Janani Suraksha Yojana: ഗര്ഭിണികള് ഇതറിഞ്ഞോ? സര്ക്കാര് വഹിക്കും എല്ലാ ചെലവും, കൂടെ ധനസഹായവും
What Is Janani Suraksha Yojana in Kerala: Full Details You Need to Know: ഗര്ഭിണികളുടെയും നവജാതശിശുക്കളുടെയും ആരോഗം സംരക്ഷിക്കുന്നത് ലക്ഷ്യമിട്ടാണ് സര്ക്കാര് ഈ ആരോഗ്യപദ്ധതിക്ക് തുടക്കം കുറിക്കുന്നത്. നാഷണല് ഹെല്ത്ത് മിഷന് വഴി നടപ്പാക്കുന്ന പദ്ധതി ഓരോ വര്ഷവും നിരവധി പേര്ക്ക് തുണയേകുന്നു.
പ്രതീകാത്മക ചിത്രം
കേരളത്തിലെ ഗര്ഭിണികള്ക്ക് സൗജന്യ ചികിത്സയും സാമ്പത്തിക സഹായവും നല്കാനായി സര്ക്കാര് രൂപീകരിച്ച പദ്ധതിയാണ് ജനനി സുരക്ഷാ യോജന. കേന്ദ്രാവിഷ്കൃത പദ്ധതിയായ ജനനി സുരക്ഷാ യോജന വഴി നിര്ധനരായ കുടുംബങ്ങളിലെ സ്ത്രീകള്ക്ക് പ്രസവാനുകൂല്യങ്ങള് ലഭിക്കും. സര്ക്കാര്-അംഗീകൃത സ്വകാര്യ ആശുപത്രികള് പ്രസവിക്കുന്ന സ്ത്രീകള്ക്ക് പദ്ധതി വഴി ആനുകൂല്യം ലഭിക്കുന്നതാണ്.
ജനനി സുരക്ഷ യോജന
ഗര്ഭിണികളുടെയും നവജാതശിശുക്കളുടെയും ആരോഗം സംരക്ഷിക്കുന്നത് ലക്ഷ്യമിട്ടാണ് സര്ക്കാര് ഈ ആരോഗ്യപദ്ധതിക്ക് തുടക്കം കുറിക്കുന്നത്. നാഷണല് ഹെല്ത്ത് മിഷന് വഴി നടപ്പാക്കുന്ന പദ്ധതി ഓരോ വര്ഷവും നിരവധി പേര്ക്ക് തുണയേകുന്നു. ഗര്ഭിണികള്ക്ക് സുരക്ഷിതമായ പ്രസവം ഉറപ്പാക്കുക, അമ്മയുടെയും കുഞ്ഞിന്റെയും മരണനിരക്ക് കുറയ്ക്കുക, സര്ക്കാര് ആശുപത്രികളിലെ പ്രസവം പ്രോത്സാഹിപ്പിക്കുക എന്നതാണ് ലക്ഷ്യം.
Also Read: Sthree Suraksha Pension: സ്ത്രീസുരക്ഷ പെന്ഷന് വന്നില്ലേ ഇതുവരെ? ഒരാഴ്ചകൊണ്ട് അക്കൗണ്ടിലെത്തും
ആര്ക്കെല്ലാം പദ്ധതിക്ക് അര്ഹതയുണ്ട്?
19 വയസിന് മുകളില് പ്രായമുള്ള ബിപിഎല് കുടുംബത്തിലെ ഗര്ഭിണികള്ക്കാണ് പദ്ധതി വഴി ആനുകൂല്യം ലഭിക്കുക. ഇവര്ക്ക് മാത്രമല്ല, പട്ടികജാതി-പട്ടികവര്ഗ വിഭാഗത്തില്പെട്ട സ്ത്രീകള്ക്കും പദ്ധതിയുടെ ആനുകൂല്യം നേടാനാകും. ഗ്രാമ പ്രദേശങ്ങളിലുള്ളവര്ക്ക് 700 രൂപയും നഗരത്തിലുള്ളവര്ക്ക് 600 രൂപയുമാണ് പ്രസവാനന്തര ധനസഹായമായി ലഭിക്കുക.
എങ്ങനെ അപേക്ഷിക്കാം?
ഗര്ഭധാരണത്തിന്റെ ആദ്യഘട്ടത്തില് ആശ വര്ക്കര് മുഖേന അല്ലെങ്കില് ആരോഗ്യകേന്ദ്രം വഴി പദ്ധതിയിലേക്ക് രജിസ്റ്റര് ചെയ്യണം. ബിപിഎല് റേഷന് കാര്ഡ്, ബാങ്ക് പാസ്ബുക്ക്, ആധാര് കാര്ഡ് എന്നിവയാണ് ആവശ്യമായ രേഖകള്.
