Kerala Assembly Election Result 2026: മഞ്ചേശ്വരം ഇത്തവണ ആർക്കൊപ്പം? ട്രെന്റുകൾ സൂചിപ്പിക്കുന്നത്
Kerala Assembly Election Manjeswaram Result:2016 ലെ തിരഞ്ഞെടുപ്പിലും 2021ലെ തിരഞ്ഞെടുപ്പിലും ചെറിയ ശതമാനം വോട്ടുകൾക്കു മാത്രമാണ് ഇവിടെ വിജയിയെ തീരുമാനിക്കാൻ സാധിച്ചത്. ഇക്കുറിയും സമാനമായി ചെറിയ മാർജിനിൽ വിജയം സ്വന്തമാക്കാം എന്ന പ്രതീക്ഷയിലാണ് പ്രധാനപ്പെട്ട മുന്നണികളിലെ സ്ഥാനാർത്ഥികൾ. 81.04 ശതമാനം വോട്ടാണ് ഇത്തവണ മണ്ഡലത്തിൽ രേഖപ്പെടുത്തിയത്. ഏറ്റവും ഒടുവിലത്തെ..........
Akm Ashraf, K Surendran, K R Jayananda
ശക്തമായ ത്രികോണ മത്സരത്തിന് സാക്ഷ്യം വഹിച്ച മണ്ഡലമാണ് മഞ്ചേശ്വരം. വോട്ടെണ്ണി തുടങ്ങുമ്പോൾ മഞ്ചേശ്വരത്തിന്റെ ചായ്വ് എങ്ങോട്ട് എന്ന കാര്യമാണ് ഇപ്പോൾ ശ്രദ്ധയാകുന്നത്. മണ്ഡലത്തിലെ സിറ്റിംഗ് എംഎൽഎയും ജനകീയ പിന്തുണയും ഉള്ള നേതാവുമായ എ കെ എം അഷ്റഫ് ആണ് യുഡിഎഫ് സ്ഥാനാർത്ഥി. ബിജെപിയുടെ കേരളത്തിന്റെ ശ്രദ്ധയേനായ നേതാവ് കെ സുരേന്ദ്രൻ ബിജെപിക്കു വേണ്ടിയും എൽഡിഎഫിന് വേണ്ടി കെ ആർ ജയാനന്ദയും ആണ് ഇത്തവണ കളത്തിൽ ഇറങ്ങിയത്.
2016 ലെ തിരഞ്ഞെടുപ്പിലും 2021ലെ തിരഞ്ഞെടുപ്പിലും ചെറിയ ശതമാനം വോട്ടുകൾക്കു മാത്രമാണ് ഇവിടെ വിജയിയെ തീരുമാനിക്കാൻ സാധിച്ചത്. ഇക്കുറിയും സമാനമായി ചെറിയ മാർജിനിൽ വിജയം സ്വന്തമാക്കാം എന്ന പ്രതീക്ഷയിലാണ് പ്രധാനപ്പെട്ട മുന്നണികളിലെ സ്ഥാനാർത്ഥികൾ. 81.04 ശതമാനം വോട്ടാണ് ഇത്തവണ മണ്ഡലത്തിൽ രേഖപ്പെടുത്തിയത്. ഏറ്റവും ഒടുവിലത്തെ തദ്ദേശ സ്വയംഭരണ തിരഞ്ഞെടുപ്പ് കണക്കുകൾ പരിശോധിക്കുമ്പോൾ ബിജെപിയും യുഡിഎഫിനും വിജയസാധ്യത പ്രതീക്ഷിക്കാവുന്ന ഒരു ട്രെൻഡാണ് മണ്ഡലത്തിൽ നിലനിൽക്കുന്നത്.
മഞ്ചേശ്വരത്തിന്റെ ട്രെൻഡ്
കൃത്യമായി അല്ലെങ്കിൽ പരമ്പരാഗതമായി ഒരു ട്രെൻഡ് പിന്തുടരുന്ന രീതിയല്ല മഞ്ചേശ്വരത്തിന് ഉള്ളത്. ഓരോ തിരഞ്ഞെടുപ്പ് കഴിയുമ്പോഴും ചായ്വ് എങ്ങോട്ട് എന്ന് വ്യക്തമായ ഒരു ഉത്തരം രാഷ്ട്രീയ കേരളത്തിന് നൽകാത്ത രീതിയാണ് മഞ്ചേശ്വരം മണ്ഡലത്തിന്റേത്. കാസർകോട് ജില്ലയുടെ ഭാഗമായ ഈ മണ്ഡലം 1957ൽ രൂപീകൃതമായത് മുതൽ രാഷ്ട്രീയമായി വ്യത്യസ്തമായ ചരിത്രമാണ് പിന്തുടർന്ന് വന്നിട്ടുള്ളത്. 1987 മുതലാണ് മുസ്ലിംലീഗിന്റെ മേധാവിത്വം മണ്ഡലത്തിൽ പ്രകടമായി തുടങ്ങിയത്. 2011 മുതൽ മണ്ഡലത്തിൽ പ്രധാനമായും യുഡിഎഫും ബിജെപിയും തമ്മിലാണ് കടുത്ത മത്സരം നടക്കുന്നത്. ഇത്തവണയും അത് അങ്ങനെ തന്നെ തുടരുന്ന ഒരു ട്രെൻഡ് ആണ് മഞ്ചേശ്വരത്ത് പ്രകടമാകുന്നത്. 2021ലും എ കെ എം അഷ്റഫും കെ സുരേന്ദ്രനും തമ്മിലായിരുന്നു നേർക്ക് നേരെ പോരാട്ടം. ഇത്തവണ ആരു വിജയിക്കുമെന്നതാണ് കണ്ടറിയേണ്ടത്.
ENGLISH SUMMARY
Manjeswaram is a constituency that witnessed a strong triangular contest. AKM Ashraf, the sitting MLA of the constituency and a leader with popular support, is the UDF candidate. BJP’s prominent leader in Kerala, K Surendran is reprecenting nda and KR Jayananda has entered the fray for the LDF. Political Kerala is eagerly waiting to see who will lead Manjeswaram with the results of the 2026 elections.
