Kerala Assembly Election 2026: ഇനി നാല് നാൾ, ചരിത്രമാകുമോ ഈ തിരഞ്ഞെടുപ്പ്- LIVE

ക്രിസ്തുവിൻ്റെ അനുയായികൾ എൻഡിഎയ്ക്ക് വോട്ട് ചെയ്യണമെന്ന് കേന്ദ്ര ആഭ്യന്തര മന്ത്രി അമിത് ഷാ. തെരഞ്ഞെടുപ്പ് പ്രചാരണത്തിന് കേരളത്തിൽ എത്തിയ ശേഷം സംസാരിക്കവെയാണ് അദ്ദേഹം ഇക്കാര്യം പറഞ്ഞത്. Read More….

തൃശൂര്‍ വാടാനപ്പള്ളിയില്‍ സംഘര്‍ഷം. ബിജെപി കിറ്റ് വിതരണം നടത്തിയെന്നാരോപിച്ച് നടത്തിയ പ്രതിഷേധത്തില്‍ യുഡിഎഫ് സ്ഥാനാര്‍ത്ഥി ടിഎന്‍ പ്രതാപന്‍ അടക്കമുള്ളവരെ അറസ്റ്റു ചെയ്ത് നീക്കി. പ്രതിഷേധക്കാരും പൊലീസും തമ്മില്‍ പ്രദേശത്ത് ഉന്തും തള്ളുമുണ്ടായി.

കോവളത്തെ യുഡിഎഫ് സ്ഥാനാര്‍ഥി എം വിന്‍സെന്റിന്റെ ഓഫിസ് ആക്രമിച്ചെന്ന് പരാതി. ഉച്ചക്കടയിലുള്ള തിരഞ്ഞെടുപ്പ് കമ്മിറ്റി ഓഫിസാണ് അജ്ഞാതർ അടിച്ചുതകർത്തത്. ലാപ്ടോപ്പും പ്രിന്ററും അക്രമികൾ നശിപ്പിച്ചു.

സിപിഎമ്മിൽ തെറ്റു തിരുത്തൽ ഉണ്ടാവുമെന്ന് എംഎ ബേബി. തിരഞ്ഞെടുപ്പിന് ശേഷം ചർച്ച ചെയ്ത് തീരുമാനമെടുക്കും.

വീണ്ടും ഡീൽ ആരോപണം ഉന്നയിച്ച് കോണ്‍ഗ്രസ് നേതാവ് രമേശ് ചെന്നിത്തല. 2021ൽ എൽഡിഎഫിന് തുടര്‍ഭരണം കിട്ടിയത് ബിജെപിയുമായുള്ള ഡീലിലൂടെയാണെന്നും ഇത്തവണയും ഈ ഡീൽ ആവര്‍ത്തിക്കുകയാണെന്നും രമേശ് ചെന്നിത്തല ആരോപിച്ചു.

സംസ്ഥാനത്ത് എല്ലായിടത്തും യുഡിഎഫ് തരംഗമാണെന്ന് പ്രതിപക്ഷ നേതാവ് വി ഡി സതീശൻ. നൂറിലധികം സീറ്റുകളുമായി യുഡിഎഫ് അധികാരത്തിലെത്തുമെന്നും, സർക്കാരിന് എതിരായ അതിശക്തമായ പ്രതിഷേധവും യുഡിഎഫിനെ കുറിച്ചുള്ള പ്രതീക്ഷകളും ജനങ്ങൾക്കിടയിലുണ്ടെന്നും അദ്ദേഹം മാധ്യമങ്ങളോട് പറഞ്ഞു.

എൽഡിഎഫിന് വിട നൽകാൻ കേരളം ഒരുങ്ങിക്കഴിഞ്ഞു; അയ്യപ്പനെ പ്രണമിച്ചുകൊണ്ട് തിരുവല്ലയെ ആവേശത്തിലാക്കി മോദി. ALSO READ

സ്ഥാനാർഥി പ്രഖ്യാപനത്തെച്ചൊല്ലി മുസ്‌ലിം ലീഗ് നേതൃത്വവുമായി പരസ്യമായി ഇടഞ്ഞ മുൻ എം.എൽ.എ അബ്ദുറഹിമാൻ രണ്ടത്താണി പ്രതിഷേധം അവസാനിപ്പിച്ചു. തിരൂരങ്ങാടിയിലെ യു.ഡി.എഫ് സ്ഥാനാർഥി പി.എം.എ സമീറിന്റെ തിരഞ്ഞെടുപ്പ് പ്രചാരണത്തിനായി അദ്ദേഹം മണ്ഡലത്തിലെത്തി. രണ്ടത്താണി ഇടത് സ്ഥാനാർഥിയായേക്കുമെന്ന അഭ്യൂഹങ്ങൾ ശക്തമായിരിക്കെയാണ് നാടകീയമായ ഈ തിരിച്ചുവരവ്.

തൃപ്പുണിത്തുറ എന്‍ഡിഎ സ്ഥാനാര്‍ഥി അഞ്ജലി നായര്‍ വീണ്ടും ഹൈക്കോടതിയിലേക്ക്. ആവശ്യപ്പെട്ട പേര് ബാലറ്റില്‍ പരിഗണിച്ചില്ലെന്ന് കാണിച്ചാണ് നീക്കം. ഇക്കാര്യം തിങ്കാഴ്ച വീണ്ടും ഹൈക്കോടതിയുടെ ശ്രദ്ധയില്‍പ്പെടുത്തും.

നിങ്ങളുടെ പേര് വോട്ടർ പട്ടികയിലുണ്ടോ എന്ന് പരിശോധിക്കാൻ മൂന്ന് വഴികളുണ്ട്, ലളിതമാണ് എല്ലാം ALSO READ

വോട്ടിനായി ബിജെപി കിറ്റുകള്‍ വിതരണം ചെയ്തതില്‍ തൃശൂര്‍ വെസ്റ്റ് പോലീസ് കേസെടുത്തു. രാധാകൃഷ്ണനാണ് കിറ്റുകള്‍ ഓര്‍ഡര്‍ ചെയ്തത്. ഇയാളെ ഒന്നാം പ്രതിയാക്കിയിട്ടുണ്ട്. ജനപ്രാതിനിധ്യ നിയമപ്രകാരമുള്ള വകുപ്പുകളാണ് ചുമത്തിയത്.

മൂന്ന് ജില്ലകളിൽ കേന്ദ്ര ആഭ്യന്തര മന്ത്രി അമിത് ഷായും, കൊട്ടാരക്കരയിൽ എഐസിസി അധ്യക്ഷൻ മല്ലികാർജ്ജുന ഖാർഗെയും പ്രചാരണത്തിന് എത്തും

തിരഞ്ഞെടുപ്പ് ദിനത്തിന് ഇനി വെറും 4 ദിവസം മാത്രമാണുള്ളത്. ഏപ്രിൽ 9-നാണ് പോളിംഗ്