താഴെ പ്രത്യേക മോട്ടോറുകൾ ഘടിപ്പിച്ചിരിക്കുന്നു. ഇത് ട്രെയിനിന് വേഗത്തിൽ വേഗത കൈവരിക്കാനും നിർത്താനും സഹായിക്കുന്നു.

Also read – ഞൊടിയിടയില്‍ പൂനമല്ലിയെത്താം; ചെന്നൈ മെട്രോ പോരൂരില്‍ നിന്നുള്ള തേരോട്ടം ഉടന്‍

ഓട്ടോമാറ്റിക് സ്ലൈഡിംഗ് ഡോറുകൾ, സീൽ ചെയ്ത ഗാംഗ്‌വേകൾ, വിമാനത്തിലേതിന് സമാനമായ സീറ്റുകൾ, ബയോ ടോയ്‌ലറ്റുകൾ, ഓൺബോർഡ് ഡയഗ്നോസ്റ്റിക്സ് എന്നിവ ഇതിലുണ്ട്. ബ്രേക്ക് ചെയ്യുമ്പോൾ വൈദ്യുതി ഉൽപ്പാദിപ്പിക്കുകയും അത് സിസ്റ്റത്തിലേക്ക് തിരികെ നൽകുകയും ചെയ്യുന്ന റീജനറേറ്റീവ് ബ്രേക്കിംഗ് സംവിധാനം ഇതിലുണ്ട്.

സുരക്ഷാ സംവിധാനങ്ങൾ

സുരക്ഷയ്ക്കായി വലിയ നിക്ഷേപമാണ് ഈ ട്രെയിനിൽ നടത്തിയിരിക്കുന്നത്. ഇന്ത്യയുടെ തദ്ദേശീയ ട്രെയിൻ സുരക്ഷാ സംവിധാനം കവച് ഇതിലുണ്ട്. സിസിടിവി ക്യാമറകൾ, ഫയർ ഡിറ്റക്ഷൻ സംവിധാനങ്ങൾ, അടിയന്തര സാഹചര്യങ്ങളിൽ സംസാരിക്കാനുള്ള ടോക്ക്-ബാക്ക് സംവിധാനം എന്നിവയും സജ്ജീകരിച്ചിട്ടുണ്ട്. വൻതോതിലുള്ള ഉൽപ്പാദനം ആരംഭിക്കുന്നതോടെ വരും വർഷങ്ങളിൽ വന്ദേ ഭാരതിന്റെ നിർമ്മാണ ചെലവ് കുറയുമെന്ന് ഇന്ത്യൻ റെയിൽവേ പ്രതീക്ഷിക്കുന്നു.